Txikito, Danitxu, Jon Kepa... Zuekin gaude!

  • Gutun hau idazten hasi naizen unean harrotasuna eta lotsaren arteko nahasketa sentitzen dut. Harro sentitzen naiz zuen jarrera duinarekin herri baten ausardia, koherentzia eta eskuzabaltasunaren isla bihurtzen zaretelako, makurtu ez ezik hainbeste kide akabatu dituen kartzeletako biolentzia hiltzaileari aurrez aurre begiratzen diozuelako.


2016ko ekainaren 23an - 13:33

Baina lotsa ere sentitzen dut, beste garai batzuetan aipatutako balioak mantentzeagatik txalotzen zintuztetenetako batzuek, zuek estigmatizatzeko eta babes zein laguntzarik gabe gelditzeko saiakera antzuan dabiltzalako, eta dena “Nire izenean ez!” ozen oihukatu duzuelako gu zigortzea helburu duten epaimahaiei eskua luzatu eta ultraeskuindarrekin akordio politikoetara heltzea eredu bihurtu nahi duten garai hauetan.

         Gustatuko litzaidake gutun bat idazten dudanean betiko etsaiaren aurka ari naizela sentitzea, eta zinez iritzi artikulu batean Sortu aipatzen dudan bakoitzean nire buruari esaten diodala azken aldia izango dela, hemendik aurrera tokatzen dena amnistia aldarrikatzea dela eta zuekin batera herri oso bat gatibu mantentzen duten estatuen izaera faxista agerian uztea dela. Baina zailegia jartzen didate, are gehiago Sorturen estrategiaren baitan kokatzen diren abokatuak direnean babes juridikoa kenduko dizuetela helarazten dizuetenean, ez aurpegira, dotoreziaren arauetan idatzita datorren moduan, baizik eta beste kide batzuen bitartez. Zaila jartzen didate bere semearen argazkia kontzentrazioetan egongo ez dela esan eta gero, lotsagabeki ama bati kontzentrazio horietara joaten jarrai dezakeela esaten diotenak Sortuko militanteak direnean.

         Orain laguntza oro kentzen dizuete diziplinatuak ez omen zaretelako izan eta horrek erakusten du, bizitzako esparru guztietan bezala, afera honetan ere klaseen arteko borrokak bizirik dirauela. Zuekin hartu duten jarrera ez ziren hartzen ausartu urtetan zehar Kolektiboaren ildo politikotik kanpo zeuden iritzi artikuluak idazten zituzten politikari presoekin, agian beraiek ez zirelako zuek bezalako “soldadutxoak”, izen handiko ofizialak baizik. Ez dute neurririk hartu ere kartzela barruan lanerako destinoak betetzen ari diren “kideen” aurka, agian beraiek ez dutelako zalantzan jartzen garai bateko politikari presoen estatusa eta, ez dut gaizki pentsatu nahi, agian Kolektiboko zenbait tabu apurtzeko lagungarriak direlako. Ah! Ez zenekitela batzuek Kolektiboak debekatzen dituen destinoak egiten ari direla? Ba bai, orain gutxi zuek inoiz gehiago defendatuko ez zaituen abokatu batek publikoki ukatu zuen arren, hori gertatzen ari da. Baina ez du axola, arazoa zuek zaretelako!

         Bagenekien une hau helduko zela. Iazko udazkenean jakin genuen Sortu hainbat kide EPPKtik kanporatzeko presionatzen ari zela “estrategia berria” deritzan asimilazio estrategia zaharra onartzen ez zutelako. Jendeak horrelako kanporaketak ez zituela ulertuko konturatuta Amnistiaren Aldeko Mugimenduak EPPK zatitzea zuela helburu zabaltzen hasi ziren. Beranduago Parisko epaiketako oharra etorri zen, eta Danitxuren  gutuna, eta Jon Keparena, eta Usurbilgo prentsaurrekoa (badago bere izena zerrendatik kentzea eskatu duenik engainatuta sentitu delako), eta orain, zuekiko hartzen duten jarrerarekin, zirkulua ixten da hasi zen toki berean: kristorenak entzun behar izan genituen duintasun jarrerak mantentzeagatik inor ez zela botata geldituko esateagatik, baina botata utzi nahi izan zaituzteten honetan, gure konpromisoan berresten garela esan behar dizuet. Herria zuekin dago eta dagoeneko antolatzen hasi da. 

         Azken hausnarketa moduan esan nahiko nuke zuen aurka hartu duten erabaki hau zuek bezala pentsatzen duten gainontzeko kideak beldurtzeko saiakera bat gehiago besterik ez dela izan, gorrotoan oinarritutakoa gainera. Berdin zaie hauteskunde kanpaina erdian gertatzea, kontrakoa pentsatzen bagenuen ere, beraientzat hauteskundeak baino zerbait garrantzitsuagoa badagoelako, eta hori dena lotuta eta ondo lotuta uztea da. Muga guztiak gainditu dituzte, hainbesteraino asistentzia medikurik gabe ere utzi nahi izan zaituztela, hainbesteraino preso ohiak lanpostua galtzearekin mehatxatu dituztela, hainbesteraino iparra guztiz galdu dutela. Guretzat, ordea, zuek zarete iparra.

         Txikito, Jon Kepa eta Danitxu: har ezazue besarkada handi bat Euskal Herritik, milaka pertsona direlako zuek eredutzat hartzen zaituztenak. Eskerrik asko hiruroi!

Sendoa Jurado Garcia.
Amnistiaren aldeko militantea.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2025-04-02 | Ximun Fuchs
Nora (eta nola)

Antzokiko argiak piztu dira. Diskretuki, pasabideetan nabil: emanaldi eskolarra hastear dago. Gazteak korrika doaz beraien eserlekuetara, bizi-bizi eta alai. Ateraldiak askapenaren zaporea du, baina askatasun sentsazio hori gaztelaniaz edo frantsesez mintzo da. Goiz honetan,... [+]


Teknologia
Burokraziaz

Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.

Munduko... [+]


2025-04-02 | Ula Iruretagoiena
Lurraldea eta arkitektura
Hirigintza militarra

Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]


2025-04-02 | June Fernández
Meloi saltzailea
Zedarriak

Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]


Segurtasuna, etorkinak eta beldurra

Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.

Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]


2025-04-02 | Castillo Suárez
Erantzunak

Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]


Haurtzaroaren denbora

Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]


2025-04-02 | Cira Crespo
Espainiako bandera

Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]


Euskara: makila guztien zahagia

Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]


Badago lotura Euskal Yaren eta AHTren artean Nafarroan

Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]


Apirilak 6, justizia euskararentzat

Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]


Borrokak balio du: Israel Premier Tech, ez aurten, ez inoiz

Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]


2025-03-27 | Kontxita Beitia
Atzo bezain ozen! NATO pikutara soldaduskarik ez

Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]


2025-03-26 | Edu Zelaieta Anta
Bakardade tonifikatua

Zenbait estatistikak berretsi dute begiak hondar urteotan ikusten ari zirena: gimnasioak (eta estetika-zentroak eta nolako-edo-halako-terapia eskaintzen duten negozioak) nabarmen ugaldu dira gurean. EITBk plazaratutako datu bat emateko: EAEn 2010-2019 urteen bitartean, zazpi... [+]


Eguneraketa berriak daude