Unibertsitatea doakoa izango da Txilen
Milaka ikasle, guraso eta eragilek Txileko kaleak hartu zituzten 2011n, doako, kalitatezko eta irabazi asmorik gabeko hezkuntza aldarrikatuz. Goi mailako heziketa jasotzeko aukera norberaren baliabide ekonomikoen menpe ez egotea eskatu dute ordutik eta borrokaren fruituak ikusiko dituzte azkenik: martxotik aurrera unibertsitatea doakoa izatea onartu berri du Txileko Kongresuak.
Bidea ez da erraza izan. Michelle Bachelet herrialdeko presidenteak 2014ko hauteskundeetan agindutako erreforma izan zen, eta Auzitegi Konstituzionalak atzera bota arren –doakotasunaren legea “diskriminatzailea” zela zioen, ez zituelako unibertsitate guztiak barne hartzen– azkenean legea moldatu eta unibertsitate publikoez gain gutxienez lau urteko ibilbidea duten eta irabazi asmorik ez duten unibertsitate pribatuak ere barneratu ditu. Ikastetxe publikoek, hori bai, 5.000 milioi pesoko diru-laguntza izango dute (6,5 milioi euro inguru, orain arteko laguntza bikoiztuz).
Kalitate ziurtagiriak ere eskatuko zaizkie unibertsitateei, “doakoa eta txarra ez baita inorentzat baliagarri”
Kalitate ziurtagiriak ere eskatuko zaizkie unibertsitateei. Azken finean, Bacheleten hitzetan, hezkuntza “ondare soziala” da eta kalitate onekoa izan behar du, “doakoa eta txarra ez baita inorentzat baliagarri”. Duela hiru urte “ezinezkoa zirudiena” lortu dutela gaineratu du presidenteak.
Hainbat fase izango ditu prozesuak eta lehenengo urrats honek baliabide gutxi dituzten 178.000 laguni eragingo die, herrialdeko unibertsitarioen %27,5.
Goi mailako ikasketa guztien doakotasuna helburu
Formazio Teknikoko Zentroak eta Institutu Profesionalak direlakoak (denak pribatuak) kanpo utzi ditu oraingoz legeak, nahiz eta beken bidez diru gehiago bideratuko zaien zentrootako ikasleei. Prozesua 2020an bukatzea eta ordurako goi mailako ikasketen doakotasun unibertsala lortzea da helburua.
Pinocheten ereduari buelta eman ahal izateko, erreforma fiskala
Augusto Pinochetek diktaduran ezarritako hezkuntza eredua mantendu da orain arte Txilen, merkatuaren legeen araberako eredu elitista. Unibertsitate publikoek apenas duten administrazioaren finantzaziorik, eta pribatuen moduan kobratzen dizkiete tasak ikasleei. Txilen, familia asko eta askori ahalegin ekonomiko handia eta bankuarekin luzerako zorpetzea dakarkie etxeko norbait unibertsitatera bidaltzea.
Hezkuntzaren aldeko erronka hau aurrera ateratzeko, fiskalitatean erreforma sakona egin zuen iaz Bacheleten Gobernuak. Gradualki enpresa handiei zergak handitzea izan da aldaketa nagusietakoa, %20tik 27ra. Horri esker, 8.300 milioi dolar gehitu ditu administrazioak, doako hezkuntza finantzatu ahal izateko.
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
17.500 ikasle inguruk Unibertsitatera Sartzeko Ebaluazioa egingo dute aste honetan Hego Euskal Herrian, urteotako eredua errepikatuko duen azkena. Probak proba, plaza publiko mugatuek, karrera batzuetako nota altuek, unibertsitatearen garestitzeak eta pribatizazioak,... [+]
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]