Ukraina eta Txina hibridatzen
Larunbat arratseko prime time-ko saio ospetsuenetako batean CIAko zuzendaria elkarrizketatzen dutenean, zerbait gertatzen ari da; CIAko zuzendariak ez daude telebistan elkarrizketak emateko. Are gutxiago beren langintzari buruz.
Endemas, astean zehar Ameriketako Estatu Batuetako (AEB) presidenteak, Estatu-idazkariak eta Defentsa-idazkariak ere gai berberaren inguruan, hau da, Txinak Errusiari Ukrainako gerrarako laguntza militarra eman ahal izateaz, agerraldi bana egin ondoren datorrenean elkarrizketa hori, ondorioztatu beharko da larri samarra dela gertatzen ari dena.
Argibide bila, lauen adierazpenen edukira jotzen duenak, ordea, nahasmena aurkituko du argitasunaren ordez. Lau buru, lau aburu. Batek (Blinken) dio ia ziurki Txinak jada helarazi dizkiola "erabilera bikoitzeko baliabideak" Errusiari; noski, inolako frogantzarik gabe, benetako fededunek ez dutelako halakorik behar. Besteak (Biden) dio ez duela aurreikusten Txinak Errusiari armak helarazterik, baina hala balitz, ondorioak izango lituzkeela; nola ez, tximeleten hegaldiak ere ondorioak dituenean. Hirugarrenak (Austin), aldiz, dio ez dutela halako ezeren aztarnarik, baina izatekotan, ez litzatekeela ideia ona izango; ez dago gaizki, zerikusi zuzenena lukeenaren ahotik entzunda.
Baina, zalantzarik gabe, laugarrenak (Burns) esandakoak ontzen ditu markak: CIAk ba omen daki "Txinako lidergoa hausnartzen ari dela [Errusiari] ekipamendu letalak helaraztea". Hori bai, oraindik ez omen dute erabakirik hartu goi-arduradunek. Fededun-plantak egiten dituztenek "inteligentzia plazaratzea" deitu diote Colin Powellen flaskotxoaren remake honi; eta elkarrizketatzaile leialak, noski, ez dio galdetu ea CIAk berregin ote dituen duela bospasei urte galdu zituenak.
Beijingeko agintarien asmoak ezagutzeko jakinbide serio bakarra haiek jendaurrean hitz-lauz diotena irakurtzea dugunok, susma genezake Txinak Ukrainako gerra geldiarazteko plazaratu duen hamabi puntuko egitasmoaren kontraprogramazioa dela zalaparta estatubatuar horren guztiaren gakoa. Baina, agian, tolesgabeegia izan daiteke ustea. Alde batetik, proposamen txinatarraren egingarritasuna, gaur-gaurkoz, hutsaren hurrengoa delako, beraiek ere badakitenez, nik uste.
Eta, bestetik, Biden administrazioaren mezuek, bere nahasmenean, badutelako erkide zerbait: etxerako, AEBetarako direla guztiz. Beraz, pentsa liteke norbaitek badarabilela Ukrainako gatazka eta Asia Ekialdeko krisia hibridatzeko asmo sendoren bat. Eta soroa ongarritzen ari dela.
Xi Jinpingen burutazioak zelatatzeko gailurik ez, baina han nonbaiteko hedabideak miatzeko begiak behintzat baditugunok, bitartean, irakurtzen dugu 13. HANaren azken bilkurak hainbat aldaketa onetsi dituela "Prozedura Kriminaleko Legean militarrentzako aurreikuspenetan gerra-garaietarako". Kasualitatea dirudi, ezta?
Argazkia bai, ala argazkia ez? Oraintxe bertan, ez dago argi Rio de Janeiron hasi berri-berria den G20aren goi bileran argazkia izango ote dugun ala ez. Bertaratu diren agintari gorenen “familia-argazkia”, alegia. Horrelakoetan arauzkoa bihurtu dena: turista... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
"Hizkuntzen irabazia" kongresua izango da azaroaren 26an eta 27an Donostian. Arlo digitalean inglesaren erabilera aregotzen ari den garaietan, kongresuak euskara bezalako hizkuntza gutxituek tokiko ekonomiari egiten dioten ekarpena agerian utzi nahi du.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
192 milioi sagar 2024. urtean. Segundoero sei sagarretik gora saltzen du Britainia Handiko Tesco supermerkatu kate han ezagunak; ia 27.000 tona. Zenbaki ikusgarriak dira baina are harrigarrigoak dira bertokoak, Ingalaterrako sagarrak direla jakinda.
Urriaren 24an 40 urte egin du preso Georges Ibrahim Abdallah libanoarrak Frantziako Estatuan. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatua da... [+]
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Munduko pertsonarik aberatsena da Musk, Forbes-en azken sailkapenaren arabera. Vivek Ramaswamy politikari eta enpresa-buru kontserbadorea izanen du bere ondoan, kargua betetzeko. "Erreforma estrukturala" bideratzekoa dute, gobernuarentzat "inoiz ikusi gabeko... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
2023ko abuztuaren 4an atxilotu zuten etxean Teherango Inteligentzia Ministerioko agenteek. Desagerrarazi eta gero, fisikoki nahiz psikologikoki torturatu zuten Evingo espetxean. Orain heriotza-zigorra ezarri diote, eta espetxekideek haren aldeko defentsa eskutitza argitaratu... [+]
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Duela bi aste, Frantziako irratien finantziamendua zalantzan zen, Frantziako Kultur Ministerioak %35 apaldu nahi baitzituen elkarte irrati lokalei bideratu dirulaguntzak. Orduan, 200 bat elkarte ziren lanjerrean eta horien artean Iparraldeko Euskal Irratiak.
Azalpena... [+]