Txile osoan hondakinen Atez Ateko bilketa ezarri nahi du Santiagoko gobernuak
"Gobernuaren helburua da hondakinen atez ateko sistema pixkanaka herrialde osoan ezartzea, Txileko etxeen %80ra iritsi arte" deklaratu du Carolina Schmidt Txileko Gobernuko Ingurumen ministroak. Gaur egun herritarren kontsultan dago Txileko Hondakin Organikoen Estrategia Nazionala (ENRO gaztelaniazko sigletan), material horien birziklapena masifikatuko duena eta osagai funtsezkoa atez ateko bilketa izango duena.
Residuos Profesional hedabideak zabaldu duenez, Txile osoan hondakinen Atez Ateko bilketa ezarri nahi du Santiagoko gobernuak. Hilabeteotan Ekonomia Zirkularrerako bide-orria eztabaidatzen ari dira Txilen eta atez ateko bilketaren hedapenaz behin baino gehiagotan mintzatu da Carolina Schmidt Txileko Gobernuko Ingurumen ministroa. Asmo hori berretsi du irail hasieran Independencia herrian gaikako bilketa hau martxan jarri dutenean.
Schmidt ministroak Independenciako familiei bisita egina die irailaren 3an, hau deklaratuz: "Birziklatzeko modu berri bat bultzatzen ari gara, jarduera hori lurralde nazional osoan masifikatu ahal izateko, hondakinak etxez etxe biltzeko. Zuzenean bizilagunen etxeetara joango da, garbiguneetara joan beharrik izan ez dezaten, eta beira, papera, plastikoa edo kartoia bezalako material ezagunenak biltzearekin batera, hondakin organikoak ere hartuko zaizkie", azaldu du Schmidt ministroak.
Ingurumeneko titularrak gaineratu du birziklatzeko modu berri hori Ekoizlearen Erantzukizun Zabalduari buruzko Legearen dekretu berrian ere ezarriko dela. Argitaratzen denean, pixkanaka aplikatzen hasiko da, harik eta Txile osoko etxebizitzen %80k atez ateko bilketa-sistema izan arte.
Txile da Hego Ameriketako herrialdeen artean hondakin gehien sortzen duena. Hondakinen kudeaketa politikaren mahai gainean dago aspalditik eta asko mobilizatzen dira errausketaren aurkako mugimendu eta elkarteak.
Oraintxe bertan, Hondakin Organikoen Estrategia Nazionala ari dira eztabaidatzen, baita Residuo Cero ("zero hondakin") lege berria ere. Eztabaida publikoaren fasean daudenez, Basura Cero aliantzak biltzen dituen taldeak ahalegintzen ari dira lege horretatik kanpo gera dadin industriak balorizazio eufemismoz barruan sartu nahi duen hondakinen errausketa.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
