"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako hiri-eredua gainezka egiten ari da".
Donostian, joan den apiriletik 25 lagunetara murriztu dute turista taldeetako gehienezko pertsona kopurua, eta bide bera jarraitu nahi dute orain Hondarribian. Ostegunean aurkeztuko dute horretarako mozioa. Kostaldeko herria “eskaparate polit gisa, kanpokoentzat produktu polit gisa saltzen den heinean, herritarren bizikidetza ezbaian” jarri dela salatu du Abotsanitzek, eta bizi kalitate duina eta atsegina oinarri duen hiri-eredua dutela helburu.
“Azken asteetan, nagusiki Alde Zaharra eta Portua auzoetan ikusi ditugu berrogeitik gorako turista-taldeak, noraezean egongo balira bezala”. Horren ondorioz, masifikazioak kaletik ibiltzea oztopatzen duela eta bizilagunek portalera sartzeko ere zailtasunak dituztela kritikatu du alderdiak.
Donostian turista taldeak 25era mugatu zituztenetik, talde handiek jomuga aldatu behar izan dutela “eta horietako askok, tamalez, begirada gure herrian” jarri dutela gaineratu du Hondarribiko alderdi nagusiak, eta horregatik, espazio publikoaren ordenantza sortu eta Hondarribian ere muga bera ezartzea proposatu du.
Souvenir dendak eta ingelesezko menuak
Hain justu, Josu Peña alkateordea Espainiako telebista kate batean agertu da berriki, gaiaz hizketan. Alde zaharra, lehen tabernak eta kofradiak zituena, jendez betetako kale komertzial bilakatu dela adierazi du, souvenir dendez eta ingelesezko menuz josia. Etxebizitzaren prezioa izugarri igo dela ere salatu du. "Hondarribia beti izan da herri turistikoa, baina azken bi urteetan asko masifikatu da, batez ere asteburuetan, herria bete eta kolapsatu egiten da", dio elkarrizketan.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.
Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.
Urrian turismoaren inguruko bi biltzar egingo dituzte Gipuzkoako hiriburuan, Bizilagunekin plataformak antolatuta. Salatu du azken urteetan Donostia "turismoaren bidez negozioak egiteko gune gisa" nabarmendu dela estatuan eta nazioartean.
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Venezia babesteko Italiak hartu dituen neurriak “ez direla nahikoak” eta “handitu behar direla” adierazi du Unescok. Masen turismoa, erreforma proiektuak eta aldaketa klimatikoak jarri dituzte arrisku nagusi gisa.
Veneziara itsasotik iritsi behar dela esan didate, gainontzeko irisbideak asebeterik daudelako. Maider Lopez artistak mendialdean egindako auto ilaren kolapso-irudia datorkit burura hau entzutean. Baita Venezia eusten duen lurrak jendez gainezka egotearekin hiria hondoratzen... [+]
Hainbat udal gobernu eta erakunde "ari dira etxebizitza turistikoei balazta jarri nahian" elkartearen ustez, baina aldiz, Gasteizko Udalak "jarrera anbiguoa" duela azpimarratu du ARGIAk publiko egindako informazioa aintzat hartuta.