Ukrainan hamazazpi alderdi politiko legez kanpo utzi dituzte azken zortzi urteetan
Alderdi Sozialista debekatu zuten urrian, beste 11 alderdirekin batera. Botere judizialak "errusiazaletasuna" egozten die gobernuaren gerra-politikarekin desadostasunak dituzten alderdiei. Indar politiko horien ohiko jarduerak debekatuta zeuden otsailaren 24ko lege martzialaz geroztik. Izendegi komunista zuten alderdien aurkako debekua, berriz, 2014an hasi zen.
Ukrainako auzitegi batek Ukrainako Alderdi Sozialista (UAS) eta beste 11 alderdi legez kanpo utzi ditu behin betiko, "errusiazaletasunaren" eta "segurtasun nazionalaren aurkako mehatxuaren" akusaziopean. Dena den, erakunde horien jarduerak etenda zeuden 2022ko otsailaren 24ko lege martziala indarrean sartu zenetik.
Zerrenda horretan sartzen diren beste 11 alderdiak honakoak dira: Oposizioaren Blokea, Sozialistak, Justizia eta Garapena Alderdia, Nashi, Estatua, Vladimir Saldoaren Blokea, Ezkerreko Oposizioa, Sharia Alderdia, Ezkerreko Indarren Batasuna, Bizitzaren Aldeko Oposizioaren Plataforma eta Ukrainako Alderdi Sozialista Aurrerakoia. Aurreko gehienak liberalak, sozialdemokratak edota kontserbadore moderatuak izanda, Ukrainako parlamentuan geratzen diren legezko alderdi gehienak ultraeskuindarrak edota faxistak dira.
"Deskomunizazioa"
Beste hainbat alderdi askoz ere lehenago desegin zituzten; gehienak, izendegi komunistakoak. Rada Gorenak 2015ean abiatutako "deskomunizazio" prozesuaren erdian, Ukrainako Alderdi Komunista, Ukrainako Alderdi Komunista Berritua nahiz Langile eta Nekazarien Alderdi Komunista debekatu zituzten dekretu bidez. Horren aurretik, pertsona ugari jazarri eta erail zituzten komunista izatearen akusaziopean, sinbologia komunista oro debekatzearekin batera. 2014an, Euromaidana eta estatu-kolpea gauzatu eta berehala, Bloke Errusiarra eta Batasun Errusiarra izan ziren legez kanpo utzi zituzten lehenak.
Kokonovitx anaiak
Volodimir Zelenskiren gobernuak Mikhail eta Aleksander Kokonovitx anaiak atxilotu eta torturatu zituen martxoan, Ukrainako Gaztedi Komunista Leninista erakundeko militanteak izateagatik. Uztailean izan zen haien aurkako epaiketa, defentsarako eskubidea eta bestelako oinarrizko berme prozesalak urratuta.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]