Alderdien arteko zatiketa gainditu eta zerrenda "zabal” baten baitan aurkeztuko dela jakinarazi du Baionako auzapezak. Eskuin muturra salbu, eskuina eta zentroa bere osotasunean bilduko duen "elkarretaratzea" izanen da Etxegarairen zerrenda. Ez du ordea jakinarazi Herri Elkargoko presidentetzarako kargurako berriz aurkeztuko den. Martxoaren 15 eta 22an eginen dira udal hauteskundeak Lapurdi, Nafarroa Beherea eta Zuberoan.
Baionako auzapezaren aulkia ez du uztekoa Jean-Rene Etxegaraik. Berriz izango da hautagai martxoaren 15 eta 22an eginen diren herriko hauteskundeetan. Zerrenda “zabala” osatuko duela jakitera eman du astearte goizean, prentsaurreko bidez. Eskuina eta zentro-eskuinari dagokionez, eskuin muturra salbu beste guztiak batuko ditu. Ezkerrari dagokionez ez du zehaztapenik eman, baina aurreikusi daiteke ezkerrekoak ere ukanen dituela bere zerrendan. Orain artean ondoan ukan dituen Jerome Aguerre Alderdi Sozialistan izandakoa edota Martine Bisauta ekologista izendatu ditu erantzuteko orduan. Zurrumurruek diotenari segi, Laurence Hardouin abertzale eta ezkertiarra izango luke ere zerrendan. Behin baino gehiagotan informazioa baieztatzea eskatu eta erran-merrana ez du gezurtatu nahi ukan Hardouinek. Hautagaitzaren osaketari buruzko xehetasunak “laster” emanen dituela jakinarazi du orain arteko Baionako auzapezak.
Dena dela sailkatze hori ez du gogoko: “Zentro-eskuinean kokatu ohi nauzue. Hori duzuelako gogoko, banaketa sinple eta argia. Baina nik jakin nahi nuke eraman ditudan politika guztien ondotik zer naizen: eskuina ala ezkerra. Eta arras ongi ez banaiz ez bat ez bestean kokatua. Jendeen sailkatzean oinarritzen den mundu horretan, nirekin antza gutti duen mundu horretan ongi zait sailkaezin izatea”.
Euskal Elkargoko presidentetzarako berriz aurkeztuko den ez du zehaztu. “Ez da gaurko gaia” izan da emandako erantzuna. Hala ere, beste auzapez eta hautetsien partetik kargu horretan segitzeko “dei franko” dituela zehazteko hautua egin du, argi utziz ondokoa: “ Herri Elkargoari biziki lotua naiz, baina ez da baitezpada presidente izan behar bertan eragiteko".
Auzapez kargua eta Herri Elkargoko presidentearen ardura biak batera betetzeak dakarren kargu metaketari buruz ere ez du iritzia plazaratu. Euskal Elkargoaren funtzinamenduaren balorapena egiteko orduan, batek baino gehiagok dute kargu metaketa hori kritikatzen.
2017ko urtarrilaren 1ean sorturiko egitura horretako lehen presidentea izan da Etxegarai. Bertan aulkia eskuratu zuten 231 hautetsietatik 157k bere alde egin zuten orduan. Martxoaren 15ean eginen da herriko bozken lehen itzulia, bigarrena berriz martxoaren 22an. Horiek bururatu ondoan bozkatuko dute Euskal Elkargoko osaketa berria.
Baionari dagokionez, 2014 urtean, 26 bozengatik bakarrik irabazi zuen Etxegaraik auzapezaren aulkia, Henri Etxeto sozialista bigarren geldituz. Noski, kanpaina giroan sarturik eta bigarren kargualdiari begira jarririk, sei urte horien balorapen baikorra egin du astearteko prentsaurrekoan.
Lau zerrenda ukanen ditu parean, oraingoz: Baiona Berde eta Elkarkidea (EH Bai koalizioa abertzaleak, Europe Ecologie Berdeak talde ekologistak eta France Insoumise ezkerreko alderdiak sostengaturiko zerrenda zabala) ; Alderdi Sozialistak sostengaturiko Baiona Hiri Irekia zerrenda ; Bihar Baiona Mathieu Bergé sozialistak osatu hautagaitza eta eskuin muturrekoak ere ukanen dituen beste eskuineko zerrenda bat.
Hauteskunde egunean, oposizioak ohartarazi bi akats nagusi onartu ditu epaileak.
Marie-José Mialocq-ek Arbonako hauteskundeak bigarren aldiz irabazi ditu. 2020ko martxoko bozketan Beñat Arlaren zerrendak helegitea jarri zuen eta auzitegiak onartu. Uztailaren 18an egin dituzte hauteskundeak bigarren aldiz.
Aktualitatea ez zait batere interesatzen –zutabe hauetarako, bistan da; bestela aktualitatearen kontsumitzaile ohikoa naiz, are garaiaren arabera tiraniaren menpekoa–; baina batzuetan iruditzen zait azkar asko ahaztuko dugun txikikeriaren batek erakuts dezakeela... [+]
Bigarren itzuli honetan ere urtetako lanaren emaitza lortu dute abertzale ezkertiarrek: Ziburun, Urruñan eta Itsasun auzapez izango dira. Bozketen lehen itzulian Biriatun eta Donapaleun irabazirik, Uztaritzen eta Baigorrin 2014ko garaipen historikoa berriz ere... [+]
Jean-Rene Etxegaraien zerrendan aurkezteko hautua egin zuen Joseba Erremundegi abertzale eta euskaltzaleak. Justuki abertzale eta euskaltzale den horri luzatu dizkiogu bizpahiru galdera, hautatu duen zerrenda ez delako abertzalea eta eskuinekoak ere dituelako bere taldean.
Bigarren itzuli honetan ere urtetako lanaren emaitza lortu dute abertzale ezkertiarrek: Ziburun, Urruñan eta Itsasun auzapez izango dira. Bozketen lehen itzulian Biriatun eta Donapaleun irabazirik, Uztaritzen eta Baigorrin 2014ko garaipen historikoa berriz ere... [+]
Beste sei urtez izanen da Baionako auzapez Jean-Rene Etxegarai. Botoen %53,81 bildurik, lehen atera da bozketen bigarren itzulian. Mezu bateratzailea eraman izanarekin lotu du garaipena. Ikustekoa orain Euskal Hirigune Elkargoko presidentearen aulkia atxikitzeko lehiari eutsiko... [+]
Kotte Ezenarrok alkatetzean jarraituko du Hendaian 1.717 boto eskuratuta, 1.367 lortu dituen Pascal Destruhauten aurretik.
Gorka Taberna abertzalearen zerrenda bigarren postuan geratu da.
Baionan auzapeza ez da aldatuko. Bigarren itzulian Jean-Rene Etxegaraik eutsi dio herriko etxeko aginteari, Henri Etxeto sozialistari gain hartuz. Bozen %53,81 lortu ditu Etxegaraik eta %46,19 Etxetok, duela sei urteko hauteskundeetan baino alde handiagoa lortuz, gainera.
Dominique Iriart garaile izan da Senperen bozen %51,3 eskuratuta (1.674 boz). Azken sei urteotako auzapez Pierre-Marie Nousbaum eskuindarrak % 48,7ko babesa lortu du (1,589 boz). Hala, Idiartek Senpere Bai zerrendarekin egindako aliantza dela-eta, kide abertzale batzuk izango... [+]
Maider Arostegi eskuineko hautagaiak irabazi ditu bozak Miarritzen %50,22ko babesa lortuz. Lehen aldiz emakume bat izango da Miarritzeko auzapeza.
Aramendik bozen erdiak lortu ditu bigarren itzulian eta hala, 10.000 biztanle inguru dituen Urruña bilakatu da Ipar Euskal Herriko abertzaleek kudeatutako herririk populatuena.
Laurent Lucmareteren zerrenda izan da bigarren, eta Veronique Robertena hirugarrena.
Botoen %44,7 lorturik, Eneko Aldanak irabazi du bigarren itzuliko lehia Ziburun. Ziburu Bizi ezkerreko zerrenda irekia nagusitu da, Aldana abertzale eta ezkertiarra buru duela.