Udaleku publikoak mantentzea erabaki duten herriak badira
Udaleku publikoak ixteko Jaurlaritzak egindako eskaria berez gomendioa dela baliatuz, Oñatiko Udalak erabaki du udalekuak ez ixtea eta Donostiakoak eta Pasaiakoak berriro zabalduko dituzte, egoera berraztertu ondoren. “Haurren ongizatea da oinarrizko premisa”.
Neurri eta protokolo zorrotzak mantenduz, zergatik itxi haurren udalekuak? Umeak jolasteko eta sozializatzeko espazio seguruak prestatu dituztela dio Oñatiko alkateak, eta zaintza eta kontziliazioari begira zerbitzu inportantea direla gainera. Koronabirusari lotuta herriko datuak ez dira kezkagarriak, eta etorkizunean hala balira, "udalekuak ixtea bakarrik ez, zerbitzu gehiago itxi behar al diren ere baloratu beharko genuke".
Pasaiako Udalak itxi egin zituen astelehenean herriko udalekuak, Jaurlaritzaren eskaerari men eginez, baina egoera berraztertu eta ostegunean berriz zabaltzea erabaki dute, ikusirik “inoiz baino beharrezkoago” dituztela haurrek udalekuak. Gainera, EAEko udalekuetan betetzen ari diren neurri zorrotzek (tenperatura hartzea, desinfekzioa, maskara, talde txikiak, instalakuntzen garbiketa, herritik ez irtetea…) ahalbidetzen dute zerbitzua. Berdin pentsatu dute Donostian: "Oporretan euskaraz" udalekuak martxan jarri ditu Udalak asteazken honetan.
Hain juxtu, udaleku pribatuek ez dituzte ateak itxi, ez behintzat gehientsuenek; ze logika du haur batzuk udalekurik gabe uzteak eta beste batzuk ez?
Haurrak, diskriminatuta
Jaurlaritzaren agindua kritikatu genuen astelehenean, foku ugariren epizentro izan diren taberna eta terrazek (baita lantokiek, dendek, turismo guneek…) zabalik segituko duten arren, udalekuak ixteko hartutako erabakia diskriminatzailea delakoan. Gainera, alternatibak ez dirudi askoz hobea, udalekurik gabe geratu diren haur askok amona-aitonekin pasako dituztelako orain orduak, hain juxtu arrisku taldean diren pertsonekin, eta sarri udalekuak baino seguruago ez diren eremuetan (haur-parkeak, hondartza…).
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
6 urtez azpiko haurrek egunean ordubetez baino ezin dute egon Debako liburutegian. Udal gobernuak argudiatu du "liburutegian erabilgarri dagoen espazioa mugatua" dela, baina ez du argitu espazio mugatu horregatik ezartzen dituzten ordu murrizketak zergatik aplikatzen... [+]
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
Liburutegi publikoak kudeatzearen ardura duen EAEko Liburutegi Zerbitzura gutun bidalketa masiboa egin dute Debako hainbat herritarrek, herriko liburutegiko araudi diskriminatzailearen aurrean esku har dezala eskatzeko. 6 urtetik beherakoek egunean ordubetez baino ezin dute... [+]
Zestoan (Gipuzkoa), 2024ko irailaz geroztik, baliabide ekonomiko urriko haur eta gazteak bost kultur eta kirol ekintzen artean bat aukeratu, eta horretan doan aritu daitezke. Udalak dirulaguntzen araudia berritu du, haurren aisialdia eskubide bat dela argudiatuta. Aldaketarako... [+]
Kirol klub batean aritu nahi duen haurrak ez duela zertan Eskola Kirola egin dioen epaiari helegitea jarriko dio orain Gipuzkoako Diputazioak. Umeak nahi duen kirola aukeratzeko askatasuna batetik, helburu hezitzaile eta integratzaileak bultzatzen dituen eredua bestetik,... [+]
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
16 urtez azpikoek laster ezingo dute sare sozialik erabili Australian, eta antzeko neurriak ezarri nahi dituzte Espainiako eta Frantziako gobernuek ere. Neurriaren eraginkortasunaz, sare sozialetako eduki eta dinamikez, pribatutasunaz eta plataforma handiek honetan guztian duten... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]