Argitaratu dituzte udaran zehar enpleguaren bilakaera aztertzeko balio duten datuetako batzuk. Betiko datuak, Kapitalak ezarritako sailkapenak jarraituz egiten diren argazkiak erakusten dizkigutenak. Eta ohiko argazkia erakutsi digute. Zaharrak berri hortaz. Hala bada ere, eta zorrotzagoak izango bagara, txarrak berri esango dugu.
Langabeziak gora egin du Araban, Bizkaian eta Gipuzkoan; ohikoa, uda sasoiko kontratuak bukatzen direlako. Baina industrian igo da gehien, eta hori ez da batere seinale ona. Eusko Jaurlaritzak berehala ukatu du joera baten aurrean gaudenik, baina gutxik ukatzen du energiaren prezioak industria kaltetuko duela.
Nafarroan langabeziak behera egin du, baina gizarte segurantzak afiliatuak galdu ditu, beraz kontratua duten langileen kopurua jaitsi egin da. Kontratazioari dagokionez, lautik hiru dira aldi baterakoak. Badago datu honetan hobekuntzarik ikusten duenik, baina ezin ahaztu Espainiako lan erreformak ekarritako muga jakinik gabeko kontratuak ez duela ez egonkortasuna ezta kalitatea ere bermatzen.
Non dago berria? Hauek direla lan erreforma horren ondorengo lehen datuak. Eta erakusten duten lan merkatu horretan egingo diogu aurre langileok gainera datorkigunari.
Ez dago beste lan erreforma baterako tarterik, aukera zegoen eta ez zuten egin. Kaleratzeak ez ziren garestitu, ez zen trabarik jarri. Errazak eta merkeak dira, bai indibidualak, baita kolektiboak ere. Ez zen langileen negoziazio ahalmena indartu. Ez zen urratsik egin lan legeria langileek behar dugun babes harresia izateko.
Oraingoan ere, harresirik badago, langileok eraikiko dugulako izango da. Galtza bete lan kurtso berrian, beraz.
Datorren astelehenean egingo dute espedientearen kontsulta epeko bigarren bilera.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
Langabeen artean, 2.302 pertsona gehiago erregistratu dituzte urtarrilean Hego Euskal Herrian, eta horietatik 2.173 emakumeak dira, Espainiako Lan Ministerioak emandako datuen arabera.
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.