Udalgintza eta herrigintza eraldatzailea: Euskal Herriko ekimen burujabeak saretzeko jardunaldiak Hernanin
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak eta mahai-inguruak izango dira.
Eraldaketaren esparruan lanean dabiltzanek zita bat dute Hernanin urrian. Asteazken honetan aurkeztu dituzte Burujabetzak, udalgintza eta herrigintza esperientzia eraldatzaileak partekatzeko helburua duten jardunaldiak. Hernaniko Udala, Hernani Burujabe herri proiektua eta Udalbiltza dira antolatzaile.
Aurkezpenean haien ordezkariak izan dira: Xabier Lertxundi eta Itsaso Lekuona Hernaniko alkatea eta zinegotzia hurrenez hurren; Haritz Alberdi Udalbiltzako lehendakari izendatu berria eta Clara Rouget erakunde horretako zuzendaria; eta Aines del Valle eta Ander Larretxea burujabetzen aldeko elkarteko kideak.
Burujabetzen aterkipean
Bi urte dira Hernanin martxan jarri zutela Hernani Burujabe proiektua eta Lertxundiren esanetan uste dute "egiten dugun proposamena beste zenbait herritarako ere aproposa izan daitekeela". Zentzu horretan, Udalbiltzarekin lankidetza "ezinbesteko" jo du.
Alberdik, bere aldetik, Udalbiltzaren garrantzia azpimarratu du, bere ustez "tresna ezin hobea" delako herrietan martxan diren ekimen eraldatzaileak hortik kanpora ere proiektatzeko: "Horrelako jardunaldi batek aukera ematen digu esperientzia ezberdinak ezagutzeko eta egiten ari garen lan guztia saretzeko", esan du.
Hernanin ez ezik, beste toki askotan ere ari dira lanean ikuspegi eraldatzaile horretatik eta "burujabetzen aterkipean". Esperientzia horiek guztiak metatzen joan dira eta orain horiek modu "sistemikoan" artikulatzea dute erronka, antolatzaileek azaldu dutenez
"Horrelako jardunaldi batek aukera ematen digu esperientzia ezberdinak ezagutzeko eta egiten ari garen lan guztia saretzeko"
Haritz Alberdi (Udalbiltza)
Mahai-inguruak eta esperientziak
Jardunaldiak urriaren 19tik 21era izango dira, Hernanin bertan, eta hainbat hitzaldi eta ekitaldi antolatu dituzte. Hala, Euskal Herriko eta Euskal Herritik kanpoko esperientziak ezagutu ahal izango dituzte parte-hartzaileek.
Esaterako, urriaren 19an burujabetzen inguruan egingo den mahai-inguru irekian Mireia Vehí CUPeko diputatu ohiak hitz egingo du, baita Glenna Del Valle Cabello Venezuelak Bilbon duen kontsul nagusiak ere, Jule Goikoetxea filosofo politiko eta EHUko irakaslearekin batera.
Horrez gain, urriaren 20an elikadura, zaintza, hezkuntza eta lanaren arloan dabiltzan eragileetako ordezkariek ere solasaldia izango dute euren esperientziak partekatzeko.
Azken egunean, berriz, Burujabetzen Eguna ospatuko dute. "Kalejira kulturala" egingo dute lehenik, eta ondoren bazkari girotua izango dute horretarako izena ematen dutenek.
Informazio guztia burujabetzak.jardunaldiak.eus webgunean aurki liteke.
.jpg)
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]