Bartzelonako Udalak ez du hitz egin nahi, baina auzoak ez daude isiltzeko
Istilu larrien ondoren Bartzelonako Udalak Can Vies zentro sozial autogestionatuari eman zion su-etena bukatu da. Joan den astean Xavier Trias hiriko alkatea negoziatzeko prest agertu zen, baina elkarrizketak etengo dituztela iragarri dute asteburuan.
Larunbatean, Udalarekin hasi beharreko solasaldiei itxaron gabe, ehunka lagun bildu ziren Sants auzoan Can Vies berreraikitzen hasteko. Hurrengo egunean lan horiek bertan behera uztea erabaki dute, arkitektoek eraikinaren egoeraren diagnostiko bat egin arte.
Zentro sozialeko kideek “probokazio” gisa hartu dute Udalak igandean eman zuen prentsaurrekoa. Joaquin Forn Bartzelonako alkateordeak larunbat gaueko istiluen ondorioz izandako kalte materialak gogoratu zituen (200.000 euro, Udalaren esanetan) eta La Vanguardiaren arabera, Can Viesekin elkarrizketa amaitu dela iragarri du, edifizio horretan euren jarduerak antolatzen zituzten pertsonak “biolento” gisa deskribatzearekin batera.
Mossoen sagu-tranpa
Elkarrizketarekin ala gabe, azken astean aldatu ez dena Kataluniako polizia autonomikoaren jarrera da. 40 furgoi baino gehiago eta 300 bat agente erabiliz, Esquadra Mossoek operazio deigarria egin zuten larunbat gauean: zentro soziala ixtearen kontrako manifestazioan parte hartu zuten 200 bat lagun inguratu zituzten kalean bertan, Gran Via eta Rocafort artean, eta hiru orduz eduki zituzten setiatuta.
Prentsari operazioaren irudiak hartzea debekatu nahi izan zioten baina berehala hasi ziren irudiak sare sozialean barrena ibiltzen. Zirkulu barruan harrapatu zituzten manifestariei argazkiak atera zizkieten, baita aurpegia estaltzen zieten txanoak jartzera derrigortu ere. La Directan irakurtzen denez, agindu judizialik gabe egin zuten setiatzea.
Manifestazioak, geroz eta jendetsuagoak
Igandean 20.000 lagun atera ziren kalera Can Viesen alde. Azken astean zentro sozialaren inguruan sortu den dinamikak mezu zabalagoei bidea ireki die eta igandeko manifestazioaren pankartan islatu zen hori: “Defensem els barris” (auzoak defenda ditzagun) irakur zitekeen martxaren buruan.
Zentro sozial zehatz batetik harago, Bartzelonako auzoetan alternatibak antolatzeko aldarriarentzat erresonantzia-kutxa bihurtzen ari da Can Viesen inguruko mugimendua.
Bartzelonako Auzitegiak kondena partzialarekin zigortu ditu Jesus Antonio Zoyo Rodriguez eta David Villares Yelmo poliziak.
Ostegunean 19:00etatik aurrera Can Vies. Única solució: Reconstrucció hitzaldia eskeiniko du zentro sozial horretako kide batek Iruñeko Katakrak gunean.
Bartzelonako epaile batek zortzi hilabete eta hiru urte eta bederatzi hilabete arteko kartzela zigorra ezarri die lau gazteri. Gazte hauei 2014ko maiatzaren bukaeran Can Vies zentro sozial okupatuaren desalojoaren aurkako istiluetan parte hartzea egozten diete.
Bartzelonako Sants auzoko Can Vies zentro soziala berreraikitzen jarraituko dute, Udalak agindutakoaren aurka. Maiatzean etxe okupatua husten ahalegindu ziren eta eraikinak kalte larriak jasan zituen.
Crowdfunding finantzaketa kolektiboko kanpaina baten bidez Bartzelonako Can Vies zentro soziala berreraikitzeko eta protestetan atxilotutakoen tasa judizialak ordaintzeko dirua lortu du Can Vies viu! kolektiboak. 70.000 eurokoa zen finkatutako kopurua eta astearte arratsaldean... [+]
Esquadra Mossoek sei lagun atxilotu dituzte ostegunean Bartzelonan, Can Vies zentro autogestionatua hustu eta botatzen hasi osteko liskarretan parte hartu zutelakoan. Maiatzean hustu zuten Sants auzoko eraikina.
Espainiako barne ministro Jorge Fernandez Diazek Katalunia independentea balitz, nazioarteko segurtasun-agentzien “aterki babesletik” at geratuko litzatekeela adierazi du. Eta ondorioz, terrorismo eta krimen antolatuaren bazka izatera igaroko litzatekeela.
Bartzelonako Udalaren aginduz, eraikinaren jabe TMB garraio enpresa publikoaren konplizitatearekin, Can Vies eraikin autogestionatua hustu eta eraitsi zuten maiatzaren 26an. Horren aurrean Sants auzoko ehunka lagunek berreraikitze lanak abiatu zituzten, eta orain lan horrek... [+]
Ekainaren 13an 21:00etan Groseko Kortxoenea gaztetxean Bartzelonako zentro sozialari elkartasuna adierazteko kontzertua antolatu dute.
Frente X España eskuin muturreko taldeak manifestazioa deitu du ekainaren 21ean 19:00etan Bartzelonako Sants auzoan. Can Vies zentro soziala hustu ondoren izan diren istiluen erantzun gisa deitu dute mobilizazioa.
Bartzelonako Sants auzoko Can Vies zentro sozialaren eraistea hasi zuten duela bi aste, eta inork ez daki oraindik zein izango den gatazkaren konponbidea. Udalak eraikineko kideei eskaintza berriak egin dizkie, zentro soziala botatzea negoziaezina dela dioen arren.
Can Vies berreraikitzeko lanetan hasiak dira dagoeneko Bartzelonan, eta asteazkenetik larunbatera bitarteko deialdiak zabaldu dituzte. Horrekin batera, aurreko egunetan Sants auzoan modu bateko edo besteko laguntza eskaini duen orori eskerrak eman eta proiektu berrian parte... [+]
Bartzelonako kaleetan aste osoan egindako protestek eragina izan dute eta Udalak Can Vies zentro sozial autogestionatuaren eraisketa gelditu du. Auzotarrek, euren kabuz, eraikinaren berreraikuntzari ekin diote.
Istiluak, barrikadak eta sua hirugarren gauez Bartzelonako Sants auzoan. Can Vies zentro sozial autogestionatua hustu eta eraistearen kontrako protesten albiste ugari irakurtzen ari gara baina, zergatik erabaki dute 17 urtez martxan egon den eraikina justu orain hustea?