Gure auzoa ez da berria, eta modaz pasatutako koloreak dauzka. Eraikinen artean, babesleku moduko batzuk egiten dira, eta arratsalde euritsuetan beltzez jantzitako gaztetxo kuadrillak han aterpetzen dira. Beste aterpe baten azpian albaitari etxe bat dago, eta maiz ikusten dut jendea bere animaliak eramaten: kaiolak, maskota garratzaileak, katuak, txakurrak, untxiak, txoriak....
Han ikusi nuen eszena. Umeak eskolan uztetik nentorrela, gizon bat eta emakume bat albaitariaren kontsultan sartzen ari ziren. Gizona ez zen oso altua, gizon xume bat, nahiko gaztea, eta ile beltzekoa. Besotan txakur bat zeraman, txakur handi bat. Emakumea gizonaren ondoan zegoen, laguntzeko prest.
Hurbiltzen ari nintzela, beste leku batetik entzun nituen negarrak. Bi emakume zeuden, distantziatik negarrez, eszenari begira, geldi, itxaroten. Orduan, berriro begiratu nuen txakurra. Izara batean estalita zeramaten.
–Gaixorik egongo da...– pentsatu nuen.
Baina ez, noski. Hurbildu ahala, puzzle txiki horretako piezak lotu nituen. Hobeto begiratu nuen txakurra, eta konturatu nintzen haren hankak bakarrik ikusten zirela. Burua ere estalita zeukan. Orduan ohartu nintzen txakurra hilda zegoela. Hilda eramaten zuen gizonak besotan. Hilda zegoen txakur batekin sartu ziren albaitariaren kontsultan.
"Pentsatu dut horrelakoak garela gizakiak, besteengatik pena sentitzeko gai, besteengatik arduratzeko gai. Gizatasunaren indargune, eta ahulgune hori"
Orduan, nik ere negar egin nuen, pixka bat bakarrik, malko batzuk bakarrik, nahi gabe, konturatu gabe. Pena sentitu nuen, bat-batean, asko pentsatu gabe, txakur handi horrengatik, eta jende horrek guztiak sentitu behar zuen penagatik, hurrengo egunetan sentitu behar zuen hutsunegatik; bere txakur handi, betegarri ?agian, alai? eta lagungarriagatik.
Gero pentsatu dut horrelakoak garela gizakiak, besteengatik pena sentitzeko gai, besteengatik arduratzeko gai. Gizatasunaren indargune, eta ahulgune hori.
Adibidez:
Emakumeak eguzkitan jarri du landarea. Bere ustez gaizki baitzegoen orain arte zegoen lekuan. "Argia behar du", pentsatu du.
Oparitu zidan orkidea txiki eta more hark ezin izan dio udari eutsi. Bere loreontzi txikitik atera behar izan dut, eta zakarrontzia bota. Botatzerakoan, bere sustrai lirain eta ahulak ikusi ditut, guztiz lehortuta, eta pena sentitu dut, eta negar egiteko gogo pixka bat ere bai.
Txoria espaloian zegoen. Ezin zuen hegan egin, eta gizonak, kontu handiz hartu egin du. Kutxa batean jarri du, eta ur pixka bat eman dio. Bost minutu barru, jada ez zegoen kutxan. Hegan eginez joango zen. Hau poza.
Barraskiloa lasai ari da karretera zeharkatzen. Astiro doa, baina badoa. Umeak kontu handiz hartu du, eta ertzetan dauden belarretan utzi du. Badaezpada.
"Ireki leihoa, ama, erlastar hori atera dadin", esan didate alabek. Eta atera egin da.
Eta abar.
Larunbatean aldundian egindako ekitaldian Azconaren biloba María Jesús Fuertesek jaso ditu gorpuzkiak, bere seme-alabekin batera. Ekitaldian gogorarazi dute 1936-1945 urteen artean 376 pertsona exekutatu zituztela, horietatik 299 epaiketarik gabe.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.
2023ko irailean, jatorri senegaldarreko hiru pertsonari Gasteizko gaueko aisialdirako lokal batera sarrera ukatu zieten. Diskriminazioa jasan zutenak eta lokaleko jabea Arartekoaren egoitzan bildu dira, eta akordio batera iritsi dira.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Igandera arte luzatuko dira Gasteizko Alde Zaharreko jaiak, auzo harrotasuna, autogestioa eta parte hartzea ardatz. Aurtengoa 16. edizioa dute, eta 80 jardueratik gora antolatu dituzte auzoko herri mugimenduek, elkarteek, bizilagunek, edo komertzio eta tabernek.
Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Gasteizen, Espainiako Estatuaren mendeko beste hiri batzuetan bezala, bazen juderia bat, kale/auzo bat, non judutarrak bizi ziren. Kale hori Alde Zaharrean dago, Barruko kale berria du izena, jende gehienak gaztelaniazko izena erabiltzen duen arren Nueva dentro.
Orduko... [+]
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).