Udako Uzta: azafraiaz loratu da Eñaut Elorrieta
Udaberriko uzta igarota, udakoaren txanda izan da irailaren 1ean. Pagolako Sahalbüria etxaldean jarri du hitzordua EHKolektiboak, azafraiez inguratutako paraje zoragarrian. Eguraldia lagun, Euskal Herri osotik iritsitako jendea bildu da egun paregabea igarotzeko asmotan. Eñaut Elorrieta arduratu da uzta girotzeaz, eta Gose Gozoa kolektibokoak bazkari ederra atontzeaz.
Sahalbüria etxaldea Pagola herriaren kanpoaldean dago, zelai eta mende ederren babesean. Bati baino gehiagori bertara iristea majo kosta bazaio ere, helmugara iristean egindako bideak merezi izan duela ohartu dira: etxalde handi bat, bertako produktuez hornitutako baratza, ongi etorria emanez pikoz betetako pikondoa, eta gonbidatu guztiak kabitzeko adinako jangela inprobisatua.
10:30ean hasi da bertako ekoizpenari buruzko bisita gidatua. Xexili Thoureau da azafraiaren prozesuaz arduratzen dena. Proiektua oso hilabete gutxitan jarri zuen martxan 2015ean, ez baita inbertsio handia behar azafraia ekoizteko, nekazal-makina gutxi behar dira eta. Bisitariek adi entzun dituzte Xexiliren azalpenak, eta bat baino gehiago harritu da azafraiaren laborantza zikloaz: “Gainontzeko landareen alderantzizkoa da. Hostoak eta loreak udazkenean ateratzen dira, eta maiatza-uztailetik aurrera landarea lo gelditzen da. Udan zehar loreak lo egoten dira, eta uztailean bulboak jasotzen dira”. Etxaldeko txoko ezberdinak erakutsi ditu Xexilik, guztiek baitute azafraiaren ekoizpen prozesuan nolabaiteko eragina.
Hamaiketakoarekin apaldu dute gosea bisitariek. Ahuntz gaztadun kuiatxo krema eta tokiko barazkiekin egindako pizza artisaua prestatu dute Gose Gozoa kolektiboko kideek, edonori sabela konkistatzeko moduko mokadua, dudarik gabe. Tripa beteta, Eñaut Elorrieta entzuteko ordua iritsi da.
Bakarrik baino konpainian
Kontzertu hunkigarri bezain berezia eskaini du gernikarrak, aspaldiko abestiak nahiz proiektu berriko lanak uztartuz. Joseba Sarrionandia eta Leonard Cohen ustekabeko gonbidatuak izan zirela esan daiteke, lehenengoaren hitzei ahotsa jarri baitzien Eñautek hainbat kantutan, eta abeslari estatubatuarraren abesti bati Sarrionandiaren ukitua eman baitzion, entzuleak zur eta lur utziz. Formatu txikiko kontzertua izan da, gitarrak baino ez baitu izan lagun sasi-oholtzaren gainean. 1936ko gerra eta deserria izan dira kontzertua harilkatu duten gaiak.
Barrenak mugituta, eta gosea ate joka, bazkaltzeko unea iritsi da. Goizak iraun bitartean jendea hara eta hona ibili den bitartean, sukaldari taldea 80 pertsonentzat bazkaria prestatzen aritu da, bertako produktuekin egindako menu paregabea osatuz. Hasteko entsalada eder bat atera dute mahaiaren erdira. Zuberoan bertan ekoiztutako pasta ekologikoa izan da lehen platera, eta barazkiak ere atera dituzte gustu duenak dena nahastuta jan dezan. Ondoren, txerrikumea su baxuan erreta. A ze platera! Amaitzeko, eta eguna primeran biribiltzeko, etxeko azafraidun panakota izan da postrea, bertako marmeladaz lagundua. Hauxe tokiko produktuekin prestatutako bazkaria. Ez dago gaizki, ezta?
Lagun artean, giro paregabean eta bihotzak beteta amaitu da eguna Pagolan. Hurrengo uzta jasotzeko hitzordua Eibarren dago jarria, azaroaren 9an, Sosola baserrian. Azkar ibili zirenek soilik izango sarrera, Ruper Ordorika oñatiarrak aspaldi agortu baitzituen saiorako sarrera guztiak. Hurrengoan ez pentsatu bi aldiz, baserriko uztan izena emateko.
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Haize-erroten eta eguzki-plaken ezarpen zabalarekin kezkatuta, populazioa "espekulazio energetiko" gisa kalifikatzen duen joera bati aurre egiten ari da.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Udaletxe aurrean eginiko prentsaurreko jendetsuan, Donostian gertatzen ari diren jarrera arrazista, klasista eta faxistekin kezka adierazi dute hiriko eragile sozial eta politiko ugarik. Irakurketa bateratua eskaini dute 37 eragilek, besteren artean, Ernai, GKS, Bilgune... [+]
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Loiolako kuartelen afera ez dago bere onenean. Espainiako Defentsa Ministerioak eta Donostiako Udalak akordioa “aldi baterako” etetea erabaki zuten joan den astean, hilaren 18a baino lehenago ezin izango zutelako gauzatu, eta hori delako, hain zuzen, salerosketa... [+]