Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko abenduaren 04an
“Turistifikazioaren aurkako urria” antolatu dute, Donostiarentzat desazkunde turistikoa aldarrikatzeko
Urrian turismoaren inguruko bi biltzar egingo dituzte Gipuzkoako hiriburuan, Bizilagunekin plataformak antolatuta. Salatu du azken urteetan Donostia "turismoaren bidez negozioak egiteko gune gisa" nabarmendu dela estatuan eta nazioartean.
Urriaren 22an manifestazioa egingo dute Donostiako Alderdi Ederretik. (Argazkia: Dani Blanco / ARGIA)
"Turistifikazioaren aurkako urria" antolatu du Bizilagunekin desazkunde turistikoaren aldeko donostiarren plataformak. Hilabete osoko egitaraua antolatu dute, turistifikatzaileen ekintzei aurre egiteko. Izan ere, datorren hilean bi biltzar egingo dituzte Donostian: urriaren 5etik aurrera Turismo Gastronomikoaren Mundu Foroa eta urriaren 23tik aurrera Turespaña Konbentzioa.
Plataformak adierazi du ez dela "kasualitatea" bi ekitaldi horiek Donostian egitea, azken urteetan "turismoaren bidez negozioak egiteko gune gisa" nabarmendu delako estatuan eta nazioartean.
Irailaren 27an eman dute urriko asmoen berri, hain justu, Turismoaren Nazioarteko egunean. Egun horretan Turismoaren Kolapsoaren Eguna aldarrikatu nahi izan dute SET sareko kideek. Europa Hegoaldean turistifikatuta dauden hirien sarea da SET, eta salatu du hiri horietan "berebiziko kalteak" eragiten ari direla "gutxi batzuen epe motzeko etekin gosea asetzeko". Kalte horien adibidetzat jo dituzte besteak beste, ingurumena kaltetzea, langileen bizi baldintzak okertzea eta ondare kulturala galtzea.
Desakazkunde turistikoaren aldeko aldarria
Donostia jasaten ari den "turistifikazio bortitzaren" aurrean Bizilagunekin-ek premiazkotzat jo du "desazkunde turistikoa". Horretarako hartu beharreko neurriak zehaztu ditu, besteak beste, promozio turistikoa zerora murriztea, etxebizitzaren alokairuen prezioak mugatzea, pisu turistiko eta hotel gehiago ez irekitzea eta ondare kultural eta arkitektonikoaren babeserako neurriak indartzea.
Salatu du erakunde publikoak "turismoaren negozioarekin aberasten direnen esanetara" daudela, eta neurriak hartzen diren itxura egiten ari badira ere, ez dela "sinesgarria". "Pisu turistikoen eta hotelen irekiera erregulatu dute, gehiago ireki daitezen ateak zabalik utzita. Tasa turistikoaren inguruan bueltaka jarraitzen dute, ezkutatuta zertarako baliatu nahi duten bildutako dirua eta aitortu gabe ez lukeela turisten etorrera gutxituko".
Plataformak iragarri du "hausnarketaz, ekintzaz, topaketarako aukerez eta aldarrikapenez" beteko dutela urria. Besteak beste, urriaren 22an manifestazioa egingo dute.
Irakurrienak
Matomo erabiliz
#1
Mikel Garcia Idiakez
#4
Gorka Peñagarikano Goikoetxea
#5
Lander Arbelaitz Mitxelena
#6
Gorka Bereziartua
Kanal honetatik interesatuko zaizu: Turismo masiboa
2024-11-14
Urko Apaolaza Avila
Pisu turistikoentzako baimenak urtebetez eten ditu Bilbok
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mila lagunetik gora mobilizatu dira turistifikazioaren eraginen aurka
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
2024-10-22
Leire Ibar
Milaka pertsona mobilizatu dira Kanarietako turismo masiboa salatzeko
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
2024-09-11
Nagore Irazustabarrena Uranga
Turismoa vs. geoglifoak
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
2024-09-09
ARGIA
Iruñeko Alde Zaharrean etxe turistikoei lizentzia gehiago ez ematea erabaki du Udalak
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Herrialde Katalanetako herririk turistikoenak, eskuin muturraren bozen biltoki
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
2024-07-17
Ula Iruretagoiena
Lurraldea eta arkitektura
Hemengoa
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
2024-07-03
Ula Iruretagoiena
Lurraldea eta arkitektura
Txibato
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
2024-06-25
Zigor Olabarria Oleaga
Zaharraz Harro! jaiak
Beren atarietan etxebizitza turistikoak debekatu dituzten auzokideak omendu dituzte Gasteizko Alde Zaharrean
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
2024-06-25
Mikel Garcia Idiakez
Turista taldeak 25 pertsonara mugatu nahi dituzte Hondarribian ere
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Hiri eredu bizigarri baten aldeko manifestazioa egin dute ehunka lagunek Donostian
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Eguneraketa berriak daude