Turkian eraikitzen ari diren zentral nuklearraren segurtasuna zalantzan jarri dute lurrikarek
Ez da oraindik aktibitatean Akkuyu-ko zentral nuklearra eta udazkenerako nahi dituzte bukatu obrak. "Bihar beste lurrikara bat gertatuko balitz eta erreaktoreak erregaiz beteak balira, orduan, ikaragarrizko katastrofea izanen genuke", azaldu du zentralari buruzko txostenaren oinarrian dagoen Pinar Demircan ekologistak. Gobernuak dio "leku seguruan" eraikitzen dabiltzala, baina aurkakoek kontrakoa frogaturik dute.
Bi seismo bortitzek Ekialde Hurbila gogor astindurik, jadanik presente zuten kezka areagotu zaie azken egunetan: Turkiaren hegoaldean kokaturiko Akkuyu-ko zentral nuklearrean gertatu daitekeen istripua. Otsailaren 6ko lurrikararen epizentrotik 420 kilometrotara da zentrala. Hala eta guztiz ere, "inolako kalterik ez da egon” zentralaren jabea den Rosatom enpresako Anastasia Zoteevaren hitzetan.
2015eko apirilean abiatu zituen obrak Rosatom Errusiako enpresa publikoak, VVER-1200 kategoriako lau erreaktore eraikitzeko kontratua izenpeturik. Eraikuntzan atzerapenak gertaturik, ez dago oraingoz erregairik bertan eta seguruenik eskerrak, 7,8 magnitudeko lurrikarak eta sei gradutik gorako hamarnaka erreplikek ondorioak ukanen zituelako ekoizpenean.
Gobernuaren bertsioa gezurtaturik
Akkuyu zentral nuklearra Turkiako leku "seguruenean" kokatua dela dio Eraikuntza ministeritzak –hemen gobernuak oinarrian daukan mapa–. Alta, aurkako ahotsak biderkatu egin dira Turkiako eta Errusiako Gobernuek kontratua 2011n izenpetu zutenetik. "Akkuyu Ecemis faila aktibotik 25 bat kilometrora dago, eta horrez hain, Zipre eta Akkuyu lotzen dituen itsaspeko faila sismikoan ere badago. Faila-lerro 'itsuak' ere kontatu ditugu bertan", dio zentral horri buruzko txosten baten oinarrian dagoen Pinar Demircan ekologistak –Nukleersiz.org ekimenaren koordinatzailea ere da–. Argi dauka: "Bihar beste lurrikara bat gertatuko balitz eta erreaktoreak erregaiz beteak balira, orduan, ikaragarrizko katastrofea izanen genuke".
Mehatxu meteorologikoez gain, jadanik kezka iturri izandakoa da gunea, besteak beste 2018an arrakalak agerturik erreaktoreetariko batean, eta 2021ean leherketa eta sute bat abiaturik transformadore batean.
Errusiaren eskuetan
"Build-own-operate" gisako kontratuak bideratzen ditu enpresa errusiarrak –"eraikuntza-jabetza-esplotazioa", hots, hastetik buru Errusiak du kontrola; eta kasu honetan Turkiak, berriz, eskumen gutxi, planoak, programak, teknologiak, langileak zein ingeniariak errusiarrak direlako–.
Gainera, bi gobernuek izenpeturiko hitzarmenari segi, zentralak ekoizturiko elektrizitatearen erdia erosi beharko dio hamabost urtez Turkiak Errusiari. Özgür Gürbüz kazetariaren kalkuluen arabera, 2.000 milioi dolar inguru urtero.
16.000 lagun baino gehiago hil eta milaka zauritu dira Turkian, Sirian eta Kurdistanen, eta etenik gabe gora doa hildakoen zifra: Osasunaren Mundu Erakundeak adierazi du hildakoak 20.000ra iritsi daitezkeela hurrengo egunetan.
1979an istripu nuklear larria gertatu zen Pennsylvaniako (AEB) Three Mile Island zentral nuklearreko unitateetako batean. Bestea, 2019an itxi zutena, berriz jarriko dute martxan, Microsoften adimen artifizialaren energia behar handiak asetzeko.
Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]
Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]
Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]
Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.
Niamey-en eman zuten estatu kolpea, aurreko asteazkenean. Abdourrahmane Tchiani jenerala da kolpea jo duen militar taldearen burua, eta Afrika Mendebaldeko Estatuen Ekonomia Erkidegoak (CEDEAO) aste bat eman diete presidente ohia berriro ezartzeko, eta bestela... [+]
Ekosistema artikoak bereziki hauskorrak dira, bertako tenperatura apalengatik izaki guzien hazkuntza mantsoa baita, eta nahasmendu baten ondotik berrosatzeko denbora luzea behar baita. Halere, ekosistema artikoak bihurtu dira XX. mendeko hainbat jarduera industrialen zabortegi,... [+]
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Frantzia ekialdeko Bugey eta Saint-Alban herrietako zentralen elektrizitate ekoizpena murriztu dute, aktibitateak ondorioztatu uren tenperaturen emendioak ekosisteman eragin kalteak saihesteko. Eguraldiari dagokionez, tenperatura altuak aurreikusten dituztenez, erabakia hartu... [+]
