Ukrainara armak presaz bidaltzeko eskatu die aliatuei NATOk
Armak eta munizioa Ukrainara azkar bidaltzea premiazkotzat jo du NATOko idazkari nagusi Jens Stoltenbergek. Ukrainari gudurako hegazkinak ere eskaintzea jarri du mahai gainean aste honetan. Armen ekoizpena eta gerrarako gaitasunak nola indartu ari da pentsatzen NATO.
"Lasterketa logistiko batean gaude. Munizioak, erregaiak eta osagaiak bezalako gaitasun giltzarriak Ukrainara iritsi behar dira Errusiak gudu-zelaian iniziatiba hartu baino lehen", adierazi du berriki Jens Stoltenbergek, NATOko idazkari nagusiak. Behin eta berriz azpimarratu du Errusia "milaka eta milaka soldadu gehiago" ari dela gudura bidaltzen, eta, hortaz, presa eman die Aliantza Atlantikoa osatzen duten estatu kideei: Ukrainari agindutako armak azkar bidaltzeko eskatu die. Stoltenbergen iritziz, lehentasuna da artilleria astuna, tankeak edota aire erasoetarako defentsa helaraztea.
Aste honetan, dena den, Ukrainari gerrarako hegazkinak bidaltzeko aukera ere jarri du mahai gainean NATOk, baina badirudi aurrerago emango duela pauso hori. Ukrainaren Defentsarako Bitartekarien Taldeak, Amerikako Estatu Batuak buru dituela, Ukrainarentzako laguntza militarra berresten jarraitzen du, beraz. Urtea hastean, gainera, Ukrainara orain arteko arma bidalketarik handiena egitea onartu zuen NATOk.
Armen ekoizpena eta NATOren gaitasunak handitzea
Aliantza Atlantikoa, bestalde, pentsatzen eta planifikatzen ari omen da armak ekoizteko eta birjartzeko gaitasuna nola handitu. "Ukrainako gerra munizio kopuru handia kontsumitzen eta aliatuen erreserbak agortzen ari da. Ukrainako munizio-gastuaren egungo erritmoa, askotan, egungo ekoizpen-erritmoa baino handiagoa da. Horrek presiopean jartzen ditu gure defentsa-industriak", esan du Stoltenbergek.
Aurreikuspena da, antza, eskatuta dituzten armak epe nahiko luzera jasotzea, eta eskariak atzeratzea. "Adibidez, kalibre handiko munizioaren itxaronaldia hamabi hilabetetik 28 hilabetera luzatu da", nabarmendu du NATOko idazkari nagusiak.
Horren guztiaren aurrean, zenbait mugimendu egin nahi ditu NATOk, dirudienez, bere gaitasunak indartze aldera. Esaterako, koordinazio zedula bat sortu nahi du Bruselasen, aliatuen "zaurgarritasunak" identifikatzeko eta "industriarekin kolaboratzeko"; hain zuzen ere, "azpiegitura kritikoekiko" eraso posibleak prebenitzeko bidean. Satelite sare bat ere jarri nahi du martxan Aliantza Atlantikoak, "adimen eta zaintza gaitasunak" handitzeko.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Euskal Herrian eta Europan bizi den euskal herritar bat naiz.
Europako egoera geopolitikoa kontuan hartuta, nahiz eta 2014ean hasitako gatazka izan, Mendebaldeko hedabide ofizialek Ukrainako guda deitzen duten gerra 2022ko otsailean hasi zen, eta dagoeneko hirugarren urtean... [+]
NATOko Batzorde Militarreko presidente Rob Bauerrek adierazi du gerra piztuz gero, zibil asko mobilizatzeaz gain, gobernuek “prozesua kudeatzeko sistemak” ezarri beharko lituzketela. Hurrengo 20 urteetan eman litekeen gertakaritzat jo du.
Denok genekien gezurra zela. Ukrainari emandako babesaren atzean ez zegoen arrazoi moralik, ez zegoen giza eskubiderik, nazioarteko legedia edo demokrazia defendatzeko asmorik. Urteetan Mendebaldeak beste alde batera begiratu zuen Kievek Donbasseko biztanleria bonbardatzen... [+]
Giuliano Amato Italiako lehen ministro ohiak elkarrizketa batean esan du duela 23 urte Frantziak botatako misil batek eraitsi zuela hegazkina. Gaddafi ohartarazi egin zuten eta ez zen hegazkinera igo. Frantziako Gobernuaren eta NATOren isiltasuna salatu du.
Norvegian urtero antolatzen den foro batean egin ditu adierazpenak NATOko idazkari orokorreko gabinete-buru Stian Jenssenek. Egun batzuk geroago, bere hitzartzea “akatsa” izan dela aitortu du.
