“Umeek gero eta zailagoa dute aire zabalean jolastea, eta horretara animatu nahi ditugu”
Aire zabalean askatasunez jolastearen onurak modu dibertigarrian islatzea, Yoko eta lagunak filmaren helburua. Azaroaren 13an estreinatuko dute zine-aretoetan Juanjo Elordik eta Rishat Gilmetdinov errusiarrak zuzenduriko animazio-lana.
Hirietan bizi gara gero eta gehiago, eta horrek ondorioak ditu umeengan: helduon beldurrek, segurtasunaren izenean leku itxietan aritu beharrak, joko bideratuek… ez diete haurrei uzten libreki aritzen, baina horretara animatu nahi dituztela adierazi digu Juanjo Elordik.
“Umeek behar-beharrezkoa dute askatasunez (eta seguru) jolasteko aukera emango dien ingurune bat, beraien garapen emozional, sozial eta fisikoa bideratzeko. Umeek beraien kasa jolasten direnean sortzen dituzten ingurune magikoek erraztu egiten dute beste umeekin eta naturarekin harremanak izatea, edo beraien ametsak, beldurrak eta gurariak bideratzea”, diote egileek.
4-8 urteko umeei zuzendutako pelikula da Yoko eta lagunak. Vik eta gurasoak hiriz aldatu dira. Lotsatia da Vik, baina lagun berriak berehala egin ditu: Mai eta Oto. Hiruren artean, jolas eta abentura ugari biziko dituzte, izaki magiko baten laguntzaz: Yoko.
Pelikulatik harago doan proiektua
Oinarri beretik abiatuta, bi ipuin-liburu dituzte kalean: Gaztelu miragarriaren zaindaria eta Ilargirako suziria. Ondoren Yoko eta lagunak pelikula etorri da, eta hirugarren urratsa abiatu dute dagoeneko: hurrengo urteko negurako, telesaila egina nahi lukete, beti ere modu askean fantasia eta sormena lantzea, esploratzea eta haurrak era naturalean garatzea aldarri.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
Euskal herritar ugari saritu ditu Espainiako zine akademiak pasa den asteburuan banatu diren Goya sarietan. Artikuluaren bigarren partean, zeresana eman duten hainbat kontu aletuko ditugu.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.