Udal eraikinetatik amiantoa kentzeko eskatuz mozioak aurkeztu ditu sei udalerritan biktimen elkarteak
Euskal Herriko amiantoaren biktimen elkarteak, Asviamiek, mozioa aurkeztu du gai kutsagarri horrek gehien kalteturiko Gipuzkoako eta Bizkaiko sei udalerritan. Egin gabe dagoen eta "beharrezkoa" den lan bat dela dio, "ingurumen-kutsaduragatik amiantoaren biktima gehiagorik egon ez dadin".
Beasainen pasa den martxoaren 2an eztabaidatu eta onartu zen udal eraikinetan oraindik instalaturik dagoen amiantoaren errolda egin eta kentzea eskatzeko Asviamie Euskal Herriko amiantoaren biktimen elkarteak aurkezturiko mozioa. Astearte honetan Zumarragaren txanda izan da; eta datorren astean Bizkaiko lau udalerritako osoko bilkuretan izango dute mahai gainean gaia: martxoaren 28an Sestaon eta martxoaren 30ean Santurtzin, Barakaldon eta Portugaleten, elkarteko kideek ARGIAri aurreratu diotenez.
Asviamiek sei udalerri horietan eskatuko du 2028ko urtarrilaren 1erako udal eraikin guztiak amiantotik libre egotea. Horrez gain, udaletako Gizarte Zerbitzuek biktimei eta beren familiei akonpainamendua eta aholkularitza ematea ere eskatu du elkarteak.
Espainiako Estatuko heriotzen rakingean, goi-goian
Europako bederatzi herrialdetan hainbat hedabidek egindako ikerketa baten arabera, arestian aipaturiko herri horiek Espainiako Estatuan amiantoak gehien kalteturikoen artean daude, baita Laudio ere, Araban. Zehazki, Beasain zerrenda horretako bigarren postuan dago –Kataluniako Cerdanyola del Vallés-en atzetik–, herri hartan 100.000 biztanleko 138 lagun hil dira amiantoagatik; hirugarrenean Sestao dago, bosgarrenean Santurtzi, zazpigarrenean Barakaldo, bederatzigarrenean Laudio, eta hamargarrenean Portugalete.
Amiantoaren ondorioz hildakoen zerrendari Hego Euskal Herriko lurraldeek egiten dioten "balantze tristea" da hori, Asviamieren ustez: "Izan ere, Estatu osoko lehen postuan daude, biztanle-kopuruaren arabera, 748 hildakorekin".
Uste zena baino bi edo hiru aldiz hilgarriagoa
Danimarkako ikerketa kazetaritzan dabilen Katharine Quarmby kazetariak koordinaturik, Europa mailan egindako ikerketaren ondorio nagusietako bat da amiantoa uste zena baino bi edo hiru aldiz hilgarriagoa izan daitekeela. Soilik Europar Batasunean 70.000 eta 90.000 pertsona artean hiltzen dira urtean amiantoak sorturiko minbiziengatik.
Moncloa.com hedabideak Espainiako Estatuko datuak eman ditu: 2000. urtetik 2020. urtera 7.622 pertsona hil dira mesotelioma eta asbestosiagatik.
Asviamieko kideek gogorarazi dute 2011. urtetik dabiltzala halako eskaerekin bueltaka eta "denbora aurrera doala"
Nolanahi ere, Asviamiek gogorarazi du gaixotasun mota batzuetan zaila izaten dela amiantoaren zuzeneko harremana frogatzea, "hala izanik ere", bronkioetako, biriketako, obulutegietako eta laringeko minbizien kasuan, adibidez.
Amianto asko oraindik eraikinetan
Ez da lehen aldia amiantoa udal eraikinetatik kentzeko eskaerak eta ekimenak martxan jartzen direna. Amiantoaren mapa edo inbentarioak egitea onartu izan dute hainbat herritan, Hernanin, Portugaleten edo Iruña Okan kasu. Hala ere, Asviamieko kideek hedabide honi gogorarazi diote 2011. urtetik dabiltzala halako eskaerekin bueltaka eta "denbora aurrera doala".
Europar ikerketaren arabera, herrialde bakoitzean politika oso ezberdinak daude amiantoa kentzeko. Hala, Flandrian eta Polonian asbestoa ezabatzeko estrategia zabalak dituzten bitartean, Espainiako Estatuan lege bat baino ez dago, udal erakundeak behartzen dituena errolda egitera 2023ko apirila baino lehen.
"Udal-agintariek neurri egokiak hartu beharko dituzte, legea betez, garai batean instalatu zen amiantoa lokalizatu eta erretiratzen joateko", ohartarazi du Asviamiek
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]