Txosten batek agerian utzi du Donostiako metro-pasantea ez dela bideragarria
Donostian eraiki asmo den metro pasanteari buruzko txosten teknikoa garatu du bizilagunen lantalde batek, eta bertan auzitan jartzen da Eusko Jaurlaritzak pasanteari emandako inbertsioa bideragarria ote den.
Azterketa-lana idatzi duen taldeko kide Jose Antonio Fernandez de Larrinoak aurkeztu du txostena prentsaurreko bidez. Eskatu du Jaurlaritzak pasantera bideratutako inbertsioa Topoaren eta EuskoTrenen egungo trenbideen segurtasuna eta eraginkortasuna hobetzera zuzentzea.
Jarraian EuskoTreneko langile Oskar Bordesek hartu du hitza, eta bere jardun profesionalean oinarrituta EuskoTrenek dituen gabeziak argitu ditu eta eta Jaurlaritzak pasanteari emandako lehentasuna auzitan jarri du, azterketa txostenaren ondorioekin bat eginez.
Metroaren pasantea gelditzeko Satorralaia bizilagunen plataformak parte hartu du prentsaurrekoan. Bertan adierazi dute txosten teknikoa Eusko Jaurlaritzari eta Euskal Trenbide Sareari (ETS) aurkeztu diotela, eta puntuz-puntu aurkeztu dituzte txostenean ateratako ondorioak:
1. Txostenak demostratzen du ETSak gezurra esan duela eraginkortasun gabeziak Amarako geltokiari egozterakoan, “egiaz segurtasun eta eraginkortasun arazo handienak” Herrera ekialdean eta Errekalde mendebaldean aurkitzen direlako. Geltoki hauek “trenbide bikoitza ez dutelako”.
2. Bestalde, pasantea “ez da lehentasunezkoa eta ez du segurtasun eta eraginkortasun arazo larrientzat konponbiderik ekarriko”, txostenean jasotzen denez. Are, “pasantearen ekarpena ezdeusa” izango litzatekeela esaten da.
3. “Egungo Easoko geltokiak ez du eragiten erabiltzaileen tren aldaketarik, ezta denbora galerarik”, horregatik, txostenak salatu du pasantea ez dela beharrezkoa.
Honen guztiaren ondorioz, txostenak eskatu du “Metro-pasantearen proiektua gelditzea eta bertara bideratutako inbertsioak trenbide sarearen segurtasunera eta eraginkortasunera bideratzea”.
Gaur, ostegunerako, “Garraio publikoa eta Metroaren pasantea: Lehentasuna ala xahuketa?” mahai-ingurua antolatu du Satorralaia plataformak. Hizlariak garraio publikoko enpresa desberdinetan aritzen diren langileak izango dira. Mahai-ingurua arratsaldeko 19:00etan izango da, “Karmelitasen” parrokiako zine aretoan.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria"... [+]
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]
Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.
Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.