Donostiako Udala zorrotz ari da bizikleten gaineko ordenantza betearazten: dagokion lekuan aparkatuta ez dauden bizikletak eramaten eta isunak jartzen ari dira udaltzainak. Baina bizikletentzat nahikoa aparkaleku ez dagoela eta motordun ibilgailuen gaineko arauekin ez dela hain estu jokatzen kexu dira txirrindulariak. “Isuna ordaindu aurretik, kontaktatu gurekin”, dio Kalapie elkarteak.
Mugikortasun eredua birpentsatzeko konfinamenduak eskaini duen aukera baliatu behar dela dioten ahotsak asko dira, epe ertain eta luzera begira oinezkoen eta bizikleten aldeko apustua egingo duten neurriak indartu behar direla pentsatzen dutenak, berriro denak autoa hartzera itzuli ordez. Donostiako Udala kontrako norabidean ari dela kexu dira txirrindulari ugari.
Hiriko ordenantzaren arabera, “bizikletak horretarako propio ezarritako aldeetan aparkatuko dira, horretarako propio jarriko diren parrilletan ondo bermatuta”, eta araua gogor ari dira aplikatzen. Kalapie elkarteak dio proposamen ugari egin dizkiola Udalari egoera hobetzeko eta arazoari aurrea hartzeko, “baina alferrik”. Mugikortasun saileko udal ordezkariak adierazi du, egun jakin bati buruz, bizikletentzako aparkalekuetan plazak libre zeuden bitartean gaizki aparkatu zuela hainbat txirrindularik. Ez dela hala erantzun du Kalapiek, eta bizikletentzako aparkalekuak leporaino beteta zeudela egun horretan. Bizikleten aldeko baliabide gehiago eskatu ditu elkarteak.
Aldi berean, kritikoa da Kalapie: “Udalak Ordenantza zorrozki betearazi nahi badu, zergatik ez ditu betearazten motordun ibilgailuen gaineko artikuluak?”. Ezin duten arren, espaloian, bizikleta-bideetan, oinezkoen eta bizikleten pasabideetan edota garraio publikoko geltokietan aparkatuta dauden motordun ibilgailuak eta hirian 50 kilometro orduko abiadura errespetatzen ez dutenak aipatu ditu Kalapiek, besteak beste.
“Kaleak bizikletaz betetzea ez da desohorea”
Garbi mintzatu da elkartea: “Ez dugu uste desohorea denik hiriko kaleak bizikletaz beteta egotea; aitzitik, horrek erakusten du, erakundeen eta biztanle guztien ahaleginari esker, Donostia hiri modernoa eta ez hain kutsatu dela, eta hiri europar handien antza hartzen ari garela. Udalak bizikleta inoiz baino gehiago sustatu beharko lukeen une erabakigarri honetan, zergatik kriminalizatzen du bizikletaren erabilera?
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Iruñeak bat egiten du irailaren 16tik 22ra egingo den Mugikortasunaren Europako Astearekin, mugikortasun iraunkorra eta espazio publiko partekatuari buruzko hausnarketa sustatzeko diseinatutako jardueraz betetako programa batekin. "Konbinatu eta mugitu"... [+]
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
COVID-19aren pandemiaz geroztik bizikleta gero eta gehiago dabil Parisko bidegorrietan. Trafiko gehien dagoen momentuetan, hiriburuko kale garrantzitsuenetako batzuetan bizikleta gehiago dabil autoak baino, Le Monde egunkarian jasotako... [+]
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Trantsizio garaian Nafarroa Euskadi da eztarria urratu arte oihukatu genuenok beti begiratu izan diogu begi-zeharka, baina atentzio bereziz, “Komunitatean” gertatzen denari –hala esaten dugu batzuetan; beste batzuetan “Baskongadetan”, are... [+]
Alokatzeko sei auto eman ditu eskuragarri AUPA kooperatibak Baionan, Angelun eta laster Miarritzen.
Iruñeko Zangoza kaleko lur azpiko aparkalekua egiteko obrak hasi ditu udalak. Horren kontrako plataformak udalaren jarrera salatu eta adierazi du ingurumenari eta bizilagunei “kalte handia” egingo diela.
Argi dago etorkizunean ez dugula bakoitzak gure autoa ukanen. Beribila luxu bilakatuko da, eskaeraren biderkatzeak kilowattaren prezioak gora haiatuko dituelako. Nuklearrak ez ditu premia guztiak aseko, zentralak zaharkituak dira eta 70eko urteetan salatzen ziren atomoaren... [+]