Ukrainari gerran laguntzeko entrenamendu-zentro bat sortuko du NATOk
Errusiaren aurkako gerran, Ukrainari laguntza ematen jarraitzen du NATOk. Aliatuak marka historikoak gainditzen ari dira "defentsari" loturiko gastuetan, "erabateko gerra" bati buruzko adierazpenak egiten ari diren bitartean.
Ukrainako soldaduak entrenatzeko eta trebatzeko zentro bat jarriko du martxan NATOk, berriki baieztatu dutenez. Oraindik ez dute zehaztu non kokatuko duten, baina bere burua eskaini du horretarako Poloniak. Aliantza Atlantikoko iturrien arabera, asmoa ez da militar ukrainarrei formakuntza militarra eskaintzea soilik: Ukrainari lagundu nahi diote "estrategian trebatzen" eta "defentsaren administrazioaren kudeaketa" lantzen. Modu horretan lortu nahi omen dute Ukraina alor militarrean indartzea, Errusiaren kontrako gerrak leher egin zuenetik bi urte igaro direnean.
Orain arte, NATOren parte diren kideek estatuka edo multzo txikika eman diote laguntza militarra Ukrainari, ofizialki behintzat. Espainiako Estatuak, esaterako, ehunka soldadu ukrainar entrenatzen ditu Toledon. Azken erabakiarekin, beraz, urrats bat gehiago egingo du Aliantza Atlantikoak, entrenamendu-zentroa nazioarteko erakunde gisa bermatuta. Eta ez hori bakarrik: "defentsari" lotuta aliatuek aurten egingo dituzten gastuek langa historiko guztiak gaindituko dituzte, aste honetan bertan NATOko iturriek esan dutenez.
NATOk 75 urte, eta Ukrainaren parte-hartzea zalantzan
Aliantza Atlantikoko Defentsa ministroek atzorako eta gaurko zeukaten jarrita hitzordu bat, Bruselasen. Besteak beste, Ukrainari eman beharreko laguntzari buruz eztabaidatzea zen asmoa, eta badirudi zentroari buruzko proiektu berria uztailean onartuko dutela, Washingtongo goi-bileran.
75 urte beteko ditu nazioarteko erakunde kriminalak, eta orduan ospatuko dute urteurrena ere. Gainera, posible da aurki zehaztea nor izango den aliantzako idazkari orokor berria, Jens Stoltenberg ordezkatuko duena. Hamar urte daramatza karguan norvegiarrak.
Gaur egun, 31 estatuk osatzen dute NATO, eta Ukraina ez da horietako bat. Aliantzako goi-karguek hainbatetan aipatu dute Ukraina ez dagoela erakundearen parte izateko prest, eta berriki gogorarazi du hori Stoltenbergek. Horretarako, bi arrazoi nagusi atera dituzte mahaira: Errusiaren aurkako gerra dela-eta ez dagoela baldintzarik Ukrainak NATOren "segurtasunari ekarpena egin" diezaion, eta Ukrainaren indar militarrek eta erakundeek ez dituztela Aliantza Atlantikoaren gutxieneko baldintzak betetzen. Orain martxan jarriko duten entrenamendu-zentro berriak, ustez, horretan lagundu beharko luke.
Gerra-hotsak
NATO eta bere parte diren herrialdeak mugimendu horiek guztiak egiten ari diren bitartean, argiak izaten ari dira agintarien adierazpenak. Errusiarekin kontrako "erabateko gerra" batez hitz egin du Batzorde Militarreko presidente Rob Bauerrek, 20 urteko epea aipatuta. Eta, bestalde, armak "modu masiboan" ekoiztera deitu du Alemaniako kantziler Olaf Scholzek, "Errusiaren mehatxua" argudiotzat hartuta.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]