Udako Azoka Ekologikoak abian dira, Araba, Bizkaia eta Gipuzkoako hamalau herritan
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.
Udako uztaz gozatzeko hitzordua jarri dute Udako Azoka Ekologikoetan, zenbait elkarteren artean kalitatezko produktu ekologikoak bultzatzeko antolatutako topaguneetan. Herrietako kontsumo taldeek eta ekoizpen ekologikoaren aldeko herrialde mailako elkarteek antolatzen dituzte, besteak beste, Arabako Bionekazaritzak, Bizkaiko Ekolurrek eta Gipuzkoako Biolurrek. Jada izan dira Gasteizen eta Elorrion, eta beste hamabi herritan ere izango dira urria amaitu bitartean.
Sustatzaileek gogorarazi dute duela 30 urte produktu ekologikoa baztertuta zegoenez ezinbestekoak zirela azokak, salmenta puntu garrantzitsuak zirelako nekazari eta abeltzainentzat. Gaur egun egoerak hobera egin du, eta diotenez azokak salmenta gune huts baino gehiago dira elkarguneak eta eredu agroekologikoa sustatzeko eremuak.
Ekoizle eta herritarren arteko harremanari balioa ematen diote, eta azokak batik bat ekoizle txikientzat inportanteak direla oroitarazi dute; zuzeneko salmenta da haietako askoren zutoina. Horregatik, erronkatzat dute ahalik eta jende gehien erakartzea azoka ekologiko hauetan erostera: “Erosketa-aukera bakoitza aldaketa positiboa sustatzeko aukera bat da. Iraunkortasuna, justizia soziala eta ekitatea sustatzen dituzten produktuak hautatzekoa. Kontsumitzaile bezala ekoizpen- eta kontsumo-sistema bidezkoagoa, osasungarriagoa eta iraunkorragoa bultzatzeko giltza dugu”, berretsi dute Euskadiko Nekazaritza eta Elikadura Ekologikoaren Kontseiluko kideek.
Hauek dira datozen azoka ekologiko egunak:
Uztailak 29, Zigoitia (Araba)
Abuztuak 23, Zarautz (Gipuzkoa)
Abuztuak 30, Zumaia (Gipuzkoa)
Irailak 7, Donostia (Gipuzkoa)
Irailak 14, Orereta (Gipuzkoa) eta Algorta (Bizkaia)
Irailak 22, Zerain (Gipuzkoa)
Irailak 28, Mungia (Bizkaia)
Urriak 5, Gasteiz (Araba) eta Durango (Bizkaia)
Urriak 19, Eibar (Gipuzkoa)
Urriak 27, Villabona (Gipuzkoa)
Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]
Ateak ireki berri ditu Bermeon Gu Zu Bio dendak, otsailaren 17an egin baitzuten inaugurazio ekitaldia. Edurne Zulueta Aranguena da proiektuaren bultzatzailea, eta berak azaldu bezala, garbiketako produktuei lotutako kontsumoari buelta bat eman nahi izan dio egitasmoarekin... [+]
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
EAEn 2.600 elikagai desberdin daude eredu ekologikoan ziurtatuta. Bertako elikagai ekologikoen "aniztasun hau plazaratzeko" Udako Azoka Ekologikoak antolatu dituzte EAEko 14 herrietan elkarlanean, herrietako kontsumo taldeek eta hiru lurraldeetako ekoizpen... [+]
El Salto-k Andreu Escrivá ikerlari eta ingurumen-adituari elkarrizketatu du, bere azken liburuaren harira, "Contra la sostenibilidad". Bertan, kapitalismo berdeak bere burua indartzeko erabiltzen dituen estrategiak azaldu ditu, eta nola jasangarritasunaren ideia... [+]
Oreretako Erdiko kalean bada pasta egiteko obradore eta denda berezi bat: Zituene. 2016an eman zituzten lehen pausoak proiektuaren sortzaile diren Iker Eizagirre Gallardok eta Naiara Retegi Lekuonak. “Pasta oinarrizko elikagaia dela eta hemen inguruan horrelako proiekturik... [+]