Udal zergak kudeatzen hasiko da Trebiñuko Udala
Orain arte Burgosera edo Briviescara joan behar zuten bizilagunek edozein tramite egiteko, aurrerantzean Trebiñutik bertatik egingo dituzte.
Aurrerantzean Trebiñuko bizilagunak ez dira herritik atera beharko udal zergak ordaintzeko, tramiteak egiteko, edo informazioa lortzeko. Izan ere, Trebiñuko Udalak berreskuratu du udal zergak kudeatzeko eskumena, eta azken ukituak egiten ari da kontratatutako enpresarekin kobratze sistema berria martxan jartzeko.
Udal arduradunek adierazi dute egun hauetan amaitzen ari direla kobratze sistema egokitzeko lana, "uztailan zabaltzen delako bolumen handiko zergak kobratzeko epea, esate baterako Ondasun Higiezinen Zerga".
60 kilometrotik gora
Orain arte Burgosko Diputazioak kudeatu du zerbitzua, eta horrenbestez Trebiñutik 60 kilometrotik gora mugitu behar ziren trebiñarrak edozein tramite egiteko edo informazioa lortzeko, Burgosera edo Briviescara.
Udalak 2015. urteko martxoan erabaki zuen zergen kudeaketa berreskuratzea. "Helburua da herritarrei tramiteak erraztea, udal zergen inguruko kontu guztiak hurbiltzea eta azkartzea", adierazi du Trebiñuko alkate Ernesto Argotek.
Alkateak azpimarratu duenez, hasierako asmoa zen Aste Santuan zerbitzua martxan jartzea, baina Gaztela-Leongo Juntak lehiaketa publikoaren hainbat atal moldatu behar zirela ohartarazi zuen, eta tramiteak atzeratu egin dira. Behin zuzenketak egin ostean, SCI enpresak hartu du udal zergak kudeatzeko ardura, 57.000 euroko lizitazioaren truke.
Beraz, dagoeneko Trebiñuko bizilagunek edozein zalantza izanez gero, kontratatutako enpresak udaletxean zabaldu duen bulegora jo dezakete.
(Albistea Arabako Alea-tik jaso da, honek duen CC-by-sa lizentzia baliatuta).
Trebiñuko herritarrek bizi duten egoera "anakronikoa" salatu zuten igandean.
Trebiñu Araba Da plataformak arbuiatu du epaitegien aginduz Trebiñun euskara planak baliogabetu behar izana eta hezkuntza publikoan euskaraz ikasteko eskubidea ukatzea. Trebiñu Araban integratzea eskatu dute, "inposizioaren" gainetik.
Gaztela Leongo hauteskundeen biharamunean, Xabi Iturriza trebiñarra izan dute Hizpidea saioan. Trebiñu Araba izateko arrazoien inguruan mintzatu dira berarekin. Otsailaren 26an aurkeztuko da Trebiñu Araba da! taldea.
PSOEk lortu du bozka gehien bai Trebiñun bai Argantzonen, Gaztela eta Leongo Juntarako bozetan. 1.506 pertsona zeuden bozkatzera deituak Trebiñuko barrendegian, eta horietatik 558k bozkatu dute, %37ak.
650 metroko garaieran, izotza sarri, Araba erdian baina Burgosen, “lurralde ahaztua”. Trebiñuren bereizgarriek derrigor markatzen dute hango laborantza, sagarrarena tartean, 1998an Askartzan ireki zuten sagardotegiaren ibilbideak erakusten duenez.
Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.
XVII. mendetik hona dago Trebiñu Burgosen menpe. Urteak dira trebiñutarrek beren gogoa adierazi dutela, Araban bizi dira, Arabako lurretan dira, Arabako izan nahi dute administrazio zereginetarako ere. Orain, Lege Organikoaren proposamena egin dute Gasteizko... [+]
Trebiñuko bi udalek euskara sustatzeko lau urterako plan estrategikoa onartu zuten 2020ko amaieran. Orain, Trebiñu administrazioarekiko auzien auzitegira eraman du Gaztela eta Leongo Juntak, eta Argantzon horrekin mehatxatu du.
Espainiako Kongresuak alarma egoera berriro luzatzea onartuko du gaur, Gobernuak EAJrekin lortutako akordioari esker; ondorioz, Trebiñuk Arabako gainontzeko eskualdeen baldintza berdinetan egingo du deseskalatzea.
Azaroaren 10eko hauteskunde orokorren atarian, Trebiñuko herritar talde batek paratxutistak eskegi ditu herriko faroletan Trebiñu Araba dela aldarrikatzeko.
Probintziaren Egunean gutuna eman diote Argantzungo eta Trebiñuko alkateek Cesar Rico Burgosko Diputazioaren presidenteari.
Markinez-Amozarrain sendikoak euskaraz aritzen dira etxean eta lantokian. Euskaldun asko hartzen dute haien ogibide den sagardotegian. Trebiñun daude, eta izen bereko sagardotegian euskara lehen lerroan izan dadin saiatzen dira. Lazarraga Saria ere irabazi dute, eta... [+]
Trebiñuko eta Argantzungo alkateek Espainiako Senatuan aurkeztu dituzte Araba ofizialaren parte ez izateak dakarzkien arazoak; gaia jorratzeko lantalde bat eskatu dute. PP eta PSOE kontra azaldu dira.
EAJk eskatuta, Trebiñuko Konderriko eta Argantzungo alkateek Espainiako Senatuan agerraldia egingo dute gaur, 11:30ean.