Ukrainak AEBen 30 eguneko su-eten proposamena onartu du
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Azken asteetako gertakariek bien arteko tentsioa areagotu badute ere, hasi dira norabide berean arraunean Washington eta Kiev. Bi herrialdeetako ordezkariak Saudi Arabiako Jidda hirian bildu dira asteartean, tartean Marco Rubio AEBetako Estatu idazkaria eta Ukrainako Atzerri ministro Andrii Yermak, eta zortzi ordu iraun duten elkarrizketen ondoren akordio bat erdietsi dute: Trumpen administrazioak proposatutako 30 eguneko menia begi onez ikusi du Kievek, Volodimir Zelenski presidenteak ohar batean iragarri duenez.
Bi estatuetako gobernuek komunikatu bateratu bat kaleratu dute behin bilera amaituta, eta Ukrainan "bake iraunkorra" berrezartzeko "urrats garrantzitsuak" egin dituztela adierazi dute. "Pilota Errusiaren teilatuan dago", esan du Rubiok, AEBek meniaren proposamena egingo baitiote Putinen gobernuari orain. Moskuk su-etenari baiezkoa ematea espero du AEBetako estatu idazkariak: "[Menia proposamenari] baiezkoa emanez gero, urrats handia egingo dugu".
Su-etena onartzeaz gain, AEBek iragarri dute Ukrainarentzako laguntza militarra berrabiaraziko dutela. Zelenskirekin Etxe Zurian ika-mika izan eta hiru egunera, martxoaren 3an, Kievera armak bidaltzea geldiaraziko zuela iragarri zuen Trumpen gobernuak, Vladimir Putin Errusiako presidentearekin bake akordio batera iristeko "presio metodo" gisa.
Badirudi baretu dela bien arteko tentsioa, eta espero da AEBek Ukrainak dituen mineralak eta beste baliabide natural batzuk ustiatzeko elkarrizketei berriro ekingo dietela: otsailaren 28an Zelenskik Etxe Zurira egin zuen bisitan sinatu behar zuen akordioa, berez. Rubiok adierazi du ez dela izan Jiddako bilkuran jorratu duten gaietako bat, baina "ahal bezain laster" hitzartuko dutela aurreratu du, Ukrainan "epe luzerako bakea" bermatzeko.
Europa, tentuz begira
Ukrainaren eta Errusiaren arteko gatazkaren negoziazio mahaian oraindik eserlekurik ez badu ere, Europak arretaz jarraitu du Washingtoneko eta Kieveko ordezkarien arteko bilera. 2022ko otsailan Errusiak inbaditu zuenetik Ukrainaren aldeko babes indartsuenetako bat erakutsi duen Europako herrialdeetako bat da Polonia –Kievera arma gehien esportatzen dituen Europako estatua da–, eta hango lehen ministro Donald Tuskek "zorte ona" opa die AEBei eta Ukrainari, sare sozialetan argitaratutako mezu batean. Su-eten akordio batera iristeko aukera "alferrik ez galtzeko" ere adierazi die.
AEBetako eta Kieveko ordezkariak mahaiaren bueltan elkarrizketak izaten ari ziren bitartean, Parisen bildu dira 36 estatuetako ordezkaritza militar gorenak: hau da, Estatu Nagusiak. Azken egunetan Keir Starmer Erresuma Batuko lehen ministroak eta Emmanuel Macron presidenteak aipatu dute Ukrainara "bake tropak" bidaltzeko asmoa dutela, eta proposamen horrekin lerratu diren herrialdeek parte hartu duten bilkuran. Europakoez gain, Kanadako, Australiako eta Zeelanda Berriko ordezkariak bertaratu dira bilerara, besteak beste.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Ukrainako gerra hasi zenetik, bi potentziak ez dira mahai beraren bueltan eseri. Negoziatu egingo dute nola amaitu gatazka belikoa. Ukrainako presidenteak, ordea, esan du ez duela mahai horretan adosten den ezer onartuko, bera ez baitute gonbidatu.
Macronek egindako deiari erantzunez, NATOko eta Europako agintariak Parisen elkartuko dira astelehen honetan, AEBek eta Errusiak iragarri ostean Ukrainako gerra amaitzeko elkarrizketei heltzekotan direla. Europak diru asko xahutu du Ukraina laguntzen, eta gerra amai dezakeen... [+]
Trumpek eta Putinek ordu eta erdiz hitz egin dute telefonoz. Biek hala biek baieztatu dute ados direla Ukrainako gerra amaitu dadin "elkarrekin lan egiteko", baina argi utzita Ukraina 2014ko mugetara itzultzea ez dela "errealista". Zelenskyrekin ere hitz egin... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Urtarrilaren 20rako bidea. Donald Trump urtarrilaren 20an izendatuko dute AEBetako presidente. Demokraten aldeko elite ekonomikoak hainbat aldiz saiatu dira Trump hiltzen. Lortuko al dute helburua urtarrilaren 20a baino lehen? Hortaz gain, guda fase berri garratzagora eraman... [+]
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.