Udaltzainen hizkuntza eskakizunen aurkako oldarraldia Donostian, Astigarragan eta Usurbilen
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako. Usurbilgo eta Astigarragako udalek, berriz, helegiteak jaso dituzte udaltzainak hautatzeko prozesuetan euskarazko 3. hizkuntza eskakizuna zehazteagatik.
EAEko Justizia Auzitegi Nagusiak Donostiako Udalaren helegitearen bide judiziala amaitutzat eman du eta tramitera ere ez da aurkeztuko. Epaileek helegitearen edukia ez dute aztertu eta helegitea jartzeko “interes objektiborik” ez dagoela esan dute.
2024ko urtarrilean hasi zen dena
Donostiako Administrazioarekiko Auzien 3. zenbakiko epaitegiak euskararen aurkako sententzia eman zuen: Jose Ignacio Hierro buru zuen salak ebatzi zuen "diskriminatzailea" zela udaltzain izateko euskara maila jakin bat eskatzea. Espainiako Konstituziora jo zuen epaileak, 23. artikulura, zera argudiatzeko: herritar guztiek dutela deialdi publikoetara berdintasunez iristeko gaitasuna.
Bi udaltzain lanpostu egonkortzeko egin zuen deialdi publikoa Donostiako Udalak, baldintza gisa, besteren artean, euskararen B2 maila egiaztatzea ezarrita. Lanpostua eskuratu nahi zuen batek abiatu zuen helegitea, eta Francisco Ignacio López Hera abokatua arduratu zen defentsa egiteaz.
Donostiako epaitegiaren arabera, Donostiako Udalak ez zituen argudio sendoak erabili lan deialdi horretan euskara eskatzea derrigorra zergatik zen azaltzeko; areago, argudiatu zuen ez zela ezinbestekoa denek euskara jakitea herritarrei hizkuntza koofizialen zerbitzu emateko. Alegia, lanean batera ari diren bi agentetik batek egitea aski zela. Horiek horrela, "diskriminatzailetzat" jo zuen euskararen ezagutza egiaztatzea.
2024ko irailean, Donostiako Udalak helegitea iragarri zuen, eta EAEko Auzitegi Nagusiaren ebazpena orain iritsi da.
Kontseiluaren eskaria: udaltzain guztiek euskaraz
Hain zuzen, 2024ko irailean, Donostiako Udaleko kasuaren harira ez bazen ere, Euskalgintzaren Kontseiluak udaltzain guztiek euskaraz jakitea eskatu zuen. Aldi hartan, EAEko Auzitegi Nagusiak atzera bota zuen 2021ean EAEko udaltzain laguntzaileentzako lan-poltsa bateratua osatu zutenean ezarritako hizkuntza eskakizuna, B2 maila.
Astigarragako eta Usurbilgo udalei ere helegiteak
UEMA Udalerri Euskaldunen Mankomunitateak aditzera eman du azken asteotan helegiteak jaso dituztela Astigarragako eta Usurbilgo udalek, udaltzain berriak hautatzeko prozesuetan euskarazko 3. hizkuntza eskakizuna (C1 maila) ezartzeagatik. Xabier Urdangarin Astigarragako alkateak, prentsaurrekoan, helegiteaz eta bi udalek emandako erantzunaz hitz egin du: “Helegiteak jarri dituztenen arabera, 2. hizkuntza eskakizuna nahikoa da. Ez dugu inolaz ere bat egiten horrekin. Ez baita horrela. Udalerri euskaldunetan, herritarrekin euskarazko harremana izateko, herritarrek esandakoa ulertzeko eta herritarrekin hitz egiteko, 2. hizkuntza eskakizuna ez da nahikoa, hainbat urtez hainbat udaletan izan diren kasuek eta arazoek erakutsi duten bezala”.
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.