Unionismoa atzera Euskal Herrian, baina...
Bigarren parteak ez dira oso maitatuak izaten arte guztietan. Politikan ere ez. Emaitzek déjà vu-tik gehiago dute berritik baino, baina badira pozteko pare bat arrazoi. Batetik, neofaxismoak Espainian izan duen goraldia gurean 1.300 boz gehiago eta zero ordezkari baino ez da. Bestetik, Euskal Herriaren erabakimena ukatzen dutenen indarra txikiagoa da. Unionismoak behera egin du. PSEk, PSNk eta Navarra Sumak jaitsi dutena PPk igo duenaren antzekoa da, baina Ciudadanosek jaso duen zaplazteko orokorrak balantze unionista negatiboan utzi du hemen. Hala, Euskal Herriko ultraeskuindarren –PP, C’s eta Vox– ordezkaritzak kongresuan 23tik bikoa izaten jarraitzen du, eta biak Navarra Sumakoak.
Hasteko aipa dezagun Marmotaren Eguneko ohiko osagaia: EAJ. Hemen eta munduan gertatzen dena gertatzen dela, hauteskundeak irabazteko makina hori oso ondo olioztatuta dagoela erakutsi du enegarren aldiz. Eta gainera, Bizkaian bezala, gizentzea esku-eskura utziz gero.
Katalunian ezagun egin duten “jugada mestra” bat egin du Iñigo Errejonek. Baita Euskal Herrian ere. Euskal Herrian Bizkaian bakarrik aurkeztu dira eta Txema Urkijo buru duen Más País Más PNV bilakatu da. Podemosen inguruko bozka zatitu izana baliatu du, ohi legez, eskuinetik, ezkerretik, goitik eta behetik arrantzatzen dakien klaseko azkarrenak. EAJk Bizkaian lortu duen laugarren eserleku horri esker, aspaldi ikusi gabeko ordezkaritza zabalena izango dute autonomistek Madrilen: zazpi parlamentari. Boto garapenaz ari garela, datu bat: Podemosek zortzi ordezkari eta 428.000 boz lortu zituen Euskal Herrian 2016ko hauteskundeetan. Hiru urte igarota, erdia dira Iglesiasen lagunak: lau parlamentari eta 236.000 boz.
Hautagaitzak ugaldu baino sigla berberen azpian aurkeztea eraginkorragoa dela erakutsi du navarrismoak berriz ere. Barkosen gobernuaren ostean, ondo ikasita du lezioa, eta UPN, PP eta C’s-en Navarra Sumak erraz irabazi ditu hauteskundeak. Horri gehituz gero, Vox-en 1,2 puntuko igoera (Geroa Bairen gainetik geratuz) eta Erriberan neofaxistek lortutako emaitza onak –Tuteran %13 eta Corellan %12–, hobeto ulertzen da zergatik oraindik orain euskalduna izatea erresistentzia ariketa den Nafarroan. Erresistentziarako fitxaketa berri bat joango da Altsasutik Madrilera: EH Bilduko Bel Pozueta, PSNren kaltetan. Ezker abertzaleak 2011tik ez du ordezkaritzarik lortu Nafarroan, eta gainera orduko emaitza onak bi puntutan hobetu ditu. EH Bilduren igoera orokorraren pizgarri nagusia nafarrak izan dira.
Gipuzkoan eta Araban Marmotaren Eguna. Dena berdintsu. Nafarroan bezala, Araban, EH Bilduren eserlekua zen zalantza bakarra. Eta emaitza ere independentisten aldera lerratu da. Besaulki bat berotzeko Segoviara ihes egin ostean, Marotok lortutakoari 500 boz eskas gehitu dizkio Marimar Blanco hautagaiak. Urrun geratu dira, Iñaki Ruiz de Pinedok 2.600 gehiago bildu baitu, PPrekiko arrakala gehiago handituz.
Laburbilduz, alderdien proposamenetan ezezik, emaitzak ere oso bestelakoak dira Euskal Herrian, baita Espainiari begirako hauteskundeetan ere. Gure bizitzen gain erabaki nahi dugunontzat, oraingoan Kataluniak hauspotuta, errepresio hotsak dira Ebrotik behera, PSOEtik VOXera. Eta Espainiako emaitzek utzitako enegarren eskumaratze orokorrak, zer bide uzten du balore demokratikoetan sakondu nahi dugunontzat? Zer dugu adosteko Madrilen euskaldunek eta katalanek, guretzat gordetako ziegen barroteen edo abiadura handiko trenen geltokien koloreaz aparte? Hemendik bost ala zazpi ordezkari bidalita ere…
Ondo gogoratzen du noiz izan zen lehen ziztada: 2019ko apirilaren 28an. Espainiako hauteskundeekin kointziditu baitzuen. Modurik txepelenean gertatu zen: beti bozkatzen duen –tradizioz, konformismoz, are abulia puntu batez– alderdiaren boto papera hartu eta... [+]
Zein udalerrietan izan da indartsuen EAJ? Zeinetan EH Bildu? Non bozkatu da gehien Ahal Dugu? Eta Vox non da indartsuen Euskal Herrian? Zein dira PSOEren indarguneak? Eta PPrenak? Kontsultatu guztia infografia interaktiboen bidez.
Azaroaren 10eko Espainiako hauteskundeetan jaurtitako promesak betetzeko ordua iritsi da.
EAJk Bizkaiko azken diputatua galdu du PPren mesedetan, atzerriko botoengatik eta gaizki zenbatutako 200 boto ingururengatik.
Asteartean PSOEk eta Unidas Podemosek Espainiako Gobernua osatzeko akordioa sinatu zuten, baina bi alderdi horien batura ez da nahikoa inbestidura ziurtatzeko. Nola jokatuko du EAJk Madrilen dituen zazpi diputatuekin? Aitor Estebanek ez du gauza askorik argitu oraingoz.
Ez da harritzekoa, kanpaina honetan, Syriza greziar alderdiaz eta Tsipras lehendakari ohiaz aipamen batere ikusi/entzun ez izana, nahiz eta pisu handia izan duen, nik uste, greziar eskarmentu hark. Nahita ahazturik jendearen aurrean, baina presente, oso, kanpaina diseinuetan... [+]
"Politikari guztiak berdinak dira”. Esaldi hori aditzen dudan bakoitzean, egonezinak kolpatzen nau. Norbaitek bere burua apolitikotzat jo edo munduko hiritar gisa aldarrikatzen duela entzunda nabaritzen dudan egonezin berak.
Beste klase bateko erranaldiekin... [+]
Atzoko emaitzak ikusita, Espainiako Gorteetarako egin ziren lehen hauteskundeekiko konparaketa bat egin daiteke. Emaitza ez da berdina, baina badu antzeko kutsua 1977. urtean izan ziren hauteskundeekin konparatuz gero: alderdi askoren presentzia, zatiketa, nazioen presentzia... [+]
Atzo, Pablo Iglesiasek esan zion Pedro Sanchezi, lo gutxiago egingo zuela ultraeskuindarren gorakada ikusta, Podemos-eko ministro bat edo bi izanda. Ez dakit Pedro Sanchezek lo ondo egin duen ala ez, baina argi dagoena da, hauteskunde berriak konbokatu zituenean, Pedro Sanchezek... [+]
Atzo ere, hauteskunde eguna. Eta gaur, berriro ere, gertuko etorkizunaz hausnartzeko eguna. Egia esan, ez dakit zer hautatu dugun edota batzuek zer nahi zuten guk hautatzea. Adibidez, Sánchez hautagaiaren hitzetan, azaroaren 10ean ez ziren politikak bozkatzen, gobernua... [+]
PSOE eta Podemosen arteko akordioa gorabehera, berriro bozkatzera eraman nahi izan gaituzte gobernuaren osaketa alderdi independentisten esku zegoelako. Ez gaitezen engaina, Espainiako egoera ez da gobernua osatu ezinean sortutako blokeo politikoa, ez hori bakarrik bederen:... [+]
Espainiako Kongresurako eta Senaturako hauteskundeen errepikatzea izan da honakoa, 2015etik laugarrenak. Eta lehen galderak izan behar luke zertarako errepikatu dituen hauteskundeak apirileko deialdian irabazle izan zen PSOEk. Izan ere, azaroaren 10eko hauteskundeek joko zelai... [+]