Txinako Alderdi Komunista eta enpresa pribatu erraldoiak: tolerantziatik lankidetza goxora?
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta ikustea.
Ezin esango da ohikoa dela: aurrekariren bat aurkitzeko, 2018ko azaroaren 1eko sinposiora joan beharko litzateke. Hala ere, formatuaren kidetasunak –agertokitik bertatik hasita: Pekineko Herriaren Areto Handiko Ekialdeko Aretoa– adierazten du berritasuna ere ez litzatekeela egundokoa. Gainera, ekitaldiaren mahai-burutzan ageri direnetako batzuk ere –Xi, Wang Huning, Ding Xuexiang...– duela sei urte baino gehiagoko berberak dira; eta gainerakoak, bitartean egindako XX. Kongresuko ordezkapenen ondoriozkoak. Zergatik orduan zalaparta?
Kontua da pasa den astelehenean Txinako Alderdi Komunistaren arduradun gorenak (Politburoaren Batzorde Iraunkorreko zazpi kideetatik lau zeuden bilkuran) bildu zirela bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta ikustea. Inork ez du egin bildutakoen negozio-zifren guztizko batura, bertan zirenen zerrenda osoa ezagutzen ez delako, besteak beste.
Baina are ezohikoagoa da, beharbada, haietako batzuk bederen hitza hartu eta beren ikuspuntuak azaldu ahal izan zituztela agintari politiko gorenen aurrean. Goxotasun handiko giroan. Alderdiak berezkoa duen erritualismoa eta protokoloa hautsi gabe, noski. Bertan ziren gehien-gehienak (guztiak ez baziren) alderdiko kideak izateari dagokion bezala.
Agerkari ofizialek, eta Xiren hitzaldiak berak, argi adierazten dute bilkuraren xedea zela Txinako enpresa ez-publiko handien konfiantza umotzea, beren inbertsioak eta berrikuntza zientifiko-teknikoak Txinan bertan sustatzen jarrai dezaten. Alderdiarekin eta gobernuarekin lankidetzan, zuzendaritza politikoak darabiltzan ildo nagusiei men eginez, baina beren ekimenen arabera.
Gainera, gogoetarako gorde beharreko bitxitasunak ere jaulki zituen agintari gorenak: “Beharrezkoa da gizarte-erantzukizunak aktiboki betetzea, lan-harreman harmoniatsuak aktiboki eraikitzea, ekologia- eta ingurumen-babesean lan ona egitea, ongizate publikoan eta karitatean parte hartzea geure ahalbideen mailan, eta gizarteari maitasun handiagoa eskaintzea”. Ustelkeria eta halakorik ez zen aipatu, antza.
Haatik, Mendebaldeko agerkari nagusientzat ia aipagai bakarra izan da bilkuran zela Jack Ma, Alibaba holding erraldoiaren sortzailea eta, aspalditxotik haren kudeaketa utzita badago ere, akziodun nagusia. 2020an Ant Group, bere finantza-besoa burtsara eramatea eragotzi ziotenetik, batzuen ustez, zigortuta omen zegoena, bere yatean mundutik barrena zebilen arren.
Ekialdeko Aretoan elkar agurtu eta astebetera, 53 mila milioiko inbertsioa iragarri du Alibabak bere adimen artifizialeko azpiegiturarako.
Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.
Iazko azken hatsean Txinako gobernuak Yarlung Zangbo ibaiaren behe-arroan proiektu hidroelektriko handia abian jarriko duela iragarri izanak, urak harrotu ez, sutan jarri dituela dirudi gure artean. Esan dezakegu alarmaren eskala osoa kurritu dutela iruzkinek: munduko handiena... [+]
Donald Trumpek agindutako muga-zergak indarrean sartu dira: Kanadak eta Mexikok %25ekoak izango dituzte eta Txinak %10ekoa. Kanadak zifra bereko arantzelekin erantzungo du. Mexikok arbuiatu du AEBko Gobernuak esan izana organizazio kriminalekin loturak dituela herrialde horrek... [+]
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
2018ko martxoaren lehena zen, bere lehen agintaldiaren lehen laurdena burututa, Donald Trumpek pentsaera politiko-ekonomikoaren lagin gardenena utzi zigunean: “Merkataritza-gerrak onak dira, eta irabazten errazak”. Orduantxe abian jartzear zituen altzairu eta... [+]
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian;... [+]
Argazkia bai, ala argazkia ez? Oraintxe bertan, ez dago argi Rio de Janeiron hasi berri-berria den G20aren goi bileran argazkia izango ote dugun ala ez. Bertaratu diren agintari gorenen “familia-argazkia”, alegia. Horrelakoetan arauzkoa bihurtu dena: turista... [+]
Mundu mailako inperioaren urbs estatubatuarra –eta haren periferiako lurbira osoa– Donald Trumpen bigarren agintaldirako kontuak ateratzen ahalegintzen ari garenean, tentsioak gorabidean jarraitzen du datozen lau urteetan, zalantzarik gabe, arreta-gune nagusietakoa... [+]
Kontinente zaharrak gerra komertziala plantatu dio Txinari, auto elektrikoen merkatu europarra porrot historiko eta irrigarri izatetik gertu dagoelako. Txinatarren errua omen, kotxe elektriko europarrak bi aldiz garestiago izatea haienekin alderatuta. Min egiten dietena da... [+]
Zeurea ez dela –eta ez duela izan behar– deritzozun herrialde bateko gertakari historikoa izan al daiteke nonbaiteko festa nazionalaren sorburua? Bai, horixe. Gertatu ere gertatzen da Taiwanen: “Hamar Bikoitzean”, alegia, urriaren 10ean ospatzen da... [+]
Kontatu –ezta iradoki ere– ez digutenez, imajinatu egin beharko dugu. Gertatu, halatsu gertatuko zelako, gutxi gora behera.
Tximeleta efektua deituaren bertsio eguneratua ematen du: unibertsitate-mintegi arrunt eta ziztrin samarra baino asko gehiago ez lirudikeenak belarri guztiak tentetu arazi ditu Asia Ekialdean, bereziki Japonian. Baita gugandik gertuago ere.
Azkenean, odolik isuri gabe amaitu da apirilaz geroztik Sabina/Xianbin/Escoda atoloiaren urmaelean, Spratley uhartediaren ekialdean, BRP Teresa Magbanua, Filipinen kosta-zaintzako ontziaren aingura-aldi luze bezain atezua. Irailaren 15ean, igandez, aingura jaso eta porturantz... [+]