Mendigorriko bi eta hiru urteko seme-alabak dituzten 11 familiak berriro salatu dute 2020/2021 ikasturterako D ereduko matrikulak "linbo batean" geratu direla. Horren aurrean, Arartekoarengana jo dute, hark bideratu baitu demanda, eta Maria Txibite lehendakariarekin bilera eskatu dute.
Otsailaren 5ean emandako prentsaurrekoan salatu zutenez, Mendigorriko bi eta hiru urteko seme-alabak dituzten 11 familiaren aurrematrikulak "linbo batean" geratu dira. Aurrematrikula-epea amaitu eta hezkuntza-programan izena eman ondoren, oraindik ez dakite onartu diren ala ez. "Inor ez da gurekin harremanetan jarri", adierazi dute.
Joan den astean egoerari buruzko galdera parlamentarioa egin zuten, eta familiak ez dira pozik agertu Nafarroako exekutiboaren erantzunarekin. "Carlos Gimeno jaunaren erantzunak ez gaitu lasaitzen, ezta konbentzitzen ere, kontrakoa baizik".
Egoera horren aurrean, Arartekoarengana jo dute aste honetan bertan, eta, jakinarazi dutenez, 11 familia horien eskaria artatu eta bideratu dute. "Azken urteotan, Mendigorriko ikasleen ehuneko oso handi bat D ereduan matrikulatzen da; 0-3 urteko udal haur eskolaren kasuan, ehuneko hori %75 ingurukoa da, eta euskarazko irakaskuntza aukeratzen du. Horrek adierazten du, bereziki, ikastetxe publikoan eskatzen den ildoaren bideragarritasuna", dio gutunak. Eman zaien alternatiba, gaurdaino, Garesko eskola publikoa da.
Aldi berean, bilera bat eskatu dute Maria Txibite Nafarroako presidentearekin. "Txibite presidente andreari gurekin biltzeko deia egin nahi diogu, gure egoera bertatik bertara ezagut dezan eta guztion artean konponbide logikoena eta bidezkoena lor dezagun, Mendigorrian D ereduaren linea irekitzea baino ezin baita izan", esan dute.
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.
Erdialdeko Euskal Jaia larunbatean ospatuko da Tafallan egun osoko eta adin guztietarako egitarauarekin, euskarak eta bere kulturak Erriberriko merindadean daukan errotzea erakusteko helburuarekin.
Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak