Jadanik ebidentzia estatistikotzat aitortua baldin bazegoen airearen kutsaduren handitzearekin ugariagoak direla hura arnasten duten jendeen gaixotasun neurodegeneratiboak, orain ikerlari mexikarrek nanopartikula ugari aurkitu dituzte Mexiko Hirian bapatean hildako 11 hilabete eta 27 urte arteko 186 gazteren garunetan, Alzheimerraren, Parkinsonaren eta beste gaixotasun degeneratiboetan ohikoak diren proteina anormalekin lotura handia dutenak.
Alzheimerra eta beste gaixotasun degeneratiboen eta aireko kutsagarrien arteko loturak azaltzeko urrats berria Lilian Calderón-Garcidueña buru duen zientzialari talde batek burutu du Montanako Unibertsitatean eta Environmental Research aldizkari zientifikoak plazaratu berri du. Ikerlariek metal astunen nanopartikulak aurkitu dituzte Mexiko Hirian bapatean hildako 11 hilabete eta 27 urte arteko 186 gazteren garunetan, Alzheimerraren, Parkinsonaren eta beste gaixotasun degeneratiboetan ohikoak diren proteina anormalekin lotura handia dutenak. Nanopartikula horiek ez dituzte aurkitu gutxiago kutsatutako eremuetako gazteen burmuinetan.
Londresko The Guardian egunkariak ikerlanaren garrantziaz galdetuta, honela nazioarteko ikerketan parte hartu duen eta Lancasterreko (Erresuma Batua) unibertsitatean irakasle den Barbara Maherrek esan du: "Izugarria da haurren burmuin sisteman ere neuropatologia aurkitzea. Oraindik ez dugu kausalitatea frogatu ahal izan, baina nola espero zenezakeen metalen nanopartikula horiek aurkitzea burmuineko zelula oso garrantzitsuen barruan? Tiro egin duen pistolaren kea erakusten du, itxura guztien arabera nanopartikula horiek tiratzen dituzte neuronetan kalte degeneratiboak eragiten dituzten balak".
Gaixotasun neurodegeneratiboen kausak konplexuak dira eta ez dira osoki esplikatu orain arte. Horretaz dio Maherrek: Dudarik gabe, egongo dira faktore genetikoak eta baita bstelako neurotoxikoak ere. Baina airearen kutsadura honetan berezi egiten duena da zein modu etengabean eragiten dien hura arnastu behar duten herritarrei. Iruditzen zait gizakiaren organismoak ez duela garatu inolako defentsa mekanismorik bere burua babesteko nanopartikula horietatik". Maherrek azpimarratu du haurretan ikertu dutela horiek ezin izan dituztelako beren soinean probatu dementziaren eragile izan daitezkeen beste zenbait produktu, hala nola alkohola. "Horregatik dira haurrak ikatz meategietako kanarioak bezala". [Meatzariek txori kantari bat eraman ohi zuten metegiaren barrenera: gas isuri bat baldin bazegoen, beste inor baino lehen hiltzen zen txori txikia eta hura isiltzea zen arrisku larriaren seinale].
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
Barakaldoko Udalak 11.800 euroko isuna ordaintzea eta gauez hiru hilabetez ixtea exijitu dio Bizkaiko enpresari. Abuztuaren amaieratik txistu etengabe, desatsegin eta jasangaitza igortzen du inguru zabalean entzuten dena.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.