Donetsk eta Luhansk Herri Errepublikek eskatu diote independentzia aitortzeko Putini
Errusiako lehen ministro Vladimir Putinek gaur erabakiko du Donbasseko herri errepubliken independentziari buruz. AEBek hainbeste hauspotu duten Errusiaren inbasiorik ez da gertatu, baina Ukrainan tentsioak igotzen jarraitzen du. Asteburuan Ukrainako armadak Donbass eskualde independentistari (Luhansk-eko eta Donetsk-eko Herri Errepublikak barnebiltzen dituena) eraso egin diola salatu dute hauek.
Ukrainako guda nonbait ari bada egoera tenkatzen, hori ekialdeko bi eskualde independentistetan da: Donbasseko Luhansk eta Donetsk. Astelehenean zehar giroa berotzen joan da, eta, Vladimir Putin Errusiako presidenteak jakinarazi duenez, astelehenean bertan erabakiko dute bi Herri Errepublikei independentzia aitortu ala ez. Izan ere, Luhansk eta Donetsk-eko ordezkariek Putini eskatu diote independentzia onartzeko, "Ukrainako militarren erasoak saihestea" helburu izanda: "Biktima zibilak ekiditeko, baita eraikin eta azpiegituren suntsiketa eragozteko ere".
Errusiako Segurtasun Kontseiluak ezohiko bilkura egin du astelehenean, eta, Donetsk-eko eta Luhansk-eko Herri Errepubliketako ordezkarien eskeari erantzun diete: haien independentzia aitortzearen alde agertu dira parte hartzaile gehienak.
2014tik jada "intentsitate txikiko guda" indarrean da, eta Errusiak Ukraina inbadituko zuela esan eta esan aritu bitartean, Ukrainak eskualde horien mugan 150.000 soldadu pilatu ditu. Besteren artean Rafael Poch analista politikoak eman du datu hau.
Eskualde horiek zibilak ebakuatzen hasi dira asteburuan eta 60.000 errefuxiatu Errusiara iritsi direla jakinarazi du Errusiako Larrialdietarako funtzioetan den ministro Alexandr Chupriyán-ek.
Bi eskualde horietan guda gordindu daiteke, eta horren frogetako bat da herritarrak gudarako mobilizatzen ari direla. Luhanskeko Polizia hiriburuan megafono bidez herritarrei dei egiten ari zaie. Luhanskeko miliziek salatu dute igandean Ukrainako Indar Armatuak beren arteko muga bonbardatzen ari direla, eta erasorako prestatzen ari direla uste dutela. Luhanskeko hiriburuko erdigunetik bertatik entzuten ziren artilleria hotsak, zenbait hedabidek zabaldutako bideoetan entzun daitekeenez.
Zaila da jakitea zehazki zer ari den gertatzen. Ukrainako defentsa ministro Oleksiy Reznikov-ek aurkakoa esan du: "Moskuk babesten dituen errebeldeak" Ukrainako armadaren posizioei eraso egiten ari zaizkiela, AFP agentziak jaso duenez.
Halaber, Errusiako militarrek astelehenean jakinarazi dute mugako tropek galarazi egin dutela Ukrainako “sabotatzaile” talde batek Errusiako muga igarotzea, eta tiroketan hil egin dituztela bost “saboteatzaileak”. Ukrainak, ordea, ukatu egin du halakorik, eta Ukrainako militarrek nabarmendu dute tropak ez daudela Errusiako eremu horretan.
Errusiari zigorrak ezartzea
Ukrainak Europar Batasunari (EB) eskatu dio Errusiari "lehenbailehen" zigorrak ezartzeko. EBk Ukrainari ziurtatu dio ez dituztela "bakarrik" utziko, eta Mendebaldeko agintariek ohartarazi dute Errusiako tropak Ukraina inbaditzeko "prest" daudela. Josep Borrel EUko atzerri gaietako ordezkari nagusiak adierazi du "momentu egokian" hartuko dituztela beharrezko neurriak.
Irailaren 23tik 27ra egingo dituzte erreferendumak, herritarrei galdetzeko ea sartuko liratekeen Errusiako Federazioan. Ukrainak Errusiaren xantaiatzat jo du ekimena. Putinek erreferendumak babestuko dituela adierazi du, eta horrekin batera, asteazkenean 300.000 militar ohi... [+]
Korridore humanitarioetatik barrena zibilak ateratzeko hartu du erabakia Moskuk. Hala ere, Ukrainako ordezkariak mesfidati agertu dira, ez diote sinesgarritasun osoa bideratu Errusiak plazaraturiko erabakiari.
Ukrainako gerra egunetik egunera aldatzen doa. 2014an independentzia aldarrikatu baina linboan geratu ziren Donetsk eta Luhanskeko herri errepubliken independentziak onartu eta guda hasi zuen Errusiak. Mendebaldeak zigor ekonomikoen bidez erantzun du Ukraina ekialdeko... [+]
Ukraina eta Errusia historiak lotutako bi herrialde izan dira mende luzez. Azken ehun urteetan, iraultzak eta mundu gerrak bizi izan dituzte elkarrekin eta, orain, elkarren aurka. Data nagusienak laburbildu ditugu hemen.
Egun hauetan Ukrainan gertatzen ari den gatazka militarra ulertzeko gako nagusietako bat Donbassen azken zortzi urteotan izandako gerra da. Gerra piztu zenean, Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jaso zituzten lehen eskuko... [+]
Petrolio eta gasaren prezioak gora egiten ari dira, Ukraina eta Errusiaren arteko gerra arriskuak munduko horniduran eragin dezakeenaren beldurrez. Nazioartean erreferentzia den Brendt gordin upelaren prezioak otsailaren 22an azken zazpi urteetako gorengo preziora iritsi zen:... [+]
2021eko urriaren 30ean The Washington Post egunkariak argitaratutako artikulu batek ireki zuen bidea. Testuan iradoki zuten Errusia Ukrainaren inbasioa prestatzen ari zela. Ordutik zurrumurrua etengabe elikatu eta garatu dute AEBetako Gobernutik, eskala handiko inbasioa berehala... [+]
Errusiako presidente Vladimir Putinek Donbassko Donetsk eta Luhanskeko herri errepubliken independentzia aitortu du otsailaren 21ean eta Errusiako Parlamentuak ondorengo orduetan berretsiko du Putinen erabakia. Honek dekretuan jaso du armada "bake eginkizunetarako"... [+]
Errusiako kazetari talde bat 2014ko apiriletik gatazka gordinean murgilduta dagoen Ukrainako ekialdeko Donbass eskualdean izan da, bertako biztanleen testigantzak jasotzeko asmoz. Hiri eta herrixka askotan bizi duten egoera lazgarriaren lekuko izan dira.
Ibai Trebiño eta Asier Blas ARGIAko kolaboratzaileak George Soros milioidunak eskatutako zerrenda batean agertu dira berriki ezagutu den filtrazio baten arabera. Trebiñok egoeraren bere balorazioa egin du.