Uliazpiko Enpresa Batzordearen gehiengoak euskararen aurkako epaia arbuiatu du
Batzordeak salatu du "erabiltzaileen, senideen eta erakunde publikoko langileen eskubideen aurkako erasoa" dela. CCOOk ez du epaia gaitzesten duen adierazpena babestu nahi izan.
Uliazpiko Enpresa Batzordearen gehiengoa epai euskarafoboaren aurka agertu da. Langileen, erabiltzaileen eta senideen aurkako "eraso larria" dela uste dute adierazpena sinatu duten langileek. LABek eta ELAk dute ordezkaritza sindikalaren gehiengoa, bost eta hiru ordezkarirekin, hurrenez hurren. CCOOk beste bost ordezkari ditu, eta uko egin dio adierazpena sinatzeari.
Sindikatuek azaldu dutenez, langileek plaza bat lortzeko ahalegin handia egin dute, eta Lan Eskaintza Publikoa egiteko hamabost urte baino gehiago egon dira zain. Diotenez, lanpostu publikoko deialdiko oinarriak aho batez onartu zituzten Batzordeko ordezkaritza sindikala duten guztiek, Euskara Plana onartu zenean. "Epaiak urratu egiten du erakundeek herritarren hizkuntza-eskubideak bermatzeko duen betebeharra".
Erabiltzaile eta familiekin komunikatzeko, "beharrezkoa"
Uliazpi Gipuzkoako Foru Aldundiaren fundazioa da, eta adimen-desgaitasuna duten pertsonekin egiten du lan. Horregatik, adierazpena sinatu duten langileek diote bertan hezkuntza-lanak egiteko "funtsezkoa" dela hizkuntzaren ezagutza, erabiltzaile eta familiekin komunikatzeko. Uste dute epaiak "akats larria" egiten duela pertsona orok enplegu publiko bat lortzeko duen eskubidea eta lanpostu jakin baterako baldintzak betetzeko beharra nahastean.
Uliazpi Fundazioan 34 zaintzaile plaza betetzeko oposizioetan euskara eskatzea zilegi zela ebatzi zuen iaz Donostiako Epaitegiak. Martxo hasieran, berriz, EAEko Auzitegi Nagusiak bertan behera utzi du epaia, langile horiei hizkuntza eskakizun hori egitea "desproportzionatua" eta "diskriminatzailea" dela argudiatuz.
Epaiak hautsak harrotu ditu. Gipuzkoako Foru Aldundiak jakinarazi zuen epaiaren aurka helegitea jarriko zuela. Epaiaren aurka elkarretaratzea ere egin zuten langileek martxoaren 2an.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.