Ultraeskuinaren diskurtsoari eutsi eta Alemaniak polizia-kontrolak ipiniko ditu muga guztietan
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Irailaren 16tik aurrera, gutxienez sei hilabetez, herrialdeko sarrera-irteera guztiak kontrolatuko ditu Alemaniak. Neurri esanguratsua da, herrialdeak Europan duen pisuagatik ez ezik, erdi-erdian dagoelako eta muga asko dituelako. Ez da erabat praktika berria, ordea: Alemaniatik hainbat herrialdetarako mugetan polizia-kontrolak existitzen dira, hurrenez hurren, Suitzarekin, Austriarekin, Txekiar Errepublikarekin eta Poloniarekin; herrialde horiek kontrolatzen dituzte haien mugak, haien kabuz, ez Alemaniak berak aginduta. Datorren astetik aurrera, ordea, Alemaniak gauza bera egingo du Frantzia, Luxenburgo, Herbehereak, Belgika eta Danimarkara ematen duten pasabideekin.
Schengen eremuko kide izanik, azken-azkeneko salbuespen-neurri gisa aurreikusten da halakorik egitea, herritarren mugimenduak erabat askea izan behar duelako hitzarmenaren arabera. Gobernuaren esanetan, baina, "immigrazio irregularra" kontrolatzea eta "herrialdearen segurtasuna indartzea" dira neurri polemikoaren helburuetako bi. Horixe argudiatu dio Alemaniako Barne Ministerioak Europako Batzordeari.
Ultraeskuinaren igoera Alemanian
Irailaren 1ean hauteskundeak egin ziren Turingia eskualdean, eta Bigarren Mundu Gerraz geroztik, estreinakoz ultraeskuinak jaso zituen boto gehien Alemaniako eskualde batean: hiru bototik bat jaso zituen Alemaniari Alternatibak (AfD). Saxonian ere egin ziren hauteskundeak, eta bigarren geratu zen, ozta-ozta, CDU demokristauen atzetik.
Bi eskualdeak herrialdearen ekialdean daude, bereziki Saxonia, Txekiar Errepublikarekin eta Poloniarekin mugan. Migrazio gehien handik iristen da, eta ekonomikoki, esaterako Berlin inguruarekin alderatuta, dezente ahulagoak dira. Eskuin muturraren igoeran eragina du horrek.
Schengen eremuko kide izanik, azken salbuespen-neurri gisa onartzen da mugak ixtea
AfD alderdiko Turingiako buruzagiek erradikalago izateko sona dute alderdiaren egitura zentraleko kideekin alderatuta. Aipagarriena Björn Höcke, Turingian hauteskundeak irabazi dituena. Bermigrazioa aldarrikatzen du berak. Hau da, migratzaile ororen deportazioa, herrialde bakoitza "herritar autoktonoena" soilik balitz bezala. Lehenik, "legez kanpoko migratzaileak" kanporatu behar direla dio, premia bizia horretan dagoela argudiatuta; eta bigarrenik, herrialdean asentatuta dagoen etorkin oro, "herrialdearen izatea segurtatzeko".
Solingeneko atentatuaren aurrekaria
Abuztuaren 23an, ostiralez, siriar gazte batek hiru pertsona hil zituen labankadaz, eta gutxienez beste zortzi zauritu, Alemania hego-ekialdeko Solingen hirian. Hurrengo egunean, erasotzaileak bere burua aurkeztu zuen polizia-etxean eta Estatu Islamikoak beregain hartu zuen erasoa; besteak beste, esan zuen Palestinako eta beste leku batzuetako musulmanen "mendekua" izan zela.
Eskuin muturrak kapitalizatu egin zuen erasoa, Turingia eta Saxoniako hauteskundeen atarian. Manifestazio ugari antolatu zituzten, eta immigrazioaren aurkako diskurtsoak eta mezu arrazistak hedatu.
Schengen eremuan, nobedaderik ez
Pandemiaz geroztik, ugaritu egin da Frantziako Poliziaren presentzia Irun eta Hendaia arteko muga administratiboan. Gutxienez bederatzi pertsona hil dira muga zeharkatu nahian. Hori gutxi ez, eta Frantziak eskatu dio Espainiari "gehiago" egiteko.
Frantziak dio “segurtasunaren mesedetan” egiten duela, eta hala dio 2016az geroztik, Nizan izandako atentatuaren ondoren. Ordutik, Espainiako Estatura begirako polizia-kontrolak ez ezik, Italia, Suitza, Alemania eta Belgikarako pasabideak ere gogortu zituzten jendarmeek. COVID-19ak eragindako pandemia izan zen aitzakia ondoren, eta egoera gaur arte luzatu da. Gehiago ala gutxiago, aipaturiko pasabide horietako muga-kontrolek indarrean jarraitzen dute; esaterako, Italiarekin, azkenaldian bereziki gogortu du Frantziak, Mediterraneotik datozen etorkinei sarbidea galarazteko.
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
Furgonetan “egoera irregularrean” zeuden hamabi pertsona zeramatzala adierazi du Ertzaintzak. Bidaiariek onartu dute Frantziatik Portugalera joateagatik 300 eta 600 euro artean ordaindu dituztela.
Avenida zubiak 24 ordu eskas baino ez ditu eman zabalik. Frantziako Gobernuak atzera ere itxi egin du, astelehen arratsaldean txirrindulariak Lapurdira pasa ondoren.
2021eko urtarrilean itxi zuen Frantziako Gobernuak bi herrien arteko oinezko pasabidea. Erakundeek, elkarteek eta gizarte mugimenduek maiz egin dute irekitzeko eskaera, eta oraingo honetan baiezkoa eman du Frantziako Gobernuak.
Bi herrialdeetako Polizien “kooperazio handiagoa” nahi luke Frantziak, bere ustez, “bigarren mailako mugimenduak” daudelako oraindik ere bi estatuen artean. Urtarrilaren 19an batzartuko dira bi agintari nagusienak Bartzelonan, Laguntasun eta Kooperazio... [+]
Frantziako polizien presentzia eta kontrola etengabea da Irun eta Hendaia artean, eta beste sei hilabeterako berritu du kontrola Frantziako Gobernuak. Migratzaileen joan-etorria oztopatzea helburu duten kontrolak direla ulertuta, eragile ugarik protesta egin dute mugako zubian,... [+]
Martxoaren 12an desagerturiko etorkina ote den ikertzen ari dira. Egun horretan Bidasoa ibaia zeharkatzen saiatu ziren hiru migrante; haietako bik Biriatura heltzea lortu zuten, baina hirugarrena desagertu egin zen.
Migrante eta iheslari guztientzat bide seguruak eta erregulazioa eskatu dituzte Trintxerpe eta Donostia batu dituen Arrazakeriaren eta Xenofobiaren Aurkako 25. martxak.
Pairatu jazarpen hau dela eta, haien "harridura" eta "mina" nabarmendu dute Etorkinekin elkartasun sarekoek. Migratzaileak laguntzen segituko dutela argi utzi du Ipar Euskal Herriko kolektiboak.
"Terroristen mehatxuak izugarri handia izaten segitzen duelako", Frantziak dituen muga administratiboek hetsirik segituko dute gutxienez apirilaren 30a arte. Bidean dabiltzan etorkinei traba arriskutsu hau inposatzen segitzen du beraz Frantziako Gobernuak.
Urriaren 12an Ziburun trenak atzemandako lau lagunetatik bakarra atera da bizirik. Polizia judizialari zehaztu dio poliziaren kontrolak saihesteko zirela trenbidean.
Hego eta Ipar Euskal Herri arteko mugan, trenbide bazterretan, gauean… migratzaileen harrapaketan polizien kontrolak asko areagotu direla eta pertsona horien kontra Frantziako Polizia bidegabeki jokatzen ari dela salatu du hainbat elkartek: “Errefuxiatuen eskubideak... [+]
Irun eta Hendaia arteko mugen hestearekin, Afrikatik heldu migranteentzat bereziki gaitz da mugaren zeharkatzea.
EH Bai koalizioak deiturik, berrehun bat lagun elkartu ziren larunbatean Saran eta Hendaian, Frantziako Gobernuak Ipar eta Hego Euskal Herriaren arteko errepide batzuk hetsi izana salatzeko.
Bluetooth bidez, positibo eman duten pertsonen mugimenduak jarraitu ahal izango dituzte, eta haiekin harremanetan egon direnak prebentiboki isolatu. Horrez gain, erabiltzailearen historial medikoa gordeko du eta eguneroko sintomen agenda bete ahal izango du erabiltzaileak... [+]