Udalaren debekuaren aurrean Manifestibalerako deia Udazkenfestek
Udazkenfest jaialdiko antolatzaileek, Gasteizko Udalaren debekuari aurre egiteko, Manifestibalerako deia egin dute, ostegunean, 19:30ean Bilbo Plazatik abiatuta. Ondoren, kontzertuak eta elkartasun gaua ospatuko dira Gaztetxean. “Sorpresa ugari eta irribarrea aurpegian” izanen dutela iragarri dute antolatzaileek eta Gasteiz elkartasunez betetzeko gonbitea luzatu dute.
Urriaren 31n, ostegunean, Udazkenfest sakabanaketaren kontrako elkartasun jaialdia ospatzekoa zen Gasteizen, preso arabarren senide eta lagunak ekonomikoki laguntzeko. Baina PPren esku dagoen Gasteizko Udalak debekatu egin du, irizpide teknikoak argudiatuta.
Antolatzaileek prentsaurrekoa eman dute 11:30ean Korreria kaleko Zuloa irudian debekuaren nondik norakoak azaldu eta balorazioa egiteko. Jaialdia debekatzea "erabaki politikoa" izan dela salatu dute bertan eta Udalak emandako argudioak "guztiz zentzugabeak" direla adierazi dute. Izan ere, segurtasun pribaturik ez izatea, bolondresen lanaren bidez bermatua baitzegoen eta antolatzaileek ez baitzuten etekin ekonomikorik bilatzen; argi adierazi zuten jaialdiaren aurkezpenean sarreren salmentatik lortutako dirua sakabanaketa politika pairatzen duten 56 familia arabarrei emanen zitzaiela.
Debeku ororen gainetik elkartasunak mugarik ez duela eta aurrera jarraituko dutela iragarri dute antolatzaileek. Hortaz, hilaren 31n, Manifestibala -musika aldarrikapena eta elkartasuna- abiatuko da Gasteizko Bilbo Plazatik, arratseko 19:30ean. Horren ostean, elkartasun festa eta kontzertuak eginen dira Gasteizko Gaztetxean. Jendearen laguntza inoiz baino beharrezkoagoa dela ohartarazi dute prentsaurrekoan.
Udazkenfesteko antolatzaileek haien webgune eta sare sozialetan eman dute debekuaren berri; eta mobilizatzeko deia egin diote jendarteari. Twitterren #udazkenfestaurrera etiketa erabiltzen ari da azken berriak jakin eta ekimenari elkartasuna adierazteko.
Irailaren amaieran aurkeztu zen Udazkenfest, preso arabarrei babesa emateko helburuarekin sortutako ekimena. Espetxe politika eta dispertsioak eragiten dituen kostuei aurre egiteko jaio zen festibala; antolatzaileen ohartarazi bezala, preso bakoitzeko hilean 1.376 euro gastatzen baitituzte gertukoek.
Musika talde ezagunez betetako kartela prestatua zuten antolatzaileek eta ostegunean, 18:30etatik aurrera, Soziedad Alkoholika, Gatillazo, Mandoilek, Ze Esatek!, Arramazka eta Tximeletaren kontzertuez gozatzeko parada izanen zuten bertaratutakoek. Debekua dela medio, egitarau hori bertan behera geratu da.
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]
Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.
Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]
Amorante eta Ibil Bedi
Non: Portuko ranpi (Ondarroa)
Noiz: Azaroaren 25ean
------------------------------------------------
Ez zait aukerarik sortu orain arte Ondarroako Portuko Ranpara gerturatzeko. Toki berezia zela eta gustatuko zitzaidala esaten zidaten lagunek... [+]
