U30eko greba orokorraren deialdia erregistratu dute ofizialki sindikatuek
Euskal Herriko Eskubide Sozialen Kartan bilduta dauden sndikatuek (ELA, LAB, Steilas, ESK, Hiru, EHNE eta Etxalde) urtarrilaren 30ean Hego Euskal Herrian greba orokorra egiteko deialdia erregistratu dute Bilbon eta Iruñean. Egun horretan "jauzi bat" emateko asmoa agertu dute.
Bada denbora bat urtarrilaren 30eko eguna gorriz markaturik dutela eragile sozial, sindikatu, alderdi eta herritar ugarik. Baina ofizialki gaur erregistratu dute Eusko Jaurlaritzaren eta Nafarroako Gobernuaren Bilboko eta Iruñeko egoitzetan greba orokorraren deialdia, Euskal Herriko Eskubide Sozialen Kartan bilduta dauden sindikatuek.
Aldarrikapen plataforma zehatz bat aurkeztu dute "herritarren beharrei zuzenean erantzuten dietenak". Besteak beste, gutxieneko pentsioa 1.080 eurokoa izatea eta KPIaren arabera birbalorizatzea, 1.200 euroko gutxieneko soldata, lan erreformei eta prekarizazioari aurre egiteko neurriak, soldata arrakalarekin amaitzea, edo DSBE eta etxebizitzarekin zerikusia duten eskakizunak daude taula horretan.
"Eusko Jaurlaritza eta Nafarroako Gobernua ezin dira ezkutatu –azaldu du Mitxel Lakuntza ELAko idazkari nagusiak–, egoera iraultzeko tresnak eta baliabideak izan badituztelako. Gure eginbeharra presioa egitea da, grebaren erregistro honetan publiko egin ditugun aldarrikapen hauek bete daitezen estutzea".
Garbiñe Aranburu LABeko idazkari nagusiaren ustetan ere, "ofentsibara igarotzeko" greba izango da datorrena, "bizitza duina" izateko. Zentzu horretan, LABek gogorarazi du urtea hasi eta bederatzi egunetan sei langile hil direla prekarietate baldintzen ondorioz: “XXI. mendean gaude eta gaur egun lanera joateak gaixotzea edo hiltzea esan nahi du gehiegitan".
Confederacion Intersindical Galega ere grebaren alde
Oñati, Leioa, Aiaraldea, Portugalete, Lea-Artibai... Auzo, herri eta eskualde ugaritan jadanik martxan dira greba batzordeak, U30eko egunari begira eta horren aurretik zer ekintza eta protesta mota egin erabaki eta antolatzeko. ELA sindikatuak ere, jakinarazi duenez, eskualde asanbladak deituko ditu ostegun eta ostiralean, hemendik aurrera egin beharrekoa aztertzeko.
Bien bitartean, etengabe ari dira eragile eta erakunde ugari greba orokorrera atxikitzen. Azkena Confederacion Intersindical Galega izan da, Galiziako sindikatu nagusienak babesa erakutsi dio urtarrilaren 30eko protestari.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
