Tubacexeko zuzendaritzak, ELAk, CCOOk eta Independenteek dokumentazioa aurkeztu dute epaitegian akordioa homologatzeko
Prozesua atzerapenarekin egiten ari da bere ibilbidea. Zenbait oztopo topatu ostean -besteak beste, STATen ezezkoa akordioari oniritzia emateko-, dokumentazioa aurkeztu dute ados jarri ziren aldeek.
Tubacex enpresako grebari urriaren 4an amaiera eman zion akordioa gauzatzeko urrats garrantzitsua egin dute ostegunean, bereziki, kaleratutako langileak berriro itzuli, irteera boluntarioak onartu eta aurretik erretiratu nahi diren beharginen borondateari bide emateko.
Horretarako, ELA, CCOO eta Independenteak sindikatuek, enpresako zuzendaritzarekin batera, hainbat dokumentazio prestatu eta aurkeztu dute EAEko Justizia Auzitegi Nagusian.
Zerbitzu juridikoen B plana, STATen ezezkoaren ondoren
Hala ere, tramitazioa uste baino gehiago luzatzen ari da. Urriaren hasieran adostu zuten hiru sindikatuek eta zuzendaritzak greba amaitzea, baina akordioa ez zuten berretsi ez STAT ez LAB sindikatuen afiliazioek. Epaileek sindikatu guztien adostasuna exijitu dute.
Gauzak horrela, epaileek ez dute automatikoki onartu kaleratuen onarpena, baja boluntarioak eta aurre-erretiroak, bi arrazoi direla medio. Alde batetik, enplegua erregulatzeko espedientea bertan behera utzi zutelako uztailean eta, bestetik, sindikatu guztiek ez zutelako akordioa sinatu.
Egoera horrek langile inplikatuak kaltetzeko arriskua ekarri du -besteak beste, esparru fiskalean- eta bestelako bideak topatzen saiatu dira zerbitzu juridikoak.
Zentzu horretan, LABek adierazi zuen prest egongo zela sinatzeko eta babesteko, akordioari dagokionez, kaleratuen itzulera eta aurretik erretiratu nahi diren eta boluntarioki joan nahi direnen irteera. Hori bai, hori bakarrik babestuko luke sindikatu abertzaleak, akordioak jasotzen dituen gainerako puntuekin ez baitaude ados. "Ez dugu bat egiten postu aldeketekin eta lanaldia luzatzearekin, besteak beste, eta lan hitzarmena ez betetzea ekarriko duten bestelako puntuak ere ez ditugu onartuko", adierazi du Sergio Zaballa zentral abertzalearen ordezkariak.
STATen ezezko borobila
LABen baiezko mugatuarekin, orain gauzatu duten izapidea, bereziki, STATen ezekoak behartua izan da. Sindikatu horrek eutsi dio bere afiliatuek akordioari buruz adierazitako iritziari (ezezkoa bozkatu zuten) eta, ondorioz, ezinezkoa izan da hori homologatzea. STATen erabakiak zenbait sindikaturen gaitzespena ekarri du, CCOOrena, esaterako.
Tentsioa
Azken asteotan tentsio puntua sortu du prozesuak sindikatuen artean, bereziki zenbait komunikabidek plazaratu zutelako akordioa apurtuta zegoela, nahiz eta egia ez izan.
Ezinegona eragin duen beste auzia izan da enpresak mehatxua egin zuela berriro, akordioa homologatu ezean Madrilgo Auzitegi Gorenean jarritako helegiteak ez zituela erretiratuko aipatuta.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.