Txupinazoan bandera eta oihal handiak zabaltzea debekatu du Iruñeko alkateak bando bidez
Uztailaren 6ko eguerdian, Sanferminetako festetan Iruñeko Udaletxe Plazara ezin izango dira tamaina handiko banderak eta oihalak sartu, Enrique Maia Navarra Sumako alkateak bando bidez agindu duenez.
"Arrisku egoerak saihesteko" argudioarekin, Iruñeko udal gobernu berriak neurri esanguratsua abiatu du aurtengo Sanfermin festetan. Txupinazoa ospatuko den tokietan, Udaletxe Plazan eta Gaztelu Plazan, debekatu egin du "pertsona asko estali dezaketen tamaina handiko banderak eta oihalak zabaltzea". Maiaren aginduak dio "nahi gabeko masa mugimenduak eta zeharkako nahiz zuzeneko kalteak saihestu" nahi dituztela horrela.
Bandoak debekatzen du plazara sartzea makilak, beirazko ontziak edo edari latak, eta horiei guztiei gehitu die oraingoan banderak edo bestelako ikurrak daramatzaten oihalak ere sartzea. Propagandarako ikusi ohi diren objektu handiez ez du aipamenik egiten ordea.
"Bistan da debekuak segurtasunarekin ez ezik baduela eraginik adierazpen askatasunean", dio Euskalerria Irratiak bere webgunean. Denbora luzez ikurrinak eta aldarrikapen mezuak zeramatzaten oihalak debekatuta izan dira Iruñeko festen hasieran eta horrek gatazka eta haserrea sortzen zuen iruindar askoren artean. Azken lau urteetan baina, EH Bilduk alkatetza lortuta, Sanfermin hasiera koloretsua nagusitu da, mezu politiko eta sozialen zentsurirarik gabe. Iaz, bederatzi bandera –ikurrina, Nafarroakoa...– eta mezu zeramatzaten oihalak zabaldu zituzten arazo eta liskarrik gabe.
Eraso sexisten kontra
Bestaldetik, bandoak eraso sexisten kontra duela bi urte hasitako estrategiari eusten dio. Eraso sexistarik gabe, Iruñea aske! lemari babesa eman dio eta halako jarrerak pertsegitzeko konpromisoa berretsi du udal korporazioak; era berean, herritarrak gonbidatu ditu izaera sexista duen edozein erasoren aurrean emakumea "lagundu" eta erasotzailea "isolatzera". Txapa eta kamiseta sexistak debekatuta daudela gogorarazi du bandoan Iruñeko Udalak.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.