Tuterako Udalaren traben gainetik, zonifikazioaren aurkako eguna egingo dute larunbatean
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko dituzte manifestazioan, Zonifikazioari hordago. ¡Que viva el euskera de Cortes a Bera! lelopean.
Larunbata izango da Nafarroa hegoaldeko eta erdialdeko euskaltzaleak batzeko eguna, eta denen artean zonifikazioari aurre egiteko hainbat ekintza antolatu dituzte. Errigorak goizean auzolana prestatu du Ablitasen, urtero bezala, nafar ekoizleen uztarekin betetako saskiak osatzeko. Arratsaldean, berriz, Tuteran izango dute hitzordua, Hordago herri ekimenak manifestazioa antolatu baitu zonifikazioa ezabatzea eta nafarren eskubideak exijitzea xede. Norbanakoez gain, manifestazioarekin bat egin dute hainbat eragile, talde politiko eta sindikatuk.
Jarraian elektrotxaranga eta Deskontrolen kontzertua iragarri zituen Agerraldiak, baina ostegunean jakinarazi dute Tuterako Udalaren oztopoekin ez dagoela baldintzarik “kontzertu jendetsu, alai eta partehartzailea egiteko”. Hiru ekimenek Euskalgintzaren Kontseiluarekin eta Hizkuntz Eskubideen Behatokiarekin batera eman dute prentsaurrekoa, eta salatu dute ez direla bakarrak udalaren trabak jasan dituztenak kultur ekitaldiak antolatzeko. Zehaztu dute maiatzetik daramatela baimenak eskuratzeko prozesu luzean, baina udalak oztopoak besterik ez dituela ipini.
“Minduta bai baina ez diogu hau penatuta. Izan ere, udaberrian, baldintza egokiak ziurtatuta, egin egingo dugu kontzertua. Tutera eta Erriberako euskaltzaleok nahi dugulako eta beharrezko jotzen dugulako. Jendetsua, alaia eta partehartzailea izango da; euskaltzaleon ekimenez plazaratua eta euskararekiko fobiarik ez duten guztiei irekia”, azpimarratu dute antolatzaileek.
Eragileek azpimarratu dute "bat egiteko garaia" dela: "Bada garaia Nafarroa hegoalde eta erdialdeko sektore zabalak euskararekin berradiskidetzeko eta euskararentzat aldekotasun berriak biltzeko". Zonifikazioari hordagoa botako diote, euskaldunek ez ezik euskararen aldeko jarrera duen herritar orok; Hordagok ekimen zabala izatea du helburu, herritarren eskubideak defendatzeko asmoz. Horregatik, leloa ere nafar hegoaldeko eta erdialdeko pertsona guztiei zuzenduta dago: ¡Que viva el euskera de Cortes a Bera! ozen aldarrikatuko dute Tuteran.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]
Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren... [+]
Herriko udalak berak eskatuta, Geroa Baik, EH Bilduk, Podemosek eta Izquierda-Ezkerrak zonifikazioaren legea eraldatzea proposatu dute Nafarroako Legebiltzarrean. María Chivite eta Javier Esparzaren alderdiek aurka bozkatuko dutela aurreratu zuten, erabakia irmoa ez den... [+]
Eremu “ez euskaldunetik” mistora pasatzea eskatu du Mañeruko udalbatzak eta Nafarroako Parlamentuak eskaera onartu dezan PSN edo Navarra Sumaren aldeko botoak beharko dira –gainerako alderdiek alde bozkatuko dute–, baina horretarako borondaterik ez... [+]
Mañeruko bizilagunen nahiarekin bat egin zuen aho batez udalbatzak apirilean: eremu "ez euskaldunetik" mistora pasatzea. Eskaera onartu ala ez hilabete honetan bozkatuko du Nafarroako Parlamentuak, eta PSNren botoak erabakigarriak izango dira.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
12 familiak eskatu dute euskarazko D eredua Larragako San Miguel eskola publikoan, baina Hezkuntza Departamentuaren erantzunik ez dute jaso eta Mendigorriako eskolarekin gertatu zen moduan, errezeloa dute D ereduko eskaintza ez dela garaiz iritsiko aurrematrikulazio garairako... [+]