Tubacex, sententziak ez dira enpresarientzat
Tubacex taldeak ITPk irekitako bidea jarraitu eta gero, lan gatazka modu zibilizatuan amaitzeko atea itxi du, ez baititu kaleratutako langileak onartuko. Zuzendaritzaren jokaerak suizidioa badirudi ere, babes handia daukan estrategia da.
Aste honetan azaldu zien Tubacexeko zuzendaritzak sindikatuei kaleratutako beharginek ez zutela lantegietara itzultzeko aukerarik izango, eta etxean dauden bitartean kobratzen geratuko direla. Erabakiak ez zuen inor ezustean harrapatu, ITPko adibidea jarraitu baitu multinazionalak, baina lan gatazkaren itxiera txukuna ekidingo du.
Izan ere, enpresak argi eta garbi adierazi du bere asmoa epaiak ez betetzea dela, eta berriro proposatuko ditu “irteera negoziatuak”. Kaleratze horiek egiteko erraztasunak izango ditu Tubacexek. Izan ere, kaleratutako langile batzuek jadanik beste lanpostu bat topatu dute, eta gainerakoentzat denbora luzez etxean lan egin gabe egotea ez da etorkizun oso xamurra, aintzat hartuta urtebetea edo gehiago igaro daitekeela Auzitegi Gorenak helegitearen ebazpena atera arte.
Beste modu batean esanda, zuzendaritzak zirrikitu legalak baliatuko ditu “mobbing” legala abian jartzeko eta kaleratzeak atzeko atetik gauzatzeko.
Epaiketak galdu eta gero, Tubacexeko zuzendaritzak ahalegina egingo du kaleratzeak adosten, langileak etxean utzita, "mobbing" legala baliatuta
Estrategia hori ezinezkoa litzateke erakunde publikoen babesik gabe, eta egun hauetan ez da Eusko Jaurlaritzaren aldetik inolako kritikarik entzun Tubacex enpresaren burugogorkeriari dagokionez. Hain legezalea den gobernuak beste alde batera begiratu du kasu honetan eta, aldiz, Arantza Tapia Sailburuaren ahotik errepikatu dira Tubacexeko arduradunek esandakoak: normalitate berrira itzuli behar dela (hau da, arruntatzat hartzea sententziak ez direla beteko), lantegia ahalik eta lasterren ireki behar dela... Zuzendariek sindikatuei esandakoa, funtsean.
Polizia hainbat aldiz bidali dute lantegietara gutxi batzuen lan egiteko eskubidea bermatzeko, baina 129 kaleratuen eskubide bera ez da hain garrantzitsua, antza.
Zuzendaritzaren kudeaketa suizida
150 eguneko greba gaindituta, zuzendaritzak kudeaketa ezin okerragoa egin du pandemia hasi zenetik, arazo estrukturalak dituela antzezteko. Epaileek adierazi bezala, pandemia egoera ez zen Tubacexek esandakoa bezain larria izan, zeinetan enpresak uko egin zion Gizarte Segurantzako kargak ez ordaintzeko aukerari, etorkizun motzean kaleratzeak gauzatu ahal izate hutsagatik.
Hau da, kaleratzeak egiteko, ehunka langileren gizarte kargak ordaindu zituen enpresak eta, gainera, langile horiek guztiak bere gain geratu dira berriro, sententzien ondorioz. Etxean geratzera behartuko ditu enpresak, baina berdin kobratuko dute. Zentzurik gabeko bi erabaki.
Krisialdia, bai ala ez?
Tubacexek behin eta berriro errepikatu du bere sektorea -gasa eta petrolioa- trantsizio garaian dagoela eta moldatu beharra dagoela, langileak kaleratuta. Enpresaren norabidea eta errealitatea, ordea, kontraesankorrak dira baieztapen horrekiko.
Tubacexeko zuzendaritzaren kudeaketa suizida izan daiteke grebalarien artean beldurra eragiteko
Alde batetik, 2019an egungo egoera ezagutzen bazen, zergatik egin zuen apustu Tubacexek Ekialde Hurbileko enpresen erosketan, gasaren merkatuan sakontzeko (NTS taldea, hain zuzen)? Non daude energia berriztagarrien aldeko inbertsioak?
Bestetik, nola liteke Alvaro Videgain presidente ohiak, martxoan, Balore Merkatuaren Batzorde Nazionalean, esatea eskarien zerrenda igo egin zela eta aldi berean aipatzea egitura krisia dagoela; noiz eta gasolina inoiz baino garestiagoa den unean?
Kudeaketa suizida edo beldurra eragiteko estrategia?
Aste honetako bileran, zuzendaritzak beste iltze bat gehitu zion balizko hondamendi egoerari, ordainketak etetetik hurbil dagoela adieraziz, nahiz eta duela gutxi ziurtatu 150 milioi euroko kutxa duela.
Ikus daitekeen moduan, Tubacexeko buruek mezu kontraesankorrak zabaltzen dituzte publikoaren arabera. Inbertsoreen eta merkatuaren aurrean osasun ekonomiko paregabea saltzen dute. Sindikatuen aurrean, aldiz, koadro ilun eta larria, greba mugagabeari bezeroen artean konfiantza falta sortzea leporatuta.
Zuzendaritzaren disonantziak bi azalpen ditu. Edo nahiago dute TTI eta Aceralava itxi harropuzkeria hutsagatik (bistakoa da legeari izkin egiten saiatuko direla ahal bezain beste, sententziak ez onartuta), edo grebalariak urratzeko azken beldur estrategia abiatu dute, lanuzteak garaipen argia ekarri ez dezan.
Kasu batean zein bestean, langileek erabaki beharko dute zein den lan gatazkaren etorkizuna, enpresak ez baitu asmorik epe motzean akordiorik lortzeko, eta proposatu duen hurrengo negoziazio mahaia Aldi Baterako Enplegua Erregulatzeko Espedientearen inguruan hitz egiteko izango da zuzenean.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.