Bilbo “erakusleiho-hiri bilakatu nahi duen” Eurokopa gaitzetsi dute
2020ko ekaina eta uztaila artean egingo da UEFAko Eurokoparen XVI. edizioa, eta lau partida San Mamesen jokatuko dira, Espainiako selekzioak hala izatea proposatu eta gero. Bilbon Eurokoparen kanpaina abiatzearekin batera, Bilbao Eurokopa Honi Ez 2020 dinamikako kideak batu dira kanpoan, txapelketa gaitzesteko.
Dinamikako kideen hitzetan, “Bilbo erakusleiho-hiri bilakatu nahi duen burgesia vasco-espainolak antolatutako makro-ekimena” da Eurokopa.
Dinamikak martxoan bere burua aurkeztearekin batera, UEFAko Eurokopa arbuiatzeko hainbat arrazoi eman zituen. Adierazi zuten honako honetan negoziorako aitzakia futbola bada ere, futbolaz harago doan irakurketa egin eta Eurokopa burgesiaren estrategia jakin baten baitan kokatzen dutela: Eurokopa Bilbora ekartzeko interesaren atzean, Bilbo burgesiaren klase interesen neurrira egindako erakusleiho-hiri bilakatzeko helburua dagoela diote.
“G7arekin edo Espainiako Itzuliarekin egin duten bezala, Espainia eta Frantziako estatuek aukera guztiak baliatuko dituzte euskal langileriaren proiektu nazionala berriz ere ukatzeko”, adierazi zuten. Horren adierazle jo zuten Euskal Selekzioari ofizialtasuna ukatzen zaion bitartean Espainiako eta Frantziako selekzioek bertan jokatzea. “Bilbo Espainiako hiria bailitzan saltzen dute nazioartean, EAJk ordezkatzen duen burgesia autonomistaren konplizitatearekin”, nabarmendu zuten. Horrez gain, adierazi zuten ulergaitza zaiela “Turkia eta Israel bezalako estatu genozidek parte hartzeko aukera izatea”.
Langileen esplotazioa eta espazio publikoaren merkantilizazioa
Eurokopak aberastasuna ekarriko duela dioen "diskurtso faltsua" gezurtatu dute: “Eurokopa honek ez du inolako aberastasunik ekarriko euskal langileriarentzat. Haien argi distiratsu, irribarre hipokrita eta lelo hutsen atzean langile klasearen esplotazioa, gure bizitzen prekarizazioa eta espazio publikoaren merkantilizazioa eta pribatizazioa baino ez da egongo”.
Makro-ekitaldiak emakumeenganako indarkeria areagotuko duela ere jakinarazi zuten: “Eurokopan ere, sistema kapitalista heteropatriarkal eta binarioa da, eta emakumearen irudia darabil gizonezkoen kontsumorako, iragarki matxisten bidez kasu. Emakume prekarizatuenak izango dira bertan gehien sufrituko dutenak”. Besteak beste, emakume langileenganako erasook pairatuko dituztenak garbitzaileak, sexu langileak edota ostalariak izango direla adierazi zuten. “Eurokopa honen bidez ere, kapitalak eragindako emakumeenganako zapalkuntza erantsiaren aurka agertzen gara guztiz”, jakinarazi zuten.
Eurokopak ekarriko dituen albo-kalte hauei hiriko presentzia polizialaren areagotzea gehitu behar zaiola gogorarazi zuten: “Inposizio honen aurka sortuko diren mugimenduak errepresiboki kolpatzeko tresna guztiez baliatuko dira, Euskal Herria beste behin estatu polizial bilakatuz. Gure kaleak zipaioz, guardia zibilez, zein bestelako indar polizialez beteko dira. Hauen eginkizuna boteredunen interesak eta Euskal Herrira etorriko diren faxistak babestea izango delarik”.
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
2002an ikusi zituen lehenengoz hamaika emakume kamiseta zuri-gorriarekin San Mamesen. Bere ametsa egia bihurtzeko aukerak errealak zirela ulertu zuen Garazi Muruak. Athleticeko nesken taldeko kapitaina izatera iritsi zen, baina lesio batek behar baino lehen ekarri dio... [+]
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Saudi Arabiak "emakumeen eta LGBTQ+ pertsonen eskubideak zapaltzen dituela-eta", 24 herrialdetako 106 emakumezko futbolari profesionalek Gianni Infantino FIFAko presidenteari eskatu diote Aramco petrolio-enpresarekin duten babesletza-akordioa hausteko.
1980an Everesteko gailurrean ikurrina paratu zuten Martin Zabaleta eta Pasang Tembari omenaldia eskaini diote larunbatean San Mamesen, Athletic-en partida hasi aurretik. Mendizaleak txalo artean hartu dituzte zaleek, une ederra izan da, baina Movistar telebista kateak eta Futbol... [+]
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.