Udako oporrik gabe Errekaldeko gaztetxe berria txukuntzeko
Uda osoa auzolanean emango dute Bilboko Errekalde auzoko Gazte Asanbladako kideek “Etxarri” gaztetxean lan egiten. Info7 irratiak gaztetxeko kideekin hitz egin du, txukuntze lanak nola dihoazen jakiteko.
Uztailaren 4an ia 20 urtez abandonaturik egon den bi pisuko eraikina okupatu zutenetik lanean “jo ta ke” dabiltza gaztetxe berriko kideak. “Lan handia dugu orain, hondakin asko daudelako eraikinaren barruan”.
Gaztetxeari ez diote Kukutza IV izena jarriko, Kukutzaren garaia bukatutzat eman dutelako eta etapa berri bat hasi nahi dutelako. Horregatik “Etxarri” izena jartzea erabaki dute: “Eraikinari gure artean La Forta deitzen genion, baina ez genuen izena gaztelaniaz jarri nahi. Euskarazko sinonimoak bilatu genituen eta hori gustatu zitzaigun”.
Etxarrirako hainbat proiektu dituzte buruan. Auzorako zinema bat egin nahi dute, adibidez, eta bilera gela bat “auzoan kolektibo asko dagoelako eta gaur egun ez dugu biltzeko lekurik”.
Inaugurazio data ofizialik ez duten arren, gaztetxe berria uda osterako prest edukitzea espero dute. Horretarako oporrak auzolanean pasa beharko zituzte: “Aurten denak Errekalden geratuko gara, Etxarri txukuntzeko”.
Gaurko iragarrita zegoen Bilboko Errekaldeko Etxarri II Gaztetxearen aurkako hustutze agindua eta ostiral goizean hala egiten saiatu dira. Halere, idazkari judiziala ez da gaztetxera azaldu eta beraz prozesua geldituta geratu da oraingoz.
Bilboko Administrazio Auziko epaitegietan "Errekaldeko Etxarri gaztetxearen aurka Bilboko Udalak aurrera eramandako desalojo jarduketaren kontrako demanda" aurkeztu du Bilboko Okupazio Bulegoak (BOM). Aipatutako demandak "udal jarduketaren baliogabetasunaren... [+]
Preso gaixoen aldeko elkarretaratzea debekatu egin du Espainiako Gobernu ordezkaritzak, eta hura egiteko nahia adierazi du taldeak. Fernando Lizeaga eta Joxean Kortadi preso ohiek 18 egun daramatzate greban.
Ostegun gauean zabaldu da albistea sare sozialetan: "Bilboko Errekalde auzoak gaztetxe berria lortu du".