Uliako Lore Baratzak: Donostiako Udalak etxebizitzak egitea onartuko duela salatu dute
“Parkea suntsituko duen hirigintza plana” osteguneko osoko bilkuran onartzea aurreikusten da. Erabakiaren aurkako 4.226 sinadura aurkeztu ditu Uliako Lore-Baratzak elkarteak.
“Uliako mintegien parkea Donostiako udal haztegien jatorri historikoaren azken erakusgarria da”, Uliako Lore-Baratzak elkartearen esanetan. Horregatik, “parkearen kontserbazioa eta dinamizazioa bultzatzearen aldeko jarrera mantentzeko beharra” azpimarratu dute. Hori dela eta, Uliako Lore-Baratzak ekimena bertan etxebizitzak eraikitzea aurreikusten duen hirigintza planaren aurka azaldu da. Plana osteguneko udal batzarrean onartzea aurreikusten da.
Ulia pasealekua eta Jose Elosegi kalearen arteko 14.500 metro koadroko orubean etxebizitzak eraikitzea ekidin nahi dute. Zenbait ekimen antolatu dituzten datozen egunetarako: martxak eta agerraldiak, besteak beste. Horrez gain, proiektuaren aurkako 4.226 sinadura aurkeztu dituzte udaletxean.
Orain artean bezala jarraitzearen aldeko aldarria egin du Uliako Lore-Baratzak elkarteak. Haztegiek hiriarentzat duten garrantzia azpimarratzeko, Aranzadi Zientzia elkartearen dokumentu bat jarri dute adibide. Haren arabera, Uliako haztegien gunea “hiriko bioaniztasunaren gordelekuetako bat da, eta Gipuzkoa osoan bakarrak diren kultur, historia, arte eta hirigintza intereseko berezitasunak ditu”.
“Bertako jende anonimoaren proiektua denez, bere potentziala gutxietsi egin da, duen balioa eman beharrean”, salatu du Uliako Lore-Baratzakek. Donostian ezarri nahi duten hiri ereduarekin lotu du hori: “Gutxi batzuen interesen zerbitzura daude, eta epe laburreko kontsumismoaren eta espekulazioaren dinamikan sartu dira, pazientzia behar duten proiektuak alboratuz”.
Babes zabala jaso dute
Udaletxean aurkeztu dituzten sinadurez gain, kultur eta irakaskuntza arloko zenbait pertsonaren babesa jaso dute: besteak beste, EHUko zenbait irakaslek, Edorta Subijana eta Nora Erdozia arkitektoek, Gregorio Fisac ingeniariak, Julia Otxoa poetak eta Gorka Otxoa eta Ramon Agirre aktoreek egin dute bat. Ekologismoan eta kulturan dabiltzan hainbat elkartek ere babestu dute Uliako Lore-Baratzaken aldarria.
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Eragile ekologista ezagutzeko edo gai ekosozialetara hurbiltzeko interesa duen edonor gonbidatu dute aurkezpenetara. Aurkezpenak egiteaz gain, hitzaldiak, proiekzioak eta kontzerturen bat ere eskainiko dute zita horietan. Albistearen amaieran egitaraua.
Ingurumena kaltetzen duten proiektuen aurrean laguntza tekniko, juridiko eta administratiboa eskaintzen du Sustrai Erakuntza fundazioak Nafarroan. Urteetako ibilbidea dute eta hamaika helegite eta informe osatu dituzte hainbat proiekturi aurka egiteko: AHT, harrobiak, zentral... [+]
Latinoamerikako hainbat herri-eragiletako hamabost bat kide izango dira Bizkaia Aretoan azaroaren 14an eta 15ean Latinoamerikako Multinazionalen Behatokia OMAL-ek antolatutako topaketetan. Ekintza guztiak trantsizio ekosozialarekin lotutako alderdi desberdinak lantzen dituzten... [+]
50 inguru herritarrek egun osoko jardunaldia egin dute azaroaren 9an Maeztun, EHn ekofeminismoak gorpuzten lelopean. Goizean Euskal Herriko ekofeminismoak nolakoak diren deskribatzeko hainbat dinamika egin dituzte. Elkarrekin bazkaldu eta kantatu dute eguerdian, eta arratsaldean... [+]
Hendaiako ikastetxean komun klasikoak kendu eta komun idorrak eraiki zituzten martxoan. Ikuspegi ekologikoari tiraka, egitasmo orokorrago baten barne dute aldaketa: hondarrak jangelako konpostari gehitu eta guzia baliatzen dute ikastetxean duten baratze pedagogikoan, Hendaiako... [+]
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Valle de Odieta etxalde erraldoiaren kontrako ekintza 2021ko martxoan egin zuen Greenpeacek, Nafarroan. Makroetxaldeak 79 txahal gaixotzea leporatzen die ekologistei, orain Greenpeaceren defentsak salaketa ezeztatzen duen albaitaritza-txostena aurkeztu du eta epaiketa atzeratu... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
2021eko martxoan, Greenpeaceko aktibistek nitratoz kutsatutako mila litro ur itzuli zizkioten Caparrosoko Valle de Odieta enpresari. Enpresak isun eta espetxe zigorrak eskatu ditu haien aurka.