EAE eta Nafarroa txertoa jartzen motelenetakoak
Espainiako Gobernuak txertaketaz txostena eguneratu du eta bertako taulan ageri dira estatuko autonomia erkidego bakoitzak jaso dituen dosi kopurua eta orain arte jarri duena. Melilla eta Galizia dabiltza txertoa jartzen bizkorren, jasotako dosien %82,8 jarri ditu lehenak eta %81 bigarrenak. EAE eta Nafarroa motelenetakoak dira, atzetik Extremadura, Murcia, Baleak eta Madrid baino ez dituztela.
Nafarroan Pfizer txertoaren 11.850 dosi jaso dituzte Gobernutik eta hauetatik 5.468 zituzten jarriak urtarrilaren 10ean, hau da, jasotakoen %46,1.
EAEk Pfizerren 31.605 dosi jaso ditu Gobernutik eta hauetatik 13.103 jarriak zituen urtarrilaren 10ean, alegia, jasotakoen %41,5.
Txertoa jartzea borondatezkoa, eta mantso joango dena
Espainiako Osasun Sailak txertaketa estrategia argitaratua du. Bertan irakur daitekeenez, txertoa hartzea borondatezkoa da. Ezezkoa ematen ez dutenen berri Txertoaren erregistroan jasotzea "garrantzitsutzat hartzen da", Gobernuaren arabera, "gizarteko talde ezberdinetan ez hartzeko dauden arrazoiak ezagutzeko". Lehendik COVID-19a pasatu duten herritarrek ere txertoa hartzea gomendatzen du Gobernuaren estrategia honek, adieraziz oraindik ez dagoela argi norainoko immunitatea garatzen duen eta zenbat denboraz, gaitza pasatu duenak.
Negu honetan, zahar etxeetako egoiliar eta langileei eta lehen lerroko osasun langileei jarriko zaie txertoa. Espainiako Gobernuak txertoa hartzeko lehentasuna duten lau talde definitu ditu, eta jaso diren lehen dosiak zerrenda horretako 1. eta 2. taldeei emango dizkiete. Haiei jarri ostean, eta dosi gehiago iritsi ahala, lehentasunezko 3. eta 4. taldeei jarriko zaizkie. Hauek dira lau taldeak:
1. Zahar etxeetako egoiliarrak eta langileak.
2. COVIDaren lehen lerroko osasun langileak. COVIDaz kutsatutako gaixoekin lan egiten duten osasun langileak.
3. Beste osasun langileak, COVIDaz kutsatutakoekin lan egiten ez dutenak.
4. Dependentzia handiko zaharrak. Hauen zaintzaileek ere txertoa hartu ahalko dute, zahar hauek txertatzera eramaten dituzten bisita berean.
Gotzone Sagardui Osasun sailburuaren azalpenak bildu ditu Berriak eta informazio horren arabera, zahar etxeetako egoiliar eta langileak txertatzen otsaila bukaeran amaituko dutela espero dute, eta horren ondoren hasiko dira lehen lerroko osasun langileak txertatzen.
Ugo Mayorrek txertaketa azkarrago abiatu ez izana kritikatu du Berriako iritzi artikuluan: "Txertoak ailegatu bezain laster ipini ez izana ere oporretan egoteari egotzi zaio. Pandemia batean, birusak oporrak hartuko balitu bezala. Inoiz etenik ez duten oinarriko zerbitzurik ez balego bezala. Profesionalak izan, badira, baina lantaldeak antolatu behar dira. Ez da izango kudeatzaileak zeudela oporretan?".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]
Nafarroako Gobernuak bart gauerditik aurrera indargabetu ditu COVID-19aren aurkako neurri murriztaile gehienak. Kalean eta ikastetxeetako patioetan ez da derrigorrean maskararik erabili beharko, gaueko aisialdiak eta ostalaritzak pandemia aurreko ordutegiak berreskuratuko... [+]
"Osasun Sailaren immobilismoaren eta konponbide ezaren aurrean", otsailaren 25ean greba deitu dute lehen arretan ELA, SATSE, LAB, CCOO eta UGT sindikatuek eta otsailaren 28an Osakidetzako esparru guztietan. Horrez gain, otsailaren 26an manifestazioak egingo dituzte... [+]
Zizt! Hor dator berriz ere, bularraldean sentitu dut goizean goiz, arraroa da benetan ziztada hau.
Zizt! Jertsearen gainetik bihotzaldea igurtzi dut, emeki. Ea pasatzen den, esan dut baxu, inork ez entzuteko moduan. Gaur egun kontuz ibili behar da nork-zer entzungo duen... [+]
La Bogue da Frantziako Limousin (okzitanieraz Limosin) eskualdeko hedabide alternatiboa. Kolektibo autonomo batek kudeatua, boluntarioek egina eta militantea, bere burua kokatzen du mugimendu anti-autoritarioaren baitan. Bertan agerturiko artikulua itzuli dugu euskarara.
“Proba bat egin ostean, COVID-19an positibo eman dut. Ondo nago, sintoma arinekin. Hurrengo egunetarako aurreikusitako agenda publikoa atzeratu eta konfinamendutik lanean segituko dut”. Kendu agenda publikoaren zera hori erditik, eta edonorenak izan zitezkeen... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.
Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok... [+]