Txertoan bakarrik oinarritutako COVID ziurtagiria jarriko du indarrean Frantziako Estatuak
Urtarril amaieratik goiti, Frantziako Estatuko lurralde administratibo osoan txertoa baino ez da ontzat emango COVID ziurtagiri gisa. Hala, aurrerantzean ez dute balioko testetako emaitza negatiboek leku publikotara sartzeko. Neurria hainbat lan-eremutara hedatzea ere aurreikusten omen du Frantziako Gobernuak.
Frantziako Gobernuko bozeramaile Jean Castexek joan den ostiralean adierazi zuenez, Covid ziurtagiria txertatuei soilik onartuko zaie urtarril amaieratik aurrera; hots, COVID-19a atzemateko testetako emaitza negatiboek ez dute balioko ziurtagiria eskuratzeko.
Neurria oraindik Frantziako Legebiltzarrean bozkatzekoa bada ere, Ministroen Kontseiluan baieztatua izan da jada, eta soilik argiztatzeko puntu batzuk izango lituzke; hala nola, zein lekutan jarriko litzatekeen indarrean. Hori dela eta, aurreikusten denez, leku publiko guztietan sartzeko izango da beharrezkoa txertatuta egotea; erran nahi baitu tabernetan, gune kulturaletan nahiz bestelako ekitaldi jendetsuetan. Oraindik ez dakite garraio publikorako ere eskatuko duten txertatuta egotea.
Horrez gain, neurria lan-mundura hedatzeko asmoa ere azaldu du Frantziako Gobernuak. Osasun-sektoreko langileek dagoeneko erakutsi beharra dute Covid ziurtagiria soldatapeko lanean, baina, neurri berriarekin, txertatuta daudela frogatu beharko dute. Covid ziurtagiririk erakutsi ez duten langileen soldatak izoztuak izan dira jada osasun-sektorean.
Txertoan oinarritutako ziurtagiria ez dela "lanbide guztietara hedatuko" esan du Castexek, baina ziurtagiri arrunta, orain artekoa, eremu gehiagotara zabaltzea jarri dute mahai gainean.
Bederatzi hilabeteko iraungipena izango dute Covid ziurtagiriek Europar Batasunean
Errefortzu dosirik hartzen ez bada, bederatzi hilabetean galduko dute balioa Covid ziurtagiriek. Hasiera batean, Europar Batasuneko estatu batetik bestera mugitu ahal izateko eskatuko dute dosi gehigarri horiek hartzea, baina baliteke irizpide berdina ezartzea beste eremu batzuetan ere.
Covid ziurtagiriaren balioa mugatzea erabaki zuen atzo, abenduaren 21ean, Europako Batzordeak. 2022ko otsailaren 1etik aurrera sartuko da indarrean neurri berria: bederatzi hilabeteko epean iraungiko dira ziurtagiriak. Bederatzi hilabete horien zenbaketa, hain zuzen, txertaketaren pauta osoa betetzen den egunetik hasten da. Behin ziurtagiria iraungitzean, berriz ere balioa izan dezan, txerto dosi gehigarriak hartu beharko dira.
Europako Batzordeak dio "errefortzu dosiak sustatzeko" hartu duela neurria, aurreneko txertaketa zikloa amaitu eta sei hilabetera dosi gehiago hartzea "gomendatzen" duelako Gaixotasunak Prebenitzeko eta Kontrolatzeko Europako Zentroak.
Europar Batasuneko estatu batetik bestera mugitzeko orduan, ziurtagiriari lotutako irizpide berdin eta "koordinatuak" izateko ezarri dute neurri berria; ustez. Bruselak, ordea, dagoeneko aitortu du harago joango dela ziurtagiriaren iraungitze-dataren ezarpena: mahai gainean dago, antza, ostalaritza-lokaletara sartzeko ere derrigorrezkoa izatea errefortzu dosiak jasotzea, ez soilik Europar Batasuneko estatu batetik bestera bidaiatzeko.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.