Tuterako Osborne zezena bota dute Ernaiko kideek, Espainiatik “badoazela” aldarrikatzeko
Nafarroa Garaian geratzen zen azken Osborne zezena, Tuterakoa, “indarkeriaren bidez” eraikitako “estatu-aparatu” guztiak ere erortze bidean daudenaren isla dela azaldu du Ernaik.
Duela egun batzuk eraitsi zuten, “nazkatuta” daudelako Euskal Herriko paisaietan “inposatutako” sinbolo espainiarrak ikusteaz eta “indar okupatzaileen jazarpena pairatzeaz”.
Urriak 12, Hispanitatearen egunaren testuinguruan egin dute ekintza. Adierazi dute egun horretan ez dutela ezer ospatzeko: “Mila aurpegi ditu urte eta mendeetan zehar espainiar estatuaren aldetik herritarrok jasan dugun inposaketak. Eta, hala ere, ez dute lortu segundu erdi batez ere espainiar sentitzerik”.
“Betidanik errepresioarekin lotuta egon den nazioaren izaera ospatzen dute urriaren 12an gure herri eta errepideak okupatzen dituzten indar armatuek”, azaldu dute Guardia Zibilari erreferentzia eginez. “Eraldaketa eta askatasunaren alde egiten duen mugimendu ororekin bukatzeko sortua izan zen tresna da”.
Gogorarazi dute “indar okupatzaileek” Euskal Herrian duten jarduna espainiar eta frantziar gobernuek “gatazka iraunarazteko” eta konponbidearen bidean “urratsik ez emateko” daukaten “hautu sendoaren erakusle” dela.
“Inposaketa” testuinguru horretan, Espainiatik “joateko” erabakia hartu dute: “Herri berri bat eraikitzera goaz, eta bertan ez dago zuentzako lekurik”. “Denok norabide berean bultza eginez gero, inposaketa guztiekin amaituko dugu”, gaineratu dute.
[Albiste honen jatorrizko bertsioa Topatu.info webguneak argitaratu du eta webgune horretako lizentzia libreari esker ekarri dugu ARGIAra]
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.
Sakea egin zuen Olaia Inziartek ostegun iluntzean Elorrioko Gazte Topagunean. Oronozkoak izan zuen antolatutako kontzertuen karpa txikia irekitzeko ardura. Eta are, txiki geratu zen Ezker Pareta abeslariaren harridurarako. Orduek aurrera egin ahala, baina, indarrak gordetzea... [+]
Martxoaren 2an hamarkada bete du Ernai gazte antolakundeak. 2013an abiatu zuen ezker abertzaleko gazte antolakunde berria, Lizarran, errepresio eta ilegalizazio arotik zetorren belaunaldiak. Egun, ez dago sorrerako inor Ernairen gidaritzan, eta testuinguru politikoak zein... [+]
Gaur errazagoa omen da munduaren amaiera irudikatzea patriarkatuaren eta kapitalismoaren amaiera imajinatzea baino. Hori irakurri nien, beste gauza askoren artean, Eraitz Saezi eta Lur Albizuri Gureak ere badira, desira, boterea, epika liburuan, eta egia da. Espektatiben krisi... [+]
Ostegunean Ernai Gazte Antolakundearen urteurren borobila da. Duela hamar urte, 2013an, Lizarran aurkeztu zen. Egunean zehar ekimenak eginen dira hainbat herrietan. Iruñean, egitarau berezia antolatu dute.