Tubacexek atea itxi dio berriro lan gatazkaren konponbideari
Akordiorik gabe bukatu da enplegua aldi baterako erregulatzeko espedientearen negoziaketa. Zuzendaritzak lan gatazka konpontzeko inolako borondaterik ez duela salatu du enpresa batzordeak.
Asteartean burutu da enplegua aldi baterako erregulatzeko espedienteari buruzko azken bilera, Tubacexeko zuzendaritzaren eta enpresa batzordearen artean. Multinazionalak irailaren 11n bertan aplikatu nahi du espediente berria. Hau abenduaren 30era arte luzatuko da eta %70eko eragina izango du. Langileen ordezkariek proposamen bateratua aurkeztu zuten negoziaketa prozesuan: nahitaezko kaleratzeak albo batera uztea, Espainiako Auzitegi Gorenean aurkeztutako helegitea erretiratzea eta 2024ra arte enplegua mantentzeko konpromisoa hartzea, azpikontratazeari uko eginez. Langileek, euren aldetik, uko egingo liokete ere lan-hitzarmenean adostutako enplegua sortzeko konpromisoari. Proposamena onartuz gero, enpresa batzordeak oniritzia emango lioke Tubacexek aplikatu nahi duen enplegua aldi baterako erregulatzeko espedienteari.
Multinazionalak ezezko borobila eman zion sindikatuen proposamenari, argudiatuta ez dutela zer ikusirik 210 egunez luzatu den lan gatazkak eta espediente berriaren negoziaketak. Gaurko bileran berretsi egin du bere jarrera sindikatuen akordio proposamena xantaiatzat joz.
Langileen ordezkariek azaldu dute, hain zuzen ere, lan gatazkaren konponbidea izan daitekeela enplegua aldi baterako erregulatzeko espedientea, baldin eta neurri estruktural ez-traumatikoez laguntzen baldin bada, hots, kaleratzeak erretiratzen badira.
Akordiorik gabe
Gauzak horrela, akordiorik gabe bukatu da azken negoziaketa. Tubacexek espediente berria aplikatuko du etzi, eta beharginek grebarekin eta mobilizazioekin jarraituko dute: "Plantillaren etorkizuna bermatuko duen akordio bat bilatzeko lanean".
Bien bitartean auzitegietara joko dute berriro irailaren 20 eta 27an. Izan ere, multinazionalak uko egin zion langileen opor egunak errespetatzeari.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]