Turismoak beroketa globala bultzatzen duela azpimarratu du ikerketa batek
Berotegi efektua eragiten duen gas-igorpen globalaren %8 turismoari dagokiola azpimarratu du garraioa, janaria, ostatua eta bidaiarien erosketak kontutan hartu dituen ikerketa batek, Le Monde Diplomatique-k jaso duenaren arabera.
Australia, Txina eta Indonesiako zenbait ikerlarik astelehenean Nature Climate Change aldizkarian argitaratutako ikerketa batek jakinarazi duenez, turismo globalak eragiten duen “karbono arrastoa” kontuan hartzekoa da. Ikerlariok aztertutakoari jarraiki, turismoa da berotegi efektua eragiten duen gas-igorpen totalaren %8 ingururen arduraduna, aurreko kalkuluak baino hiru aldiz handiagoa den ehunekoa izanik.
Jasotako emaitzak lortzeko ikerketa honek izan duen originaltasuna, ikuspuntuari dagokionez, hurrengoa izan da: garraioarekin zuzenki lotutako igorpenak (hegazkinek darabilten kerosenoa edota autoen gasolina edo diesela) bakarrik ez, bidaiariek kontsumitutako ondasun eta zerbitzuekin lotura dutenak (catering-ak, hotelak edo erosketa askotarikoak kasu) ere aztertu dituzte. Ikuspegi hau kontuan hartuta ehun eta hirurogei herrialderen artean 2009-2013 epe-tartean emandako fluxu turistikoaren gaineko datuak bildu dituzte ikerketa honetan Menfred Lenzen (Sidney-ko Unibertsitatea, Australia) eta ikerketan berarekin aritu diren lagunek. Hauen arabera, sektore turistikoari dagozkion gas-igorpenak igo egin dira, 2009ko CO2aren baliokide ziren 3.900 milioi tonatik 2013ko 4.500 milioi tonara.
Nazioarteko bidaiak baino karbono igorpen iturri handiagoak dira herrialdeen baitan egiten diren bidaia eta egonaldiak, ikerketaren arabera. AEB dago gas-igorpenen zerrendan lehenengo postuan, “turismo igorpen” izendaturikoen laurdenaren arduraduna baita. Hauen atzetik doaz lehenengo 10 herrialdeen zerrendan Txina, Alemania, India, Mexiko, Brasil, Kanada, Japonia, Errusia eta Erresuma Batua. Ikerketaren autoreek uhartetar estatuen egoeraren gainean arreta jartzera dei egiten dute, Maldivak, Seychelleak, Maurizio eta Zipre helmuga exotiko ezagunak izanik CO2 igorpen nazionalen %30etik %80ra artean sortzen baitu masa-turismoak.
Ikertzaileen arabera, turismoaren sektorean karbono arrastoa murrizteko xedez orain arte egindako ahaleginak ez dira nahikoak izan kurba leheneratzeko. Epe ertainera gainera, garapen bidean dauden herrialdeen bizi-maila hobetzeak eragiten duen mundu mailako turismoaren etengabeko hazkundea dela medio, badirudi ingurumen-inpaktua larriagotu egingo dela. Egoera hau izanik, irtenbide bakarra karbonoari bidaiaren kostua handiagotzen duen zerga inplementatzea litzatekeela diote ikerlariek.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
.jpg)
Barakaldoko Udalak 11.800 euroko isuna ordaintzea eta gauez hiru hilabetez ixtea exijitu dio Bizkaiko enpresari. Abuztuaren amaieratik txistu etengabe, desatsegin eta jasangaitza igortzen du inguru zabalean entzuten dena.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
“Mikroplastiko” hitza lehenengoz erabili zenetik 20 urte bete diren honetan, ikertzaile-talde batek urte hauetan ikasitakoa errepasatu dute, Science aldizkarian argitaratu duten lan batean. Eta ondorio garbiak atera dituzte: ingurune natural guztietan oso hedatuta... [+]