Txapela buruan
Iazko udan ere Alacant aldera hurbildu ginen eguraldi hobea aurkitu nahian eta, urtero bezala, egun batez, Benidorm erraldoian sartu ginen hango giroan murgildu, zerbait hartu eta seme-alabekin izozki edo gofre bat dastatzeko asmoz.
Hiri bitxia da, denetarik aurki dezakezu bertan, denetariko jendea. Tartean euskaldun asko. Bertoko taberna bateko mahai batean eseri eta alde batetik bestera doan jende andana behatzen orduak eman ditzakezu.
Aurten, eztabaidagaia eta arreta eman diguna umeen futbol taldeen kamisetak izan dira.
Ume, nerabe eta aita askoren janzkera, udan batez ere: txankletak (galtzetin zuriekin nerabeek, ez dut moda hau ulertzen) edo zapatilak, praka laburra eta, nola ez, futbol talderen baten kamiseta.
Mundu osoko taldeen kamisetak ikus daitezke Benidormen. Azal zurbil eta ile ia zuriko umeen Suedia, Norvegia, Danimarka eta Finlandiako taldeen kolore bizidunekoak eta, nik bederen, ezagutzen ez ditudanak, Erresuma Batuko ume asko beraien Celtics, Manchester edo Tottenhamen elastikoekin, Alemaniakoak, Frantziakoak, Italiakoak, Espainiakoak… Eta, tartean, nola ez, Hego Euskal Herriko ume asko beraien Athletic, Reala, Alaves, Osasuna edo Eibarrenekin.
Zergatik eramaten dituzte Euskal Herriko umeek beraien izenak futbol kamisetetan eta Europako beste lurraldetakoek jokalarienak? Horixe geure gau bero hartako eztabaidagaia
Hondartzako pasabidean, taberna bateko mahaian eserita, lau familia genituen inguruan. Alboko mahaian hiru gizon alemaniar, litroko garagardo pitxerrak eskuan, eta lau ume: Kimmich, Kobel, Messi eta Musiala izenekoak. Atzean zarata gehiegi ateratzen zuen Andaluziako bikote bat beren bi semeekin, euren izenak: Mbappé eta Vini jr. Bi mahai haratago Ingalaterra inguruko amama, zigarro bat bestearen atzetik etengabe erretzen, hamar urte inguruko neskatoa, Kane, eta apur bat gazteagoa zirudien mutikoa, Watkins. Eta, aurrez aurre, euskaraz ari ziren Gernika inguruko bi bikote adin bertsuko lau neska-mutilekin: June, Iker, Irati eta Egoitz. Aupa zuek!
Zergatik eramaten dituzte Euskal Herriko umeek beraien izenak kamisetetan eta Europako beste lurraldetakoek jokalarienak? Horixe geure gau bero hartako eztabaidagaia.
Harrotasun puntu bat ematen zigun, ez dut ukatuko, are handiagoa, beharbada, sorlekutik urrun egonda. Iritzi desberdin asko entzun eta eman genituen, batzuk ezin dira hemen idatzi, baina han geundenok, arrazoi horietako batean gutxienez, ados geunden: Euskal Herriko biztanleok nortasun berezia dugu, umetatik gara ezberdinak, kasu honetan hobeak zalantzarik gabe, eta geure futbol taldeen, guztien, filosofia nortasun horren ildotik dator.
Jabi Elorza Antia
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]