Lehenbiziko mikrobihotzekoa: euskarazko udal jarduera bat, bizpahiru urteko dozena bat haur jolasean parkean, gurasoak inguruan, haurretako bat hurbildu zait ondora, zast!, arnasa moztu dit eskutxoan daraman eskumuturrekoak: Ertzaintza. Blue Lives Matter (“Polizien bizitzek axola dute”). AEBetako Poliziaren eskuin muturreko mugimendua da Blue Lives Matter, Georde Floyd-en hilketaren ostean –“Ezin dut arnasa hartu”– sortutako Black Lives Matter (“Beltzen bizitzek axola dute") mugimenduaren aurka sortutakoa. Mikrobihotzekoaren erreplika: nire asaldura guraso lagun batekin partekatu, eta ez dela harritzen, bere bikotekidea berriki kirolerako Whatsapp batean sartu dela eta kide batek semearen argazkia jarri duela estadoan, Ertzaintzaren logoaz eta “nagusitan Polizia” leloaz lagundurik.
Bigarren mikrobihotzekoa: Plaza Berrian eszenario huts bat dago, hesiez inguratua inor igo ez dadin, baina haurrak goian batera eta bestera korrika, eta gurea ere abiatu da arrapaladan. Lau urteko bi neskato hurbildu zaizkit, gaztelera jatorrean: “Jauna, ezin da eszenariora igo”; "eta hori zergatik?"; “Poliziak esan du”. Ni heldu guaiarena egitera –ustez–, irribarretsu: “Beno, batzuetan Poliziari ez zaio kasurik egin behar, beraiek ohartu gabe beti ere”; “Ah! Ba bere aita Polizia da!”; “Bai, deituko dut? Papa!!! Papa!!!”. Korrika batean umea oholtzatik eraman eta aldendu egin naiz, ondoko kuadrillako gizonetako bat modu txarrean hurbilduko zaidanaren beldurrez, lagunkiro hurbilduko zaidanaren izu-laborriz. Mikrobihotzekoaren erreplika: guraso lagun batekin partekatu dut tragikomedia, eta ez dela harritzen, bere lau urteko alabaren gelakide baten aita ertzaintza dela, ondoan duena egurtu zalea dela –kasualitatea izan daiteke–, eta horrelakorik ezin duela egin esaten diotenean erantzuten duela, “Zu ixo, nire aita etorriko da, atxilotuko zaitu eta espetxeratu” –ez da kasualitatea–. Hori dena bi asteren buruan.
Garai ez hain urrunean poliziak “funtzionarioak” ziren esparru publikoan. Orain, antza, ozen aldarrikatu ez ezik seme-alabak erabiltzen dituzte harro beren ogibidea publizitatzeko
Garai ez hain urrunean poliziak “funtzionarioak” ziren esparru publikoan. Orain, antza, ozen aldarrikatu ez ezik, seme-alabak erabiltzen dituzte harro beren ogibidea promozionatzeko. Batzuek ekintza politiko kontziente gisa egingo dute; beste batzuek natural-natural, pentsatu gabe, sintoma are kezkagarriagoa dena: adierazten baitu biolentziaren profesional ogibidea normalizatu egin dela gure herrian.
Poliziak funtzio eta jarrera pertsonal-politiko berberak mantentzen baditu ere –galde diezaietela pertsona arrazializatuei, militanteei, Villabonako Xubanen begiari, ZIUra bidali zuten Realeko zaletuari, Irungo herritar umiliatuari...– bere izatea despolitizatzen ari da, beste edozein enpleguren pareko bailitzan. Honatx beste gertakari bat adibide gisa, hau aspaldikoa: ordu txikitan Jimmy Jazz aretoan, bozgorailuetatik No hay tregua, lagun baten nazka aurpegia ikusi eta zer gertatzen zaion galdetzera hurbildu, “ikusten tipa hori?”, “ETA, ETA, ETA-ETA-ETA!” oihuka dena ematen ari den pertsona seinalatuta: “Ba zipaia da”.
Eta azken adibide bat, kontrako noranzkoan: Gasteizko hainbat mugimendu ‘erradikaletako’ militante ohiaren 2X2 gorputza munipa uniformean sartuta topatu dezakezu egun, garai bateko borrokakideak agurtzeko prest, hori bai. Akaso ni naiz bakarra azkenaldian gure giro oro har progre-an horrelako elkarrizketak dituena: “Gogoratzen urlia? Ba, Poliziarako lan oposizioak prestatzen ari da”. Baina ez dut uste.
Politizatu, desnormalizatu eta ekarri dezagun lehen lerrora Poliziaren arazoa, poliziek beren burua funtzionario gisa agertzera bueltatu daitezen, edo behintzat beren seme-alabak ez ditzaten erabili publizitate euskarri gisa. Demokraziaren izenean, bizitzen ari garen eldarnio autoritario eta militaristari balazta jartzeko. Edo, besterik ez bada, osasun publikoaren izenean: bihotz sentsibledun pertsonak mikrobihotzekoz mikrobihotzeko bizi ez gaitezen.
Diskriminazioaren ahotsak txostenak zenbakitan jasotzen ditu 2023an Bizkaiko SOS Arrazakeriaren Informazio eta Salaketa Bulegoan pertsona ugarik agertarazitako esperientziak, eta haietan "arrazoi arrazista eta xenofoboen aurkako indarkeria, eraso eta diskriminazioak”... [+]
Frantziako Estatuaren aurkako protestak aitzina doaz Kanaky irlan eta errepresioak ere ez dauka etenik. Uztailaren 10ean tiroz hil du errepide blokeoan zegoen Rock Victorin Wamytan gaztea. Independentisten artean ezaguna den familia batekoa da gaztea: 1998ko Noumeako Bake... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Astearte goizean egitekoa zen epaiketa, baina akordioa egin dute aurretik fiskaltzak, akusazio partikularrak eta akusatuaren defentsak. Akusatuak onartu du 2019an tiro egin ziola Amurrioko ezker abertzaleko familia baten baserriari. Espetxeratzea ekiditeko indultua eskatuko... [+]
Azken hamarkadetan, bi estatuetako indar armatuen jardun nagusiak errepresioa eta zapalkuntza izan direla salatu dute eta azpimarratu dute haien presentzia ez dela beharrezkoa. Ekainaren 22an izango da Fan Hemendik Eguna Oñatin.
Buztintxuri auzoan gertatu zen, asteleheneko lehen orduan. Gizonak zentro psikiatriko batean nahitaez sartzeko agindua zuen, eta mediku bati eraso egingo ziola mehatxu egin zuen.