Udal legearen epaiak azaroaren 4ko manifestaziorako arrazoiak areagotzen dituela dio Kontseiluak
Epaia “larritasun handikoa” dela salatu du Euskalgintzaren Kontseiluak. Bingen Zupiriak adierazi du epaiak Jaurlaritzak helegitea aurkeztea "eskatzen" duela. UEMAren ustez, “marra gorri guztiak” gainditu ditu epaiak.
Erreakzio ugari sortu du astearte goizean ezagutu den EAEko Auzitegi Nagusiaren epaia, udal legearen hainbat artikuluren aurkakoa. Kontseiluak epaia “larritasun handikoa” dela adierazi du. Batetik, nabarmendu du udal legea Gasteizko Legebiltzarrean “adostasun oso handiz” onartu zela eta, aldiz, EAEn “oso ordezkaritza murritza” duen alderdi baten ekimenez egin dela haren aurka. Bestetik, gogoratu du uztailean Espainiako Konstituzio Epaitegia izan zela legearen artikulu baten aurka egin zuela, eta asterateko sententzia haren “luzapena” dela salatu du. Kontseiluaren ustez udal legeak euskararen normalizazioaren aldeko neurriak jasotzen ditu, eta baliogabetuz, “ normalizaziorako bidea egitea posible denik ukatzen ari dira”.
Epaiak, “zoritxarrez”, azaroaren 4an euskalgintzak euskararen aurkako“oldarraldi judizialaren” aurrean antolatu duen manifestazioarako arrazoi gehiago ematen dituela adierazi du Kontseiluak. Adierazi du nahiago lukeela indarrak “euskararen normalizazioak eta biziberritzeak behar dituzten” zereginetara bideratzea, eta ez “epai hauen kontrako hesietan”.
Jaurlaritzaren helegitea
Jaurlaritzaren bozeramaile Bingen Zupiriak ere hitz egin du epaiaz. “Justizia ezin da helburu politikoekin erabili”, adierazi du, gogoratuz epaia Vox alderdiaren helegite baten ondorioa dela. Kontseiluak egin bezala azpimarratu du udal legea adostasun “zabalarekin” onartu zela, eta salatu du EAEko Auzitegi Nagusia Espainiako Konstituzio Epaitegia baino “urrutirago” joan dela, partzialki baliogabetu duen dekretuaren “azterketa egiterakoan eta sententzia onartzerakoan”.
Jaurlaritzak aukera du epaiari helegitea aurkezteko. Zupiriak esan du Jaurlaritzaren zerbitzu juridikoek erabakiko dutela aurkeztu edo ez, azterketa egin ostean, baina adierazi du ere epaiak “eskatzen” duela Jaurlaritzak helegitea aurkeztea.
“Ofizialtasuna bera ere zalantzan”
“Erabaki honekin marra gorri guztiak gainditu dira, euskararen ofizialtasuna bera ere zalantzan jartzen baita”, salatu du Udalerri Euskaldunen Mankomunitateak. Elkartearen esanetan, “administrazioan euskara gaztelaniaren makuluarekin soilik erabiltzeko aukerak urte asko atzera garamatza”. Epaiak euskara “biziberritzeko” politikak “erabat mugatzen” dituela adierazi du.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]