Euskaldunen aurkako irainak, ikur naziak eta Intxaurrondoko torturei erreferentzia Ukrainako misiletan
Asteburuan Athleticeko zaletu batzuek salatu zuten Donetskeko errepublikako bandera kendu ziela Ertzaintzak. Albiste horren harira adierazpen ugari egin dituzte eragileek, eta tartean Bilboko alkate Juan Mari Aburtok adierazi du "une honetan Errusiaren aldeko bandera bat erakustea erabat probokatzailea" dela. Beste era bateko adierazpenak egin dituzte orain Kiev hiriko Dynamo taldeko White Boys ultra naziek. Errusiaren inbasioaren aurka, gudako batailoi propioa antolatu duen hooligan talde honek, misiletan euskaldunen eta euskal presoen aurkako mezuak idatzi dituzte, sinbologia naziarekin batera.
"Intxaurrondo, sakonago zulatu", "esukal (sic) presoak gas ganberara", "baskongadak Espainia dira!" eta "separatista putasemeak, gora Espainia". Gaztelaniaz idatzitako mezu horien ondoan, misiletan, ikur nazi bat eta Kieveko Dynamo futbol taldeko ultra neonazien sinadura jarri dituzte: "Dynamo Kiyv WBC". Azken sigla horiek White Boys esan nahi dute.
Ukrainako guda hasi denetik, batailoi propioa dute Errusiaren aurka guda egiteko. Argazki hori zabaldu dute Athleticeko zaleei erantzun asmoz.
Ideologia neonaziko ultrak dira Ukrainako hiriburuko Dynamo taldeko White Boys-ak. 2017an adibidez, UEFAk ikerketapean jarri zuen taldea, Donetskeko Shakhtar-en aurkako partida batean Ku Klux Klanez jantzi eta ikur naziak erakustegatik, Foottheball gunean irakur daitekeenez.
Eta nolatan idatzi dute gaztelaniaz ukrainarrek? Eskuin muturrari jarraipena egiten dion Miquel Ramos kazetari valentziarrak adierazi du, argazkiekin dokumentatuta, ultra neonaziek harremanak dituztela Europa osoan eta ez dagoela zalantzarik Espainiako neonaziek igorritako mezuak direla.
Ukrainako bandera erakutsi daiteke, Donetskekoa ez
Asteburuan, San Mamesen Donbasseko bandera bat erakutsi zuten eta Ertzaintzak kendu egin ziela salatu zuten.
Ertzaintzak adierazi zuen, El Correon jaso dutenez, Donbass eskualdeko bandera konfiskatu zutela hura erakusteak kiroleko indarkeriaren, arrazakeriaren, xenofobiaren eta intolerantziaren aurkako 2007ko legea betetzen ez zuelakoan. 6B artikuluaren arabera, debekatuta dago "indarkeriara bultzatzen duten pankartak, banderak, sinboloak edo bestelako ikurrak sartzea, erakustea edo egitea".
Euskal Herria-Donbass Elkartasun Komiteak Ertzaintzaren jokabidea salatu zuen, Berrian irakur daitekeenez. Adierazi dute futbol zelaietan Ukrainako banderak erakusten direla arazorik gabe, eta Donetskeko errepublikarena zentsuratu izana ez dutela onartzen.
Gogoratu dute Donbassko herritarrei elkartasuna adierazteko taldeak 2014. urtetik daudela antolaturik Euskal Herrian, eta besteak beste San Mamesen askotan adierazi izan dutela orain arte. Errusiak otsailean Ukraina inbaditu ostean, berriz, agintariek "diskurtso bakarra" ezarri nahi dutela salatu dute.
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Parisko Auzitegi Korrekzionalaren arabera, 2,9 milioi euro desbideratu zituen Frantziako RN Batasun Nazionalak 2004 eta 2016 artean. Le Penez gain, alderdiko beste 24 kide ere errudun jo dituzte. Helegitea aurkeztuta ere, RNko buruzagia ezingo da aurkeztu 2027ko Frantziako... [+]
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Errumaniako presidentetzarako kandidatu ohia Călin Georgescu, aurten berriro iragan behar diren hauteskundeetara erregistratzera zihoalarik, Poliziak atxilotu zuen otsailaren 26an. Egozten dizkioten krimenetarik bat “ordenu konstituzionalaren aurkako ekimenen... [+]
Martxoak 8an egindako pintaketak gainetik margotu dituzte ikur faxistekin Zuberoako hiriburuan. Horren aurrean elkarretaratzera deitu dute, astelehenean.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Ekitaldian, Mileik motozerra bat oparitu dio Muski, murrizketa sozialen sinbolo eta aldarri gisa.
Sozialdemokratek inoizko emaitzarik kaskarrenak lortu dituzten arren, litekeena da demokristau kontserbadoreekin elkartzea eta gobernua osatzea. Botoen %28,5 jaso ditu CDUk, eskuin muturreko AfDk %20,7 eta SPDk %16,4.
LGTBIQ+ banderaren itzalpean eta mezu eta doinu antifaxistez inguratuta jarri du karpa Voxek.